R E S E N Z İ Y A L A R
100
şəkildə əks etdirir. Tarixilik baxımından, döv-
lətçilik kamilliyi valideynlər, anaya münasibət,
ana kultunun türkün tarixi taleyində həlledici
sübut olunması, ailə namusunun oğuz elində
ümumi əxlaq norması şəklində saxlanması
faktları sübut edir. İctimai-siyasi davranışla-
rından aydın olur ki, dastanlarda feodalizm qu-
ruluşu hökm sürür. Ancaq qəbilə və quldarlıq
nişanələri də hiss olunur. Bu o deməkdir ki,
boyların tarixi daha qədimlərə gedir, həm də
boylar müxtəlif zamanlarda yaranıb. Əsərdə
belə ifadələr önə çəkilir: Oğuz zamanında bir
yigit ki, evlənsə, oq atardı. Oqı nə yerdə düşsə,
anda gərdək tikərdi; Ol zamanda bəglərün
alqışı alqış, qarğışı qarğış idi; Ol zamanda bir
oqlan baş kəsməsə, qan dökməsə, ad
qoymazlar və s. Bununla da əsaslandırılır ki,
boylardakı oğuz dövlətlərindən daha əvvəlki
dövrlər, oğuzun 24 tayfaya ayrılmadığı vaxt-
lar, oğuzun monolit olduğu zamanlar, hətta
dastandakı halında bir dövlət olsa da, İç və
Daş oğuzlara ayrılmadığı dərinliklər var imiş.
Maraqlıdır ki, boylar içində daha qədimliyi ilə
səciyyələnən «Bamsı Beyrək» boyunda həm
övlad doğulması üçün alqış-dua məqamı var,
həm də Beyrək oxunu atır, düşən yerdə gərdək
qurdurur. Xüsusən əsərdə oğuzun dövlətçiliyi
zəngin faktlarla əsaslandırılaraq yazılır: «Ay-
dındır ki, oğuz dövləti bəyliklərdən ibarətdir.
Bu bəyliklərin hamısı bir mərkəzə tabedir.
Dövlətin başçısı xanlar xanıdır. Xanlar xanı ən
böyük vəzifədir. Burada, ümumiyyətlə, dastan-
da bəzən xan və bəy titullarının üst-üstə düş-
düyünü görürük» (s.31). Xüsusən əsərdə qeyd
edildiyi kimi, ikinci boyda hadisə böyüyür,
tayfa-bəylik çərçivəsindən çıxır. Bu boyda
qəhrəman Qazan xandır. O, Dirsə xanla müqa-
yisədə daha nüfuzludur, daha dövlətlidir, daha
igiddir. Məlumdur ki, tarixən şəxsin mövqeyi
yüksək olduqca onun titul-təyinləri artır. Bura-
da, ümumiyyətlə, türkün etnik-tarixi anketi əks
olunur. Qazan, birinci, Salur adı ilə təyinlənir.
Bu onun tayfasının adıdır – salur oğuz tayfala-
rından biridir. Sonra atası ilə təqdim edilir, ki-
min törəməsidir – Ulaşın oğludur. Tulu quşun
yavrusu (sevimlisi) – bu, görünür, totem söy-
kənəcəyi olmalıdır; valideyndən – atadan son-
ra məhz totem mötəbərliyi gəlir. Maraqlıdır ki,
bu da ata kultunun çox qədim yaradıcılıq
məhsulu olmasını göstərən detallardan biridir.
Dastanda islam ideologiyasına xüsusi diqqət
verildiyindən bu totemçilik izi donuq halda
qalır. Bununla da türkün adət-ənənəsi, etnoqra-
fiyası aydın şəkildə verilir. Müəllifin göstər-
diyi kimi, dastanda etnoqrafik tariximizin qiy-
mətli örnəklər var: yas və toy mərasimləri in-
cəlikləri ilə təsvir olunur. Yasda ağ soyunub
qara geyinirlər – hətta bu gün həmin adət qar-
ğış şəklində bizə çatıb: qara geyib, göy çalas-
san (alnına göy rəngli çalma bağlamaq). Bu
boyda bədiilik əvvəlkilərdən çox güclüdür.
Burada gözəl təbiət təsvirləri, ov səhnələri,
mərasim oyun-yarışları yüksək bədii dillə
verilir.
Əsərdə o da xüsusi vurğulanır ki, türk öz
uşağını düşmənə cavab verən pəhləvan yetiş-
dirdiyi kimi, həm də ata-anasına sinən, sevgili-
sini kövrək hissələrlə sevən zərif ürəkli insan
kimi tərbiyə edilir. Türk vəhşi pəhləvan hazır-
lamır, insan sifətli, mələk ürəkli igid böyüdür.
Türkün kəsən-doğrayan sərt qılıncı və sevən,
kövrək ürəyi olur. Türk demokratiyası bu ürəyi
döyündürən ictimai mühitin məhsuludur. Bu
şeir-nəğmə hər boyda məhz şadlıq məqamında
deyilir. Halbuki bunun məzmunu kədərlidir.
Deməli, oğuz öz qoca müdriki Dədə Qorqudun
şeiri və qopuzu ilə şadlıq məclisində də ölümü
yada salıb cəmiyyətini tərbiyə edirmiş; bu
şadlıq melodiyasının kədəri ilə həyatın, dünya-
nın gəlişinin-gedişinin təhlilini vermiş, oğuz
cəmiyyətinin ölənin qəm matəmi ilə üzülməyə
yox, yaşamağa, həyatın bərkinə – əzabına döz-
məyə hazırlayırmış. «Dədə Qorqud kitabı»nın
bədii oğuz həqiqəti budur.
Boyların müstəqil dastanlar şəklində
müxtəlif dövrlərdə, hətta bir-birindən uzaq əsr-
lərdə yaranması boylardakı qeyri-ardıcıllıqda,
hadisələr arasındakı anaxronizmdə də görünür.
R E S E N Z İ Y A L A R
101
Tədqiqatda dastanda oğuz elinin ətraf dövlət-
lərlə münasibətində diqqəti çəkən spesifik
məqamlar da araşdırılır. Doğrudur, boyun dö-
yüşü dastanda dövlətlərarası müharibədir, gö-
rünür ki, oğuz xarici düşmənə asan qalib gəlir.
Xüsusi vurğulanır ki, oğuz öz qonşularına qız ve-
rir, onlardan qız alır, ən çox müharibə apardığı
qonşu dövlətin başçısı Şöklü Məlikdir – Şöklü
türklərdə kişi adı kimi işlənir. Təbii ki, xalqın
tarixini əks etdirən dil etiketlərindən biri antro-
ponimlər sistemidir. Antroponim sisteminin
dini mənsubiyyətlə birbaşa əlaqəsi var. Düş-
mən tərəfdən Qıpçaq Məlik – sərkərdənin adı-
nın çəkilməsi də göstərir ki, oğuzun qonşulu-
ğundakı ərazidə qıpçaq türkləri yaşayır. Oğuz-
ların onlara kafir deməsi də özünü doğruldur,
çünki islamı ilk qəbul edən Azərbaycan öğuzları
idi, qıpçaqlar isə XII əsrin ikinci yarısından sonra
qəbul ediblər. Bununla da dastanın Azərbaycan
oğuznaməsi olması faktlarla aydınlaşdırılır.
Boydakı obrazların aydın portretləri var.
Bu portret-obrazlarla həm xarici cizgilər, həm
də şəxsiyyət, daxili məzmun birgə oxunur.
Bunlar bir azacıq mübaliğə ilə real türk
pəhləvanlarıdır və relyefli, aydın və sərt cizgili
bədii obraz-portretlərdir. Bu portretlərin ciz-
gilərindən aydın olur ki, hər biri vaxtilə Buğac
kimi göstərdiyi bir rəşadətə görə ad və bəylik
alıb. Boydakı düşmən də – Şöklü Məlik də
mükəmməl obrazdır. Qazan xanın qadınına
sığraq sürdürmək, qadını aşkar etmək üçün oğ-
lunun ətindən anaya qara qovurma bişirmək
təklifləri göstərir ki, Şöklü Məlikin düşmən-
çiliyi güclü psixoloji qisasçılıq üstündə durur.
Bu dastanın mükəmməl bədiilik əlamətlərin-
dəndir ki, düşmən aciz verilmir.
Müəllifin qeyd etdiyi kimi, boyda islam
yamaq kimi seçilir, süjetə sxematizm verir.
Belə ki, dastanın bir çox boyları islamiyyətin
qəbulundan əvvəl yaranmışdır. Əsərin müsbət
qütbünü təşkil edən kütlə və obrazlar müsəl-
man kimi qələmə verilir. Müəllifin qeyd etdiyi
kimi, burada şamanizm, totemizm əlamətləri
də diqqəti cəlb edir. Belə ki, dastanda ozan və
yozan sözləri arasında uyğunluq vardır ki, bu
da aşkar şamançılıqdır. Ancaq qəhrəmanın
ölümü ilə onun atını öldürürlər. Qəhrəmanın
qüdrətini göstərmək üçün onun mənşəyini
qeyri-insan başlanğıcına – totemə bağlayır,
heyvan və quşlarda mübarək xasiyyətlər görür-
lər. Müəllif, faktlara əsaslanaraq xüsusən Ba-
sat və Bəkir obrazlarını totemizmilə əlaqələn-
dirən fikirləri təsdiqləyir və qeyd edir ki, bu
boylar müxtəlif dini inamlar zamanı yaradılıb.
Bununla yanaşı onu da göstərir ki, XI–XII əsr-
lərdə tamamlanma zamanı islam ideologiyası
baxımından ümumiləşdirmələr aparılaraq mü-
əyyən əlavələr edilmişdir.
Boyda ticarət tariximiz haqqında məlu-
mat var, qiymətli alver məlumatı, ticarət ter-
minləri (dan-dansuq, məzəndə və s. ), ticarət
coğrafiyası (Ruma səfər) diqqəti çəkir. Aydın
olur ki, oğuz elinin zəngin ticarəti və yüksək
ticarət mədəniyyəti olub. Bütün bunlarla
yanaşı «Dədə Qorqud» oğuznaməsi yüksək sə-
nət abidəsidir. Bunu dastandakı obrazlar siste-
mi, süjetin ardıcıllığı, hadisələrin inkişafı, bir-
birinə keçidi, insanlar arasındakı dərin psixo-
lojilik, məişət həyatının təsviri təzahürləri,
boyların hər birindəki dramatizmi, bu drama-
tizmin dastan üzrə bütövlüyü, «Dədə Qorqud»
dastanının kamil bədii əsər olduğunu təsdiq-
ləyir. Xüsusən boylar arasındakı əlaqələr bir
tarix əsərindəki fəsillərin bir-birinə keçməsi
deyil, bədii süjetin bir-birindən törəyən hadisə-
lər üzrə inkişafıdır. Bununla da, müəllifin qeyd
etdiyi kimi, əsər kompozisiyasına, fabulasına,
süjet inkişafına, dil təzahürünə görə, mənzum
tarixi roman tipi saymaq olar, ancaq dastanın
dili əlbəttə ki, bədii dildir. Buna əsaslanaraq
dastanda işlənən təşbehlər, frazeoloji birləşmə-
lər, tabu-evfemizm fiqurları zəngin faktlarla
təhlil edilir.
Əsərdə «Dədə Qorqud kitabı»nın dilinin
leksik-istiqamətdə tədqiqi göstərir ki, onun qə-
dimliyinin tarix, coğrafiya, etnoqrafiya və baş-
qa elmlərlə əsaslanan mülahizələrlə yanaşı dil
faktları da təsdiq edir. Yəni, müəllifin qeyd
Dostları ilə paylaş: |