365
arasında optimallığı təmin edərək bankın mənfəətini maksimizə etməkdir. An-
caq bu üç prinsipin bir-biri ilə uyğunlaşmamağı da bir həqiqətdir.
Bank menecmentinin məqsədi gəlirliliyi maksimuma çatdırmaq və risk-
ləri minimuma endirməkdir. Bir bankın ən təməl məqsədi, aktiv və öhdə-
liklərini sabit və yüksək bir xalis faiz marjasında saxlayaraq idarə etməkdir.
Banklar aktiv – öhdəlik mövqelərini idarə edərək sahibləri üçün qazanc istehsal
edirlər. Bankın təməl gəliri çeşidli aktiv maddələrindən qazandığı faiz gəliridir.
Bu faiz gəliri qiymətli kağız gəlirləri və bankçılıq xidmət gəlirləri tərəfindən ta-
mamlanır. Bankın əsаs xərcləri isə əmanətlər üçün ödədiyi faiz xərcləridir.
Ə
manətin miqdarına və strukturuna ən önəmli təsir edən ünsür müştərinin səda-
qətidir.
Bankın uçot siyasəti - bank tərəfindən maliyyə hesabatlarının hazırlanıb
təqdim edilməsi üçün qəbul olunmuş konkret prinsiplər, əsaslar, şərtlər,
qaydalar və təcrübədir. Bankın uçot siyasəti maliyyə hesabatlarına tətbiq edilən
bütün uçot Qaydalarına uyğun olmalı və aşağıdakı tələblərə cavab verməlidir
10
:
1. qərar qəbul edilməsində istifadəçilərin ehtiyacları üçün münasib olma-
lıdır;
2. etibarlı olmalıdır. Belə ki, bu siyasət:
• bankın maliyyə vəziyyətini və nəticələrini dəqiq şəkildə təqdim edir;
• hadisə və əməliyyatların yalnız hüquqi formasını yox, həmçinin iqtisadi
məzmununu əks etdirir;
• neytraldır;
• hərtərəflidir;
• istənilən mənada tamdır.
Maliyyə vəziyyətinin qiymətləndirilməsi ilə bilavasitə əlaqəli olan ele-
mentlər - aktivlər, öhdəliklər və kapital hesab olunur. Bu elementlər aşağıdakı
qaydada müəyyən olunur:
1. Aktivlər - əvvəlki dövrlərdə baş vermiş hadisələr nəticəsində bank tə-
rəfindən nəzarət edilən və gələcəkdə bank tərəfindən iqtisadi səmərə alınması
gözlənilən vəsaitlərdir.
2. Öhdəliklər - əvvəlki dövrlərdə baş vermiş hadisələrdən yaranan və
tənzimlənməsi bankdan iqtisadi səmərəyə malik vəsaitlərin əks-axınına gətirib
çıxaran cari borclardır.
3. Kapital - bankın öz vəsaitləridir və bankın bütün öhdəlikləri çıxıldıq-
dan sonra onun aktivlərdə qalan payıdır.
Maliyyə hesabatlarında aktiv və öhdəliklər aşağıdakı qaydada təsnifləşdi-
10 Ətraflı: Azərbaycan Respublikasının bank sistemində maliyyə hesabatlarının tərtib və
təqdim olunması Qaydaları
366
rilməlidir: tələb olunanadək və 1 ayadək; 1 aydan 3 ayadək; 3 aydan 6 ayadək;
6 aydan 1 ilədək; 1 ildən yuxarı.
Aktivlər. Aktivdə əks olunan gələcək iqtisadi səmərə banka aşağıdakı
yollarla daxil olur:
1. aktiv, bank tərəfindən göstərilən xidmətlərdən ayrılıqda və ya digər
aktivlərlə əlaqəli şəkildə istifadə olunduqda;
2. aktiv, digər aktivlərlə mübadilə olunduqda;
3. aktiv, öhdəliklərin ödənilməsi üçün istifadə olunduqda;
4. aktiv, bankın sahibləri arasında bölüşdürüldükdə.
Bir çox aktivlər, məsələn, əsas vəsaitlər fiziki formaya malikdir. Lakin
fiziki forma, aktivin mövcudluğunu müəyyən etmək üçün əsas deyil, belə ki,
patentlər və müəlliflik hüququ fiziki formaya malik olmamasına baxmayaraq,
aktiv hesab olunur, çünki bank tərəfindən onlardan gələcəkdə iqtisadi səmərə
ə
ldə etmək gözlənilir və nəzarət olunur. Həmçinin mülkiyyət hüququnun ol-
ması da aktivin mövcudluğu üçün birincidərəcəli hesab edilmir. Belə ki, əgər
bank əldə olunması gözlənilən mənfəətə nəzarət edirsə, icarə olunan əmlak da
aktiv kimi tanınır. Bankın aktivləri əvvəlki dövrlərin əməliyyatları və digər
hadisələr nəticəsində yaranır. Yaranmış xərclər və yaradılmış aktivlər arasında
sıx əlaqə mövcuddur, lakin bunlar uyğun olmaya da bilər. Belə ki, bank xərc
həyata keçirdikdə, nəzərdə tutulur ki, bu xərc gələcəkdə mənfəət əldə etmək
məqsədi güdür, lakin bu o demək deyil ki, aktiv kimi tanınan obyekt yaran-
mışdır. Həmçinin müvafiq xərclərin istisna olması, maddənin aktiv kimi
tanınmasına mane olmur və mühasibat balansında tanına bilər.
Aktivlərin gəlirliliyi təhlildə istifadə edilən digər bir əmsaldır. O, aktiv
portfelinin səmərəliliyini qiymətləndirir və bankın məruz qaldığı risk dərə-
cəsinin və əldə edilən fəaliyyətinin nəticələrinin ən yaxşı göstəricisidir. Qeyd
etmək lazımdır ki, bu əmsalın göstəricisi cari ildə yüksək ola bilər, lakin eyni
zamanda kredit portfelinin keyfiyyətinin aşağı olması səbəbindən, növbəti ildə
keçən ilə nisbətən çox aşağı düşə bilər. Bu səbəbdən, əmsalın göstəricilərini bir
neçə il üzrə müqayisə etmək daha məqsədəuyğundur. Bəzi banklar Aktivlərin
Gəlirliliyi əmsalını iki cür hesablayırlar: biri cəmi aktivlərə, digəri isə məh-
suldar aktivlərə görə (kredit və investisiya kimi gəlir gətirən aktivlər): və bunlar
arasında müqayisə aparmaqla, qeyri-məhsuldar aktivlərin səviyyəsi haqqında
məlumat əldə olunur.
Öhdə
liklə
r. Öhdəliyin əsas xüsusiyyəti bankın borcunun olmasıdır. Öh-
dəlik - borcdur və ya müəyyən bir işi müəyyən şəkildə yerinə yetirmək və ya
müəyyən şəkildə hərəkət etmək barədə verilmiş təminatdır. Öhdəliyin yerinə
yetirilməsi aşağıdakı üsullarla həyata keçirilə bilər:
1. pul vəsaitlərinin ödənilməsi vasitəsilə;
2. digər aktivlərin verilməsi ilə;
3. xidmətlər göstərməklə;
4. bir öhdəliyin digəri ilə əvəz olunması vasitəsilə;