4
GİRİŞ
Ali məktəblərdə tədris olunan informatika fənni
digər fənlərdən onunla
fərqlənir ki, onun öyrənmə predmeti sürətlə dəyişir. Hal-hazırda dünyada
milyarddan çox kompüter vardır və bu kompüterlərin əksər hissəsində aparat
və proqram təminatı biri-birindən tamamilə fərqlənir.
Bu isə istifadəçilərdən
dərin bilik və yüksək səviyyəli praktik iş tələb edir.
Sürətlə dəyişən aparat və proqram təminatı ona uyğun mütəxəssislərin
hazırlanmasında çətinlik törədir. Bu dəyişməyə
uyğun olaraq tədris
proqramlarını, işçi proqramları tez-tez dəyişmək lazım gəlir ki, buda
dərsliklərin hazırlznmasında, laboratoriyalarda olan
kompüterlərin aparat və
proqram təminatının yenilənməsində maliyyə problemləri yaradır.
Bütün bu dəyikliklərə vaxtında və sürətlə reaksiya verilməsinə baxmayaraq
yüksək səviyyəli yeni informasiya texnologiyaları mütəxəssisləri hazırlamaq
problemi aktual olaraq qalır.
Ona görədə respublikada orta və ali məktəblərdə informatika fənnin
tədrisinə vahid metodiki yanaşma olmalıdır.
Bu cür yanaşma olarsa onda
yüksək səviyyəli mütəxəssis hazırlığında nəticələr əldə etmək mümkündür.
Müəlliflər təqdim olunan dərslikdə yuxarıda deyilənləri əsas tutaraq
dərsliyin orta məktəb şagirdlərı, universitet tələbələr, magistirlər, müəllimlər
üçün faydalı olacağına inanırlar.
Şübhəsiz ki, dərslikdə olan materiallara müxtəlif
yanaşmalar olduğundan
oxucular tərəfindən iradlar olacaqdır. Həmin iradları dinləməyə və düzgün
olanları növbəti nəşrdə nəzərə almağa hazırıq.
Ünvanımız: Khalilov@bsu.az, n_gasanova@hotmail.com.