61
çatmışdı. Hələ bu harasıdır, getdikcə hinduların sayı
çoxalırdı. Belə getsə, onlar burada döyüşən konkistadorları
çətinlik çəkmədən mühasirəyə ala biləcəklər.
Artıq burada böyük qatma-qarışıqlıq yarandı. Elə oldu
ki, araukanlar Migelin üzərinə kəskin zərbələr endirərək,
onu Diasın yanına sıxışdırmağa başladılar. Migeli birdən-
birə altı nəfər hindu mühasirəyə almışdı, lakin buna baxma-
yaraq, onlar qorxmaz zadəganın müqavimətini qıra bilmir-
dilər. Migel iki qılınc ilə döyüşdüyü üçün onun üzərinə
yalnız nizə ilə silahlanmış döyüşçülər hücum çəkmişdi. Bu
vaxt ərzində başı bütünlüklə döyüşə qarışan cəngavər bir
düşməni öldürmüş, ikincisini isə yaralamışdı. Qısa müddətə
bu qədər itki verən hindular daha da qəzəblənərək, öz
hücumlarını intensiv surətdə artırdılar. Onlar öz təhlükə-
sizlikləri barəsində demək olar ki, düşünmürdülər.
Soyuqqanlılığını itirməyən Migel düşmənlərinin endirdiyi
zərbələri peşəkar səviyyədə qaytarırdı. Hərdən bir, hətta
əks-hücuma da keçirdi. Lakin belə bir şəraitdə müqavimət
göstərmək çox çətin idi. Hinduların əhatəsində olan Migel
hər tərəfə dönərək özünü ona endirilən nizələrdən müdafiə
edirdi. Araukanların silahı taxtadan olduğundan o, istəyirdi
ki, dəqiq zərbə ilə bir neçə nizəni sıradan çıxartsın.
Münasib məqamda Migel ona endirilən nizənin ortasına elə
zərbə endirdi ki, taxtadan düzəldilmiş silah düz ortadan
62
sındı. Fürsəti əldən vermək istəməyən Migel həmin anda
ikinci qılıncı ilə dərhal rəqibinin başına möhkəm zərbə
endirərək, cəld əks tərəfə hücuma keçdi. Qorxmaz zadəga-
nın bu fəndlərindən çaş-baş qalan novbəti hindu geri çəkil-
mək istədi, lakin ayağı kərpic boyda daşa dəyərək yerə
yıxıldı. Migel onu öldürmək istəyəndə qarşısına dərhal iki
aborigen keçdi və hiss etdi ki, arxadan da kimsə ona yaxın-
laşır. O, cəld geri dönərək, rəqibinin nizəsini dəf etdi və
həmin an o biri qılıncını qurbanının sinəsinə sancdı. Arau-
kanlar Migeli məğlub edə bilmədiklərini görüb ona qarşı
ehtiyatla döyüşməyə başladılar. Beş-altı nəfərin əhatəsində
olan Dias qılıncdan məharətlə istifadə edərək, düşməni geri
çəkilməyə vadar edirdi.
Araukanlara qarşı döyüşən beş doyüşçüdən dördü hərb
sənətinin peşəkar ustadları sayılırdı. Qılınc döyüşündə onlar
məğlubedilməz döyüşçülər idi. Yalnız arbalyotçu Dias
qılınc döyüşündə bir balaca zəiflik göstərirdi. Lakin buna
baxmayaraq, o düşmənin hücumlarına layiqli cavab verirdi.
Hinduların qarşılarındakı döyüşçülər elə peşəkarlıqla
döyüşürdülər ki, elə bil onların qarşısında beş yox, iyirmi
konkistador döyüşür.
Artıq araukanlar başa düşdülər ki, qarşılarındakı rəqib-
lərini ox atanlarsız məğlub etmək qeyri-mümkündür. Onları
məğlub etmək üçun hindulara əlavə qüvvə tələb olunurdu.
63
Həmin qüvvə isə onlarda tükənmişdi. Necə olsa da, onların
əsas hissəsi yuxarıda polkovnik Alonsonun başçılıq etdiyi
dəstəyə qarşı döyüşürdü.
Elə bu vaxt araukanların sırasında canlanma baş verdi.
Onlar şimal-şərq istiqamətinə nəzər yetirməklə, nə haqda
isə qışqırırdılar. Migel döyüşə-döyüşə həmin yerə nəzər
saldı və gördü ki, kapitan Karlın keçdiyi yerdən vadiyə
süvarilər daxil olmağa başlayır. Bəli, həmin süvarilər kapi-
tan Alonsonun başçılıq etdiyi dəstə idi və onlar Migelgilin
köməyinə gəlirdilər. Onların gəlişi vadinin ağzında gedən
döyüşdə böyük dönüş yaradacaq. Bu konkistadorların
qaləbəsi demək idi.
Buradakı vəziyyətin kəskin surətdə dəyişdiyini görən
araukanlar yavaş-yavaş geri çəkilməyə başladılar. Onlar elə
geri çəkilirdilər ki, hətta ağır yaralılarını özləri ilə aparmağa
imkanları olmadı. Burdakı bütün üstünlük Migelgilin tərə-
finə keçmişdi. Lakin belə olan halda onlar qaçan hinduları
təqib edə bilməzdilər. Çünki geri çəkilənlərin yoldaşları
əlində kaman hazırlıqlı vəziyyətdə dayanmışdlar. Hər bir
konkistador onları təqib etməyə çalışsa, dərhal düşmən
tərəfindən oxla vurulacaq.
Döyüşə həddindən artıq başı qarışan Dias qaçmağa
çalışan hindunun ardınca getməyə cəhd göstərdi. Lakin üç
addım irəli getmişdi ki, araukanlar onun üzərinə üç-dörd
64
dənə ox atdılar. Oxlardan biri onun sağ buduna, o birisi isə
sol qoluna batmış, qalanları isə kirasaya dəyərək yerə
düşmüşdü. Cəngavərin budu yaralansa da, o yerə çökmək
fikrində deyildi. Sanki ağrını öz daxilində udurdu.
Diasın yaralandıqını görən yaxınlıqdakı iki hindu ona
tərəf dönərək, cəngavəri qətlə yetirmək üçün hücuma keçdi-
lər. Söz yox ki, Dias o qədər yaralı deyildi ki, iki rəqibinin
qarşısında aciz görünsün. Lakin arxadan hücum edəcək
düşmənə qarşı müdafiə olunmaq üçün o, çoxlu tər tökməli
idi. Araukanlar böyük səy göstərsələr cəngavəri qətlə yetirə
bilərdilər. Amma Migel yaxınlıqda olduğuna görə cəld
silahdaşının köməyinə can atdı. Hərçənd ki, bunu etmək
onun üçün xeyli çətin idi. Qarşısındakı rəqiblər kənara
çəkilsələr, Migeli çox asanlıqla ox ilə vurmaq olardı. Lakin
buna baxmayaraq, qorxmaz konkistador cəld sinəsini
qabağa verərək döyüşü öz üzərinə götürdü. O, həmin an
Diasa dedi ki, cəld ağacın arxasına keçib orada özünə
əlverişli mövqe tutsun. Dias cəngavər olduğu üçün heç cürə
bu təklifi qəbul edə bilmədi. Onun köməyinə çatan bir
adamı doyüş meydanında qoyub ağac arxasında gizlənə
bilməzdi.
Migel meşənin sərhədinə yaxın bir yerdə olduğuna görə
onun qarşısındakı rəqiblər, guya ki, konkistadoru mühasirə-
yə almaq üçün kənarlara çəkilərək həm sağdan, həm də
Dostları ilə paylaş: |