205
FƏSİL 28
MƏKTƏBDAXİLİ RƏHBƏRLİK PEDAQOJİ PROSESƏ XİDMƏT КИМИ
1.Məktəbə rəhbərliyin ümumi məsələləri
Azərbaycan Respublikasında təhsil sisteminə bilavasitə rəhbərlik vertikal
istiqamətdə, yəni yuxarıdan aşağıya doğru həyata keçirilir. Ölkəmizdə təhsil
sisteminin başında respublika Təhsil Nazirliyi durur. Nazirliyin kollegiyasının
qərarları və nazirin əmrləri təhsil sisteminin bütün vəsilələrində icra edilir.
Təhsil sisteminin vəsilələrinə aiddir: Naxçıvan Muxtar Respublikasının
Təhsil Nazirliyi, şəhər təhsil şöbələri, rayon təhsil şöbələri, ayrı-ayrı tədris
müəssisələrinin müdirliyi və rektorluğu. Sadalanan orqanların və tədris
müəssisələrinin rəhbərləri təhsilin yerlərdə rəhbərləri hesab edilir. Məsələn, orta
ümumtəhsil məktəbində direktor və onu müavinləri, orada ictimai əsaslarda
fəaliyyət göstərən qurumların başında duran şəxslər də təhsilin rəhbərlərinə aiddir.
İndiyədək Azərbaycanda təhsil rəhbərləri ayrıca ixtisas rəhbərləri kimi
hazırlanmamışdır. Təhsil sahəsində rəhbər vəzifələrə adamlar müsabiqələr yolu ilə
seçilmiş, yaxud müəllimlərdən ən bacarıqlıları müəyyənləşdirilərək təyin
edilmişdir.
Son zamanlar bəzi xarici ölkələrdə təhsilə rəhbərlik edəcək mütəxəssislər
hazırlanmasına başlanmış və belə mütəxəssislərə təhsil meneceri deyilir.
206
Azərbaycan Respublikasında da təhsilə rəhbərlik edəcək mütəxəssislərin
hazırlanması üzərində düşünürlər.
Bu yeni meyl reallaşanadək biz indidən ümumtəhsil məktəbində pedaqoji
prosesə xidmət mövqeyindən təhsilə rəhbərliyin bəzi məsələləri ilə tələbələri tanış
etməyi vacib sayırıq.
Məktəbdə pedaqoji prosesə xidmətdə həm vəzifəli şəxslər, həm də ictimai
qurumlar iştirak edir. Məktəbin direktoru və onun müavinləri, sinif rəhbərləri və
müəllimlər birincilərə aiddir; məktəb pedaqoji şurası, fənn komissiyaları, məktəb
valideynlər komitəsi, sinif valideynlər şurası və s. ictimai qurumlardır.
Pedaqoji prosesin səviyyəsini yüksəltməkdə məktəbin vəzifəli şəxslər ilə
yanaşı ictimai qurumların rolu böyükdür. Həm vəzifəli şəxslər, həm də ictimai
qurumların rəhbərləri məktəbdə pedaqoji prosesə xidmət göstərərkən bir sıra
sənədlərə əsaalanırlar. Azərbaycan Respublikası Konsitutiyası, Təhsil Haqqında
Qanun, Ümumi Orta Təhsil məktəbinin Əsasnaməsi, Azərbaycan Respublikası
Təhsil Nazirinin əmrləri, sərəncamları və bu cür sənədlərdir.
Pedaqoji prosesə rəhbərlik bir çox təşkilatı məsələlərin həllini də nəzərdə
tutur. Məktəbdaxili nəzarətin təşkili, dərs cədvəlinin tərtibi, məktəbdə təlim-tərbiyə
işinin planlaşdırılması, tədris rejiminin yaradılması və ona əməl edilməsi,
müəllimlərin vaxtaşırı attestasiyadan keçirilməsi, ictimaiyyətlə və dövlət orqanları
ilə ünsiyyətin tənzimlənməsi və s. tədbirlərin hazırlanması və həyata keçirilməsi bu
cür təşkilati tədbirlərdəndir.
Pedaqoji prosesin məktəbdə səviyyəsini yüksəltməkdə Təhsil Nazirliyinin
rolu ayrıca qeyd edilməlidir. Respublikamızda təhsil sisteminə, ayrı-ayrı tədris
müəssisəsinə ümumi dövlət nəzarətini Təhsil Nazirliyi həyata keçirir. Nazirlik
təhsilin inkişafı üzrə dövlət proqramını hazırlayır, təsdiq etdirir və həyata
keçirilməsini təmin edir; eyni tipli tədris müəssisələri üçün ümumi olan baza tədris
planını, tədris proqramları və dərslikləri təsdiq edir; təhsilin səviyyəsini
müəyyənləşdirməyə imkan verən dövlət standartlarını rəsmiləşdirir və s.
2.Məktəbin maddi-texniki təminatı pedaqoji prosesə xidmət edir
Pedaqoji prosesin yüksək səviyyədə qurulması, birinci növbədə, zəruri
maddi-texniki təminat tələb edir. Yadda saxlamalıyıq ki, ayrı-ayrı fənlər üzrə
biliklərin, bacarıq və vərdişlərin şagirdlər tərəfindən şüurlu və möhkəm
mənimsənilməsi müvafiq tədris avadanlıqlarının, cihazların, əyani və texniki
vasitələrin məktəbdə olub-olmamasından da asılıdır. Pedaqoji prosesin bu cür
maddi-texniki baza ilə təmin edilməsində məktəb rəhbərləri, fənn müəllimləri,
ictimaiyyət nümayəndələri hətta imkan daxilində valideynlər, rayon təhsil şöbəsi,
bələdiyyə iştirak edir. Məktəbin maddi-texniki bazasının möhkəmləndirilməsində
Təhsil Nazirliyi də xeyli real iş görür. Son zamanlar Mehriban Əliyeva Heydər
Əliyev fondu xətti ilə məktəblərimizin maddi bazasının möhkəmləndirilməsində
xüsusi
böyük
fəaliyyət
göstərmişdir.
Xarici
ölkələrin
Azərbaycan
Respublikasındakı bəzi səfirlikləri də məktəblərimizin maddi-texniki bazasının
möhkəmləndirilməsində fəallıq göstərir. Burada adları qeyd olunan və olunmayan
təşkilatlar çalışırlar ki, məktəbimizin uşaq zövqünü oxşayan binası, məktəbyanı
207
sahəsi, idman zalı, fənn kabinetləri və labaratoriyaları, emalatxanaları, həkim
məntəqəsi, zəngin kitabxanası, iclas zalı, muzeyi, canlı guşəsi, pedaqoji fikir
carçısı olan müəllimlər otağı və s. , və i.a. olsun.
Məktəb binasının tikilməsində, onun təmirində, avadanlıq və cihazların
alınmasında işin əsas ağırlığı, əlbəttə məktəbin direktorunun, bələdiyyənin və
Təhsil nazirliyin üzərinə düşür.
Fənn kabinetləri və labaratoriyaların təchizi və orada pedaqoji prosesin
səmərəlilik
dərəcəsi
daha
çox
fənn
müəllimlərinin
fəallığından
və
təşəbbüskarlığından asılı olur. Respublikamızın məktəblərində fizika, kimya,
biologiya, coğrafiya, ədəbiyyat və digər fənn kabinetlərini nümunəvi şəkildə təchiz
və tərtib edən, orada fənnin tədrisini yüksək səviyyədə quran müəllimlərimiz az
deyil. Bununla yanaşı, məktəbin maddi-texniki bazasına lazımi qayğı göstərməmək
halları da olur. Baxımsızlıq ucundan bəzi nəktəblərdə avadanlıq, cihazlar, əyani və
texniki vasitə vaxtından tez sıradan çıxır, istifadəsiz qalır. Adətən bu cür
məktəblərdə pedaqoji prosesin səviyyəsi aşağı düşür. Odur ki, məktəbin mövcud
maddi-texniki bazasını nəinki qoruyub saxlamaq, hətta onu daim yeniləşdirmək və
zənginləşdirmək zəruridir; onu pedaqoji prosesə xidmətin tərkib hissəsi hesab
etməliyik.
Yadda saxlayaq: məktəbə rəhbərlikdə iştirak edən şəxslər və qurumlar nə
qədər səriştəli, fəal, işgüzar, məktəbcanlı olurlarsa pedaqoji proses bir o qədər
yüksək səviyyədə cərəyan edir.
3. Məktəbin kadr təminatı pedaqoji prosesə xidmətdir.
Vaxtilə geniş şəkildə istifadə olunmuş “Kadır hər şeyi həll edir” ifadəsi müasir
dövrümüzdə təhsil sahəsinə, pedaqoji prosesə də müəyyən mənada şamil edilə bilər.
Pedaqoji prosesə rəhbərlikdə məktəb direktorunun rolu əvəz edilməzdir. Mövcud
qaydalara görə məktəbin kadrlarla, xüsusən pedaqoji kadrlarla təmin olunması direktorun
səlahiyyətindədir. Belə bir ciddi səlahiyyət tələb edir ki, məktəbin direktoru işə qəbul
ediləndə səriştəli, işgüzar, təcrübəli, gənc nəslin təlim-tərbiyəsi ilə canla-başla xidmət
etməyə hazır olan müəllimlərə üstünlük versin. Belə olduqda pedaqoji proses zamanı
ortaya çıxan problemin öhdəsindən gəlmək işi xetli yüngülləşir. İşə götürülən bu cür,
məsələn, biologiya müəllimi az bir zaman kəsiyində özünün və şagirdlərinin gücü ilə
biologiya kabinetini çatışmayan eksponatlarla zənginləşdirir.
Məktəb direktorunun müəllim kimi şəxsi fəaliyyət nümunəsinin əhəmiyyəti xüsusi
qeyd edilməlidir. Məlumdur ki, məktəbin direktoru hansısa fənni tədris edir. Öz fənnini
yüksək səviyyədə tədris edən, fənni üzrə kabinetinin işini nümunəvi quran direktor
müəllimlər və valideynlər, habelə şagirdlər arasında böyü nüfuz qazanır; nəticədə
pedaqoji prosesin səviyyəsi yüksəlir.
Pedaqoji prosesə rəhbərlikdə direktor müavinlərinin də rolu az deyil. O, məktəbdə
tədris işlərinin normal gedişinə bilavasitə cavabdeh olan şəxsdir. Tədris proqramlarının
məktəbdə tam yerinə yetirilməsinə, dərs cədvəlinin tərtibinə, müəllimlər və şagirdlər
tərəfindən ona əməl olunmasına rəhbərliyi tədris işləri üzrə müavini həyata keçirir.
Pedaqoji prosesdə müəllimlərin nümunəvi iş təcrübəsinin üzə çıxarılması və geniş
yayılması kimi bir sıra digər vacib məsələlərə rəhbərlik də həmin müavinin
səlahiyyətlərinə aiddir.
Dostları ilə paylaş: |