75
bu güzgüdə xristian dünyasının himayə etdiyi, zəhərli ilan
kimi qoynunda bəslədiyi erməni adlı nankor qonşularımız
necə varsa, eləcə riyakar, əyri görünürdü.
Elə bil ki, Ə.Abasov “Zəngəzur”u yazmaqla həm də
uzaqgörənliklə ötən əsrin sonlarında xalqımızın yenidən
soyqırımı, etnik təmizləmə siyasətinə məruz qalacağını gö-
rüb bizə vaxtında dərs verir, duyuq salmağa çalışır, bu dərs-
lərdən ibrət almağa, ayıq-sayıq olmağa, çağırırdı.
Ə.Abasov yaxşı bilirdi ki, çar və bolşevik Rusiyasının
ağalığı dövründə 1905-1920-ci illərdə Azərbaycanın tarixi
mahalı olan Zəngəzurda silahlı erməni dəstələrinin törətdiyi
qırğınlar nəticəsində on mindən çox müsəlman qətlə yetiril-
miş, 115 müsəlman kəndi yer üzündən silinmişdi. Zəngəzur
mahalının Qafan, Gorus, Qarakilsə (Sisian), Meğri rayonları
1920-ci ildə xalqın iradəsinə zidd olaraq, Moskva və Tiflis-
də oturan ermənipərəst qüvvələrin siyasi qərarı ilə zorla
Azərbaycandan qoparılaraq Ermənistana verilmişdi.
Azərbaycan Respublikasının Prezidenti İlham Əliyev
tarixi torpaqlarımızın zorla qonşu dövlətə birləşdirilməsinə
dəfələrlə münasibətini ifadə edib: “Zəngəzurun Ermənistana
verilməsi haqqında qərar haqqında mən fikirlərimi dəfələrlə
bildirmişdim. Bu gün də demək istəyirəm ki, böyük səhv və
böyük cinayət idi. Ancaq bu tarixi həqiqətdir ki, İrəvan
xanlığı, Zəngəzur mahalı bizim tarixi torpağımızdır.”
Görkəmli siyasi xadim Heydər Əliyev yazarlarımız
qarşısında bu vəzifəni qoyurdu: “Bundan sonra da elə
əsərlər yaranmalıdır ki, o əsərlər Ermənistanda yerləşən
həmin torpaqların Azərbaycana məxsus olmasını daim,
ardıcıl surətdə sübut etsin. Biz bunu etməliyik. Biz gələcək
nəsillər üçün yol açmalıyıq.”
Əyyub Abasov da “Zəngəzur” romanını məhz bu fikirlə
yazmışdı ki, heç nə unudulmamalı, heç kim yaddan çıxma-
malıdır, pis pis, yaxşı yaxşı kimi tarixdə qalmalıdır.
76
ƏYYUB ABASOVUN DÜNYAYA GÖZ AÇDIĞI
ŞƏKİ KƏNDİ HAQQINDA
Şəki Zəngəzurun və Sisiyanın ən qədim və ən böyük
azərbaycanh kəndlərindən biri idi. Kəndin iki min ilə yaxın
yaşı olduğu güman edilir. "Kitabi-Dədə Qorqud"dakı Şöklü
Məlikin və Babəki Afşinə satan Səhl ibn Sumbatın şəkili
olduqları barədə fikirlər də mövcuddur. Şəki adı eramızdan
öncə VII əsrdə Qafana gəlmiş sak tayfalarınm adı ilə
bağlıdır.
Şəki kəndinin cənubunda, kənddən 700-800 m aralıda
Darvaza döşü (akademik Ziya Bünyadov bu yeri "Darvaza-
təpə" adlandırır) deyilən bir təpəlikdə Şəki qalası olmuşdur.
Həmin qalanın qalıqları son vaxtlara qədər qalmaqda idi.
Şəki kəndi Sisyan rayon mərkəzindən 5 km şimal-qərbdə
yerləşir. Şəkidən 3 km şərqdə Qızılcıq, 4 km şimal-qərbdə
isə erməni kəndi Əngələvid yerləşirdi.
1988-ci ildə Şəkidə azərbaycanlı ailələrinin sayı 190,
əhalisi isə 1.930 nəfər olub. Kənddə böyük üç mərtəbəli
məktəb, 500 nəfərlik klub, kitabxana, idarə binası, poçt, tibb
məntəqəsi, univermaq, iki ərzaq mağazası, məişət evi, əma-
nət kassası, su dəyirmanı, ATS və s. social, iaşə obyektləri
var idi. Kənddə 2 yerdə məscid olmuşdur. Lakin 1918-ci
ildə bu məbədlərin hər ikisi yandırılmışdır. Məscidlərin
uçuqları son dövrlərə qədər qalırdı. Kəndin yaşlı adamların
dediklərinə görə, məscidlərdən biri sünni, digəri şiə məscidi
olmuşdur. Şəkidə olan qədim alban kilsəsi 1975-ci ildə
ermənilər tərəfindon dağıdıldı və onun yerində Böyük Vətən
müharibəsində həlak olanlara abidə qoydular. Kənd qəbiris-
tanlığında obada hörmətlə adı çəkilən, böyük soy-kökə ma-
lik Seyid Mir Hüseyn ağanın günbəzi var idi. 1988-ci ildən
sonra günbəz də, qəbristanlıq da dağıdılmışdır. Məşhur Qo-
şundaş abidəsi Şəki kəndindən 3 km cənub-şərq tərəfdədir.
77
Kəndin cənub tərəfində yerləşən "Şamaxı" deyilən bir
qədim yaşayış yeri də var idi. Deyilənə görə, Şamaxı kəndi
VIII-IX əsrlərdə salınnıış, Əmir Teymurun qoşunları tərəfin-
dən yerlə yeksan edilmişdir. Şamaxıdan tapılmış qədim qə-
bir daşları üzərində 800-cü illərə aid tarixin olduğu qeyd
edilmişdir. Kəndin aşağı hissəsində onlarla bulağın birləş-
məsindən Şəki çayı əmələ gəlir. Çay kənddən 1 km aşağıda
yerləşən 36 min kvt-luq Şəki SES-ni işlədir. Kənd ətrafında
çoxlu bulaqlar, o cümlədən Xor-xor bulaq, Güllü bulağı,
Gözə bulağı, Tələli bulağı, Göy bulaq, Çınqıllı bulaq, Südlü
bulaq, Qoşa göl deyilən xırda göl vardı. Əsas dərələr bun-
lardır: Vəng dərəsi, Şor dərə, Sel dərəsi, Qızılcıqla sərhəddə
Ayı dərəsi. Başqa yer adları: Pirin döşü, Ramazan düzü, Də-
və ölən, Dəvə boynu, Təpə arası, Örəncə (köhnə kənd yeri),
Balaşın çalası, Qaraxanbəyli, Fərmaıun quşu, Almurad ka-
hası, Cəfərin bağı, XəIil kahası,Qızıl qaya (hündürlüyü 50
m-ə yaxın), Kaftar qaya və s.
1918-ci il avqustun 15-də kəndin camaatı arpa biçini
vaxtı Andranikin dəstəsinin qəfil hücumuna məruz qalmış,
xeyli tələfat vermişdir. Sağ qalan əhali əsasən Araz boyu ra-
yonlarda (Qubadlı, Cəbrayıl, Füzuli) məskunlaşmışdır.
Kənddən 23 ailə Yevlaxa gəlmiş, 2-3 ailə Şəki rayonunun
Daşbulaq kəndinə, 2-3 ailə isə Naxçıvana köçmüşdür. Bun-
lardan Yevlaxa və Daşbulağa köçənlər geri qayıtmamışlar.
Arazqırağı rayonlarda yerləşən əhalinin yarıdan çoxu yolu-
xucu xəstəliklərdən tələf olmuş, qalanı isə 1921-22-ri illərdə
kəndə qayıtmışdır. Üç yüz təsərrüfatdan təqribən 150-si
geriyə dönməmişdir.
Kənddə sovet hökuməti qurulana qədər böyük ruhani
məktəbi olub. Axund Isgəndər adlı şəxs orada dərs deyirmiş.
Yaşlılann dediyinə görə, yaylağa gələn tərəkəmələr yaylaq-
dan qayıdana qədər öz uşaqlarını o məktəbə qoyurmışlar. İlk
sovet ibtidai məktəbi 1928-ci ildə açılıb. Böyük Vətən
müharibəsində 300-dən çox şəkili iştirak edib, bunlardan
125-i geri qayıtmayıb. 1930-40-a illərdə Qardaşxan Bəylə-
78
rov və onun qardaşı Bəhmən Bəylərov Sovet hökumətınin
əleyhdarları kimi təqib edilmiş, qaçaq düşmüşlər. Qaçaq
Qardaşxan təkcə Zəngəzurda deyil, ətraf bölgələrdə də ta-
nınmış, öz igidliyi ilə ad çıxarmışdır. Şəki kəndindən onlarla
tanınmış alim və ictimai-siyasi xadim, şöhrətli əmək adamı
çıxmışdır.
Şəki ermənilərlə qarışıq kənd olduğundan, 1988-ci il
hadisələri bu kənddə özünü çox qabarıq şəkildə göstərmiş-
dir. 1988-ci ilin fevral ayından başlayaraq, Şəkidə ermənilər
tez-tez anti-azərbaycan mitinqləri təşkil edir, azərbaycan-
lılan qorxudur, təhqir edir, söyür, evlərini daşlayır, mal-hey-
vanını oğurlayır və onları digər təzyiqlərə məruz qoyurdular.
Həmin ilin yayından başlayaraq, Şəki azərbaycanlıları tədri-
cən köçüb getməyə başladılar. Noyabrın sonları şəkililərin
öz ata-baba yurdlarında yaşadıqları axırıncı günlər olmuş-
dur. Noyabnn 24-dən 25-nə keçən gecə Şəki camaatı Kilsəlı
dağı aşaraq, Laçın rayonunun Minkənd kəndinə getmişdir.
Qarlı dağ aşırımını keçərkən bir neçə nəfər qar uçqununa
düşmüş, donub ölmüşdür. Şəki camaatı hal-hazırda Naxçı-
van, Bakı, Sumqayıt, Gəncə, Şəki, Mingəçevir və s. şəhər və
rayonlarda məskunlaşmışdır.
Mənim dünyaya göz açdığım, ayaq açıb ilk yeridiyim,
konül verib ilk sevdiyim Qubadlı rayonunun 35 evlik Saray
kəndində 1918-ci ildə ermənilərin əlindən qaçıb canlarını
qurtarmış 3 Şəkili də pənah gətirib, burda məskunlaşıb ev-
eşik, oğul-uşaq, nəvə-nəticə sahibi olmuş, dünyadan köç-
müşdülər. Biri Əyyub Abasovun bacısı Həmidə nənəydi.
Nəvəsi Nüşabə müəllimə qardaşım Dostəli müəllimin ömür-
gün yoldaşıdır.
O biri uca boylu, cantaraq Balay kişiydi, qaçqın gələndən
Bala bəyin mülkündə nökərçilik eləmişdi, sovet hökuməti
qurulandan sonra bəylik evinin sahibi olmuşdu. Qızı Nubarı
da bəy oğlu Arifə ərə vermişdi.
Şəkili üçüncü gəlmə arıq-sısqa, amma cəld, qıvraq Əliş
kişiydi. Uşaqlıqdan kəndimizin qoyun sürüsün otarırdı, halal
79
adam idi, gec evlənmişdi, oğlu Sabitlə sinif yoldaşı idim.
Heç vaxt yadımdan çıxmaz. 10-11 yaşım olardı. Mal
nobatına getmişdim. Dərəyuxarı örüşdə yanıqlı səs məni
özünə tərəf çəkirdi. Əliş dayının özünü xəlvətə verib bir
qayaya söykənib üzü Zəngəzur dağlarına tərəf yanıqlı səslə
zümzümə elədiyin gördüm. Uşaq marağı məni bürüdü.
Səssiz-səmirsiz, xəlvətcə mümkün qədər yaxına gəldim, ilk
dəfəydi ki, ağlayan kişi görürdüm; ahıl yaşda Əliş dayının
göz yaşları yanaqlarından üzüaşağı axırdı, sakit səslə dizinə
döyə-döyə ağı deyirdi...Evə gələn kimi böyüklərimdən ilk
soruşduğum Əliş dayının niyə ağladığın soruşmaq oldu. –
Ermənilər 18-ci ildə ailələrində hamını qırıblar, güc-bəla
qaçıb gəlib bizim kəndə pənah gətirib, heç kimi qalmayıb,
görmürsən heç kəsə qaynayıb qarışmır, qaradinməz, həmişə
fikirlidi, bizim kəndə gələndən belədi-dedilər.
O zamandan bu üç “gəlmə”yə qarşı ürəyimdə hər zaman
sevgi, mərhəmət, hörmət olub. Və sonra tale bu didərginlik
ağrı-acısın bizə də yaşatdı, yaşatmaqda davam edir...
Əyyub Abasov da, kürəkəni tanınmış alim Cahangir
Qəhrəmanov da bizim kənddə, evimizdə qonaq olmuşdular.
Babam Hacı Fətəli Əfəndinin ərəb dilində əlyazmalarını,
ərəb ölkələrindən, Osmanlı dövlətindən gətirdiyi, sovet hö-
kumətinin qorxusundan gizli saxlanılan kitablarını oxuyub
tanış olmuşlar, onun mütaliəsinə heyranlığını bildirmişlər.
Aranlı-yaylaqlı, barlı-bərəkətli, axar çaylı, bol bulaqlı,
dağlı, dərəli-təpəli, qonaq-qaralı Zəngəzur elimizlə, kəndi-
mizlə bağlı hər şey unudulmaz xatirələrimdir. Əyyub Aba-
sov kimi...
80
MƏN İSƏ ONLARI HEÇ ZAMAN
UNUTMAYACAĞAM…
Bu 6 söz 2 cildlik “Zəngəzur” romanının “Epiloq”unun
son sətridir.
Əyyub Abasov görüb yaşadıqlarını, el-obasının, doğma-
əzizlərinin ağrı-acılarını ömrü boyu unutmadı, tariximizin
yaddaşına köçürdü, qısa ömründə onu gecə-gündüz rahat
buraxmayan Zəngəzur faciələrini “Zəngəzur”da əbədiyyətə,
bədii ədəbiyyatın yaddaşına əbədi həkk elədi, bununla da
ədəbiyyatımızın vicdanlı, obyektiv, istedadlı yazarlarından
biri oldu, bəşəriyyətin ən böyük faciələrindən birini yaşamış
Azərbaycan xalqının dərdli yazıçısı, dərdimizi yazan ədibi
oldu!
Ruhu şad olsun!
83
Əyyub Abasov uşaqları ilə (soldan sağa- Zemfira, Gülzar, Güllər)
Əyyub Abasovun ailəsi
(ayaq üstə - Zemfira, Güllər, oturublar Kamilə, Gülzar)
84
Əyyub Abasov
həyat yoldaşı
Kamilə ilə
85
Naxçıvan ədəbiyyat cəmiyyətinin heyət idarəsi
87
Əyyub Abasovun dəfn mərasimindən
90
Qəhrəmanovlar: ayaq üstə - Eldar və Elçin,
oturublar – Elxan, Cahangir, Zemfira
Abasova
(Qəhrəmanova)
Zemfira Əyyub qızı
91
Azərbaycanın Küveytdə fövqəladə və səlahiyyətli səfiri
Elxan Qəhrəmanov xanımı, professor Aytən Qəhrəman və qızı Afətlə.
12 iyul 2013-cü il.
92
Abasova Gülzar Əyyub qızı qızları və nəvələri ilə
Abasova (Nağı-zadə) Güllər Əyyub qızı nəvəsi Nəzrin ilə
93
Abasova (Nağı-zadə) Güllərin oğlu Cavadın ailəsi
Abasova (Nağı-zadə) Güllər Əyyub qızının nəvələri Rəsul və Mikayıl
95
96
Kitab «Mütərcim» Nəşriyyat-Poliqrafiya Mərkəzində
səhifələnmiş və çap olunmuşdur.
Çapa imzalanıb: 10.06.2016.
Format: 84x108
1
/
32
. Qarnitur: Times.
Həcmi: 6 ç.v. Tiraj: 300. Sifariş № 117.
Qiyməti müqavilə ilə.
TƏRCÜMƏ
VƏ NƏŞRİYYAT-POLİQRAFİYA
MƏRKƏZİ
Az 1014, Bakı, Rəsul Rza küç., 125
596 21 44; 497 06 25; (055) 715 63 99
e-mail: mutarjim@mail.ru
www.mutercim.az
Dostları ilə paylaş: |