Ayın o biri üzü
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
111
ğa uyğun zaman olmamışdı. Güman edirdim ki, verəcəyin
qərarın sonrakı peşmançılığa əsas olmaması üçün mənim
haqqımda hər şeyi bilməyin vacibdir. Bəli, sən mənim xo-
şuma gəlirsən, özü də çox. İnanıram ki, sənin məhəbbətinə
layiq ola bilərəm. Onu da bilirəm ki, indi səni itirmək mənim
üçün nə qədər ağır olsa da, daha sonrasından yüngül olar.
Bilirsən ki, mən o, hissləri artıq bir dəfə yaşamışam. Odur ki,
sən də çalış hisslərinin ciddi olduğuna əmin ol, sonra qərarı-
nı ver. İndi biz səninlə dostuq və dost olaraq da qala bilərik.
Səmimi olduğuma şübhən olmasın.
Culi susadığı sevgisindən nəyə görə imtina edə biləcə-
yini anlamadı. Bütün varlığı ilə sevdiyinə əmin idi. Yanın-
da olub, ona toxunamamaq, varlığına sevinib, yoxluğun-
dan əziyyət çəkməkdən yorulmuşdu. O, bu sevdadan vaz
keçməyə çalışmışdı, ancaq bacarmamışdı. Hisslərinin sı-
nağından qalib çıxan məhəbbətinin gücünə boyun əymək
zorunda qalmışdı. Dini, əqidəsi belə yenə onun sevgisinə
mane ola bilməzdi. O, Mətini insan olaraq sevmişdi. Onun
milliyəti, məzhəbi, sosial durumu umrunda belə deyildi.
Dövrünün tanınmış yazıçılarından olan Qabriel Qar-
sia Markesin dediyi bir kəlməni o, öz məhəbbətinin devizi
seçmişdi:
“Mən səni sənin kim olduğun üçün yox, sənin
yanında mənim kim olduğum üçün sevirəm”.
Məhəbbəti üçün hər şeyə hazır idi. Mətinin də ona qar-
şı biganə olmadığını eşidəndə özünü dünyanın xöşbəxti
sandı. İnanırdı ki, Mətin də onu nə zamansa mütləq dəlicə-
sinə sevəcək. Sadəcə buna vaxt lazım idi. Culi bunun üçün
ona istədiyi zamanı tanımağa hazır idi. Təki məhəbbətini
əldə edə biləydi. O, nəmdən parıldayan gözləriylə Mətini
süzərək gülümsədi:
– Əmin olmaq üçün mənim əlavə zamana ehtiyacım
yoxdur. Son zamanlara qədər sənin sevdiyin qıza kin bəs-
ləyirdim. Ancaq indi artıq bəsləmirəm. Bilirsən niyə? Çün-
ki,
o səndən vaz keçməsəydi, mənim şansım olmazdı.