3.2.Dastlabki va rasmiy himoyani o‘tkazish tartibi
Magistrantning ilmiy-tadqiqotlar ish rejasiga binoan 3 semestrning yakunida
magistrlik dissertatsiyasining dastlabki varianti ilmiy rahbarning imzolangan taqrizi
bilan kafedraga taqdim qilinadi. Kafedrning umumiy yig‘ilishda dastlabki
muhokamadan o‘tgan (mart-aprel oylarida) va ma’qullangan dissertatsiya ishiga
kafedraning qarori bilan 2 nafar mutaxassisdan iborat taqrizchi tayinlanadi.
Taqrizchilar ilmiy darajali yoki ilmiy unvonli soha mutaxassislari, ilmiy
muassasining xodimlari, boshqa oliy o‘quv yurtlarining professor-o‘qituvchilari
bo‘lishi mumkin. Dissertatsiya ishi taqrizchilarga rasmiy himoya muddatidan 1 oy
oldin taqdim etiladi. Dissertatsiya ishiga ikki taqrizchi tomonidan qoniqarsiz taqriz
berilganda (ya’ni, himoyaga tavsiya etilmasin deb xulosa berilganda) dissertatsiya
ishi himoyadan chiqariladi va bu haqda kafedra mudiri tomonidan magistratura
bo‘limiga taqdimnoma kiritiladi. Dastlabki muhokamadan o‘tgan magistrlik
dissertatsiyasining dastlabki himoyasi ilmiy rahbar (ilmiy maslahatchi) ishtirokida
kafedra tomonidan tuzilgan komissiyada tashkil etiladi. Dastlabki himoyaga boshqa
kafedralardan, shuningdek boshqa tashkilotlardan mutaxassislar taklif etilishi
mumkin. Ilmiy maslahatchi tayinlangan holda dastlabki himoyaga qadar undan
magistrlik dissertatsiyasiga xulosa olish ham talab etiladi. Dastlabki himoyaga qadar
magistrant ichki va tashqi hamda ilmiy rahbar taqrizlariga, shuningdek dissertatsiya
mavzusiga doir kamida 2 ta ilmiy maqola yoki tezisga ega bo‘lishi kerak. Magistrant
ushbu talablarga amal qilishi, berilgan topshiriqqa muvofiq to‘la hajmda ishni
bajarish bo‘yicha shaxsan javobgardir. Dastlabki himoya yakunlari kafedra yig‘ilishi
bayonnomasi bilan rasmiylashtiriladi va magistratura bo‘limiga taqdim etiladi.
Magistratura bo‘limining boshlig‘i dissertatsiya ishini kafedra qarori, ilmiy rahbar
va taqrizchilarning tasdiqlangan taqrizlari bilan rasmiy himoya qilish uchun Davlat
attestatsiya komissiyasiga kiritadi. Magistrlik dissertatsiyasini rasmiy himoya qilish
20
kuni universitet rektorining buyrug‘i bilan tasdiqlangan jadval asosida belgilanadi.
Magistrlik dissertatsiyasining rasmiy himoyasi universitetning Davlat yakuniy
attestatsiya komissiyasi tomonidan o‘tkaziladi.
Dostları ilə paylaş: |