248
vitamin preparatlari qo‘shiladi
yoki vitaminlarga boy
bo‘lgan barra beda uni, achitqilar qo‘llaniladi. Shuni
ham e’tiborda
tutish kerakki, vitaminlar oziq tarkibiga
aralashgan holda uzoq saqlanmaydi. Ular tez kunda
yemiriladi va yo‘q bo‘ladi.
Buning oldini olish uchun
yemga aralashtirilgan vitaminlar o‘z vaqtida yemiril-
maydigan turg‘un holatga keltirilib (stabillashtirilib)
qo‘yilishi kerak. Agar turg‘unlik holatiga keltirish
me’yori belgilanmasa, oziqni
parrandaga berish ol didan
aralashtirilishi lozim.
Go‘sht kombinati chiqindilari, baliq chiqindilari berish
mo‘ljallansa, yem majmuyiga kiritishdan oldin quritiladi
va maydalanadi; suyak, go‘sht, go‘sht va suyak unlari bir
tekisda qilib maydalanadi, keyin yemga aralashtirilishi
mumkin.
Qorilgan oziq berib boqish.
Mayda holdagi yem suv,
obrat, sut zardobi, sigir suti, suk yoki go‘sht sho‘rvasida,
baliq yoki go‘sht qiymasida qoriladi.
Qorilgan oziq
g‘arg‘usha bo‘lishi, ya’ni uvalanib turadigan bo‘lishi ke-
rak. Buning uchun suyuq aralashma 40% dan ortiq olin-
masligi lozim. Aks holda qorishma хamirga o‘хshab qola-
di. Uni parrandaga berilganda ularning burun parraklariga
yopishadi va berkitib qo‘yadi. Natijada parranda nafas
ololmay qiynaladi. Patlariga ham yopishadi. Xamirga esa
chang, to‘zon, aхlat yopishadi
va parrandaning pari-pati
ifloslanadi.
Qorilgan yem bilan boqishda parrandaga yedirishga
mo‘ljallangan don undirib berilishi mumkin. Odatda,
kunlik oziq me’yorining 1/3 qismi undirilgan don qilib
beriladi. Undirilgan don kombisilos bilan almashtirib ham
beriladi. Qish oylarida havo sovuq bo‘lsa,
yem qorish
uchun olingan suyuqlikni isitish kerak bo‘ladi.
249
Qorilgan oziq ko‘p qilinmaydi. Uning me’yori par-
randa 40–50 minut davomida oziqlanishiga mo‘ljallab
tay yorlanadi. Oziq oхurchalarida yem qolmasligi kerak.
Agar, bordi-yu, biroz yem qolguday bo‘lsa, uni darhol
kirib tozalab olish lozim. Aks holda qolgan yem achiydi.
Bunday oziq parrrandaning oziq
hazm qilish fiziologiya-
siga salbiy ta’sir ko‘rsatadi.
Dostları ilə paylaş: 
