141
- İstərdim ki, növbəti ildə hamımız burada olaq və ən
xoş günlərimizi Talış dağlarının ətəyində keçirək.
Onlar stəkanları boşaldan kimi Ürfan əlində kamera
gölün o biri tərəfində göründü və tərəddüd etmədən onları
çəkməyə başladı. Bir neçə dəqiqəlik çəkilişdən sonra o,
istirahət edənlərə yaxınlaşıb, toyuğun bir budunu götürdü.
Ondan sonra Ürfan Əliyusifi kənara çəkib yavaş səslə dedi:
- Qardaş, mənə iki nəfər yaxınlaşıb, kompüterimdə Vasif
Məhərrəmlinin “Bakılı qız” mahnısının olub-olmadığını
soruşdular. Həmin mahnının məndə olduğunu biləndən son-
ra, onlardan biri həmin melodiyanın telefonuna yazılmasını
xahiş etdi. Mən onun xahişini yerinə yetirəndən sonra,
həmin oğlan bu işin müqabilində mənə 10 manat pul verdi.
- Nə olar ki. – deyə müxbir çiyinlərini çəkdi.
- Bir mahnıya görə o qədər pul vermirlər, həm də mən
həmin sifarişi təmənnasız olaraq, yazacaqdım. Həmin
oğlanlar müğənni Zemfira ilə bir yerdə gəliblər. İş ondadır
ki, onlar həmin mahnını yazdırandan sonra sevincək halda
dedilər ki, “indi bundan sonra mən onun başına olmazın
müsibət açacağam”.
Ürfanın dediklərinə ciddi əhəmiyyət verməyən Əliyusif,
bu sifarişin adi hal olduğunu zənn edərək, dostlarının
yanına qayıtdı.
142
Onlar bir qədər yeyib-içəndən sonra Arifin telefonuna
zəng çalındı. Qəribə olsa da o, söhbət edən zaman
hərdənbir Əliyusifə oğrun-oğrun nəzər salırdı. Əliyusif
həmin an anladı ki, kimsə Ariflə, onunla bağlı söhbət
aparır. O, telefonu söndürən kimi müxbirə yaxınlaşaraq
sakitcə dedi:
- Əli, bildiyin kimi Ofeliya sənin ananın yanında çay
içir. Onlar təkidlə bizi ora dəvət edirlər.
Müxbir o dəqiqə başa düşdü ki, Qənirə qızları ilə orada
olduğu üçün, anası bilə-bilə onları çay dəstgahına dəvət
edir. Məhz bu səbəbdən o, ora getmək üçün qəti olaraq
etirazını bildirdi. Ziyalı təkid edəndə o, məcburiyyət qarşı-
sında qalıb çay içməməyinin səbəbini izah etdi. Lakin buna
baxmayaraq Arif qonşu oğlanın qolundan tutub inadla dedi:
- Əli, Ofeliya mənə izah etdi ki, Xədicə xanımdan və
ananın rəfiqəsindən başqa orada heç kim yoxdur. Açığını
bilsən, onlar bizi samovarı qalamaq üçün ora çağırırlar.
143
XIII fəsil. Gözəl kompaniya əhatəsində
məstedici çay dəstgahından sonra
diskotekada yaşanan biabırçılıq
Məhz bundan sonra Əliyusif heç bir müqavimət göstər-
mədən, itaətkarcasına Ariflə birlikdə 112 saylı kottecə tərəf
yollandı. Onlar nəzərdə tutulan yerə çatanda, həqiqətən də
üç qadından başqa orada heç kim yox idi. Xanım-xatun
kimi görünən Qənirə ilk dəfə idi ki, Əliyusifi görürdü.
Ofeliyanın gəlini Günay da oradaydı. Müxbir salamlaşan
kimi vaxt itirmədən samovarın yanındakı odunları doğra-
yıb, bacaya od vurdu. Bütün bu işdə balaca Aydan müxbirə
köməklik göstərirdi. Ən xırda taxta parçalarını, çör-çöpləri
samovara yaxın bir yerə yığırdı.
Ofeliya Xədicənin işarəsi ilə Qənirəyə dedi ki, qızları da
çaya dəvət etsin. O da bir qədər tərəddüddən sonra
Gülnarənin telefonuna zəng etdi. Qızlar göldə Məkanə ilə
birlikdə qayıq sürdüklərinə görə gələ bilməyəcəklərini və
şam yeməyini qəbul etmək üçün oradan birbaşa böyük
Küləfirəngiyə yollanacaqlarını bildirdilər.
Qızlar istirahətə gəldikləri üçün Qənirə belə bir cavabı
təbii qəbul etdi. O, qonaqlara tort gətirmək üçün Günayla
birlikdə kottecə girəndə Ofeliya üzünü Əliyusifə tutub
tələsik halda dedi:
144
- Sən, niyə ananın sözünə qulaq asmaq istəmirsən?
Tərbiyəli oğlan kimi tanıdığımız üçün, biz sənin xətrini çox
istəyirik.
Əliyusif Ofeliyanın üzünə qəribə nəzər salaraq fəhmsiz-
liklə dedi:
- Ofeliya xanım, mən heç vaxt anamın sözündən çıxma-
mışam. Nəinki mən, hətta qardaşım Elşən də pis tərbiyənin
yiyəsi deyil.
- Onda, nəyə görə inadkarlıq göstərirsən? – deyə Ofeliya
narazı halda dilləndi. – Mən, burada gözəl çöhrəli, xoş-
xasiyyətli, mədəni, tərbiyəli və qabiliyyətli bir qız görmü-
şəm. Xədicə onu sənin üçün gözaltı edibdir. Sən isə belə bir
şansı əldən vermək istəyirsən.
- Ofeliya xanım, üzr istəyirəm sizdən, elə mən də ana-
mın təkidi ilə həmin qızı gördüm, amma nədənsə o, mənim
ürəyimə yatmadı.
Bu sözlərdən narazı olan Xədicə oğluna tərs nəzər sala-
raq, başını təəssüf hissi ilə tərpətdi. Lakin buna baxmayaraq
o, hələlik təkzib verməyə tələsmədi.
- Nəyə görə? – deyə Ofeliya cavan oğlana sualedici
nəzər saldı.
- Onda bir qədər müasirlik var. Gözümə ərköyün kimi
dəydiyindən ondan uzaq olmağı məsləhət bildim.
Dostları ilə paylaş: |