|
Microsoft Word turklib ru docТуркестанская Библиотека - www.turklib.ru – Turkistan Library
|
səhifə | 36/46 | tarix | 25.06.2018 | ölçüsü | 1,12 Mb. | | #51945 |
|
Туркестанская Библиотека - www.turklib.ru – Turkistan Library
uyumur!
Qitədən- qitəyə,
Adadan- adaya
Kədərli, pərişan
Bir ana adlayır…
***
Bir gecə istədim ki,
ana qayğılı olum.
Oyaq qalım səhərədək…
Körpəmiz ağladıqca ovudum.
Səhərə yaxın
Kirpiklərimdən daş asıldı,
oyana bilmədim.
Bir ömür boyu ana olur analar,
Mən bir gecə ola bilmədim.
TOFİQ MÜTƏLLİBOV
ANALAR TEZ OYANAR
Analar yuxusundan
Səhər tez oyanarlar.
Hələ günəş doğmamış,
Günəş olub yanarlar.
Mehriban gözlərinə
Yuxu gəlməz gecələr.
Qayğıları çoxalar,
Ürəkləri incələr.
Yorğunluq da duyular
Üzündə, bənizində,
Yenə üzər körpələr
Laylalar dənizində.
Neçə övlad böyüdüb
Arzulara çatarlar.
Analar tez oyanar,
Analar gec yatarlar.
NOVRUZ GƏNCƏLİ
Туркестанская Библиотека - www.turklib.ru – Turkistan Library
ANANIN SƏSİ
Ana qəlbim odlanır
Söz düşəndə davadan.
Bəs deyilmi, ey insanlar,
Töküldü qan, axdı qan?
Bəs deyilmi ana torpaq
Su içdi göz yaşından?
Yer üzündə dostu olsun
Gərək insan insanın,
Qəlbimdəki bu arzular
Arzusudur zamanın.
Mən anayam, bu səsimdə
Yerin, göyün dərdi var.
Sülhə gəlin, ey insanlar,
Yoxsa dünya məhv olar.
Silahları yandırın,
Ərşə qalxsın tüstüsü,
Hər obada, hər bir eldə
Qanad açsın sülh sözü,
Üzü gülsün insanların,
Bayram etsin Yer üzü.
MƏMMƏD ARAZ
« ANAMDAN YADİGAR NƏĞMƏLƏR »
SİLSİLƏSİNDƏN
BACIM GÜLSÜMƏ MƏKTUB
Necə yad görürəm doğma yerləri…
İlk dəfə qarşıma çıxmadı anam.
İlk dəfə anamsız açdım səhəri,
İlk dəfə anamsız düşəcək axşam.
Uyuşa bilmirəm kəndimizə ta,
Başqa nəğməlidir bulaqlar indi.
Sanki mən tərəfə əyilmir hətta,
Mənsiz çırpılmayır budaqlar indi…
Demə ki, ay bacım - anam əvəzi,
Туркестанская Библиотека - www.turklib.ru – Turkistan Library
Qardaş, etibarın bəs hara getdi?!
Bir də bu yerlərə dönmək həvəsim
Anamla birlikdə məzara getdi…
Hörməti ayrıdır qardaş - bacının,
Tək ana nəfəsi üzümə dəymir.
Bəs hanı, qocaman qoz ağacının
Dibindəki cəhrə gözümə dəymir?
Uşaqlar çıxardıb tağalağını,
İydən də bir mismar kəsibdir hərə:
O küncdə toz basmış yun darağını,
Yəqin, satmısınız hörümçəklərə.
Elə bil yarpızın dəyişib tamı.
Nanənin ətri də azalıb bir az.
Çağırın, çağırın əziz anamı
Belə bağça olmaz, belə bağ olmaz.
Əyib atamı da ömrün gərdişi,
Dünyanın qəribə sirləri varmış,
Ömür yoldaşını itirən kişi
Uşaqdan da betər yetim olarmış.
Çətindir, ay bacım, bunları görmək,
Göz də bir baxışla oda düşərmiş:
Uşaqlıq itirmək, gənclik itirmək
Ana itirəndə yada düşərmiş…
Nə lovğalıq bilin, nə də ki, ayıb,
Mən daha köçəri, köçəri quşam,
Bu gecə üstümü örtən olmayıb,
Bu gecə yamanca soyuqlamışam.
Örüşdən quzular dönüb mələşir,
Boz inək axtarır səsini onun.
Yadıma bir sözüm, bir misram düşür;
Çırağı anaymış ata yurdunun!
SON ANINDA
Axır nəfəsinə yetişmədim mən,
Son dəfə bağrıma basmadım onu.
Туркестанская Библиотека - www.turklib.ru – Turkistan Library
Ah niyə, görmədim gözündə sönən
Son həyat eşqini, son arzusunu.
Yudu başdaşını gözümün yaşı,
Göz yaşı yeni can vermir adama,
İlk dəfə qarğıdım qohum - qardaşı,
İlk dəfə acıdım doğma atama.
« Qapadı gözünü o mənsiz, necə,
Necə dəfn etdiniz məndən xəbərsiz…»
Bir qarı dilləndi: « Anan ölüncə
Dedi ki, balamı çağırmayın siz.
Qorxar… İşi çoxdur… azca ağladı.
Qorxdu ki, eşidib kədərlənərsən.
Son anda şəklini o qucaqladı,
Gözünə baxmadı… qəhərlənərsən…»
Yarama köz basdı bu söz də mənim,
Qopdu ürəyimdən yanıqlı nida:
Ana qəlbinə bax! Övlad qəmini
Görmək istəməyib son anında da.
ANA YAŞI
Daha gəlməyəcək anamın səsi,
Mənə də taleyin yumruğu dəydi.
Düzü acığıma gəlir: bəzisi
Soruşur mərhumun yaşı neçəydi?
- Bilmirəm… düşmüşdü saçlarına dən…
…Dolaşır sualla cavab başımda.
- Ana kədərini yaşmıdır ölçən?
Ana itirmişəm, ana yaşında…
FAMİL MEHDİ
ANALAR… QADINLAR…
(ixtisarla)
Analar, sizinlə gözəldir dünya,
Dostları ilə paylaş: |
|
|