ahmedalhasan313.wordpress.com
65
Cavab: İmam Cəfəri Sadiq (ə.s) buyurur: “Elə ki suyun sərinliyini dirsəyində (
digər dəstəmaz üzvlərində) hiss edirsə, onda qayıtmasın (həmin üzvü yenidən
yumasın)”
(Təhzibul-əhkam, cild 1/1103-364. Vəsailuş-Şiə, cild 1/hədis: 1246)
Sual 60: Bəs bir şəxs namazını qılıb qurtarandan sonra dəstəmazında şəkk
edərsə, arxayınçılığı üçün dəstəmaz alıb namazını təzədən qıla bilərmi?
Cavab: İmam Cəfəri Sadiq (ə.s) buyurur: “Namazında və təharətində bütün o
şeyləri ki, əməl edib qurtarmısansa və sonradan da (dəstəmaz suyu quruyandan və
namaz qutarandan sonra) nəyisə xatırlayarsansa (şəkkdə qalmısansa), onda bu
əməlləri tamamlanmış say və o əməllərdə sənin geri qayıtmağın lazım deyil (yəni
təzədən dəstəmazı və ya namazı əmələ gətirmək lazım deyil.)”
(Təhzibul-əhkam, cild 1/1104-364. Vəsailuş-Şiə, cild 1/hədis: 1248)
Sual 61: Bəs bir şəxs dəstəmazda üzünü yuyubsa, amma dəstəmazdan sonra
üzünün bir tərəfini yuyub bir tərəfini yumadığını yəqin bilmirsə və şəkk içində
qalıbsa, bəs onda nə etsin?
Cavab: İmam Cəfəri Sadiq (ə.s) buyurur: “Ona üzünün bir hissəsinin islanması
kifayətdir.”
(Fəqih, cild 1/133-36. Uyuni-Əxbarir-Riza (ə.s), cild 2/49-22. Vəsailuş-Şiə, cild 1/hədis:
1251)
Sual 62: Bir şəxs dəstəmaz alırsa və dəstəmazını qurtaran kimi arxadan yel
çıxarıb-çıxarmadığında şəkkə düşsə, dəstəmazını təzələsinmi?
Cavab: İmam Cəfəri Sadiq (ə.s) buyurur: “Hədəs baş vermədiyinə yəqin olmadan
dəstəmazı pozmağın (yenidən almağın) əbədən icazəli deyil.”
(Kafi, cild 3/1-33. Təhzibul-Əhkam, cild 1/268-102. Vəsailuş-Şiə, cild 1/hədis: 1252)
Sual 63: Bəs dəstəmazın yaşı quruyandan və namaza başlayandan sonra arxadan
yel çıxıb-çıxmadığına şəkk etsə, onda nə etsin?
Cavab: İmam Cəfəri Sadiq (ə.s) buyurur: “Namaz qılarkən şəkk etsə, onda namazı
kəssin dəstəmaz alsın və namazını təzədən qılsın.”
(Qurbul-İsnad, səhifə 83. Vəsailuş-Şiə, cild 1/hədis: 1253)
ahmedalhasan313.wordpress.com
66
Sual 64: Dəstəmazlı olduğu və namaz qıldığı zaman arxasından yel çıxıb-
çıxmadığına namazdan sonra şəkk etməyə başlasa, onda nə etsin?
Cavab: İmam Cəfəri Sadiq (ə.s) buyurur: “Onda aldığı dəstəmaz ona kifayətdir
(yəni şəkkinə əməl etməsin, dəstəmaz almış sayılır)”
(Qurbul-İsnad, səhifə 83. Vəsailuş-Şiə, cild 1/hədis: 1253)
Dəstəmazdan sonra əzalarda qalan su barədə
hökmlər
Sual 65: Dəstəmaz alandan sonra, dəstəmazımın suyu qurumamış dəsmalla əl-
üzümü qurulasam olar?
Cavab: İmam Cəfəri Sadiq (ə.s) buyurur: “Eybi yoxdur.”
(Təhzibul-Əhkam, cild 1/1101-364. Vəsailuş-Şiə, cild 1/hədis: 1254)
Sual 66: Dəstəmaz alandan sonra, dəstəmazımın suyunu köynəyimə silə
bilərəmmi?
Cavab: İmam Cəfəri Sadiq (ə.s) buyurur: “Köynək təmizdirsə eybi yoxdur.”
(Təhzibul-Əhkam, cild 1/1102-364. Vəsailuş-Şiə, cild 1/hədis: 1255)
Sual 67: Dəstəmaz alandan sonra dəstəmaz suyunun öz-özünə quruması yaxşıdır
ya dəsmalla qurulamaq?
Cavab: İmam Cəfəri Sadiq (ə.s) buyurur: “Kim dəstəmaz alıb dəsmal ilə
qurulanarsa ona bir savab yazılar və kim dəstəmaz alandan sonra dəsmal ilə
qurulanmazsa və dəstəmazının nəmi (yaşı) özü quruyarsa ona 30 savab yazılar.”
(Fəqih, cild 1/105-31. Səvabul-Amal, səhifə 32. Kafi, cild 3/4-70. Əl-Məhasin, 250/429.
Vəsailuş-Şiə, cild 1/hədis: 1258)
Sual 68: Bir çox müsəlmanlar dəstəmaz alarkən istifadə etdikləri dəsmalı digər
dəsməllardan ayırır və ayrıca “Dəstəmaz Dəsmalı” edirlər. Bu barədə İmamların
(ə.s) həyatından bir örnək varmı?
Cavab: İmam Cəfəri Sadiq (ə.s) buyurur: “İmam Əlinin (ə.s) məsciddəki evində bir
xirqə (parça, əski) asılı olardı və daim onunla dəstəmazdan sonra qurulanardı.”
(Əl-Məhasin, 248-429. Vəsailuş-Şiə, cild 1/hədis: 1261)
ahmedalhasan313.wordpress.com
67
Sual 69: Üzdə qalın saqqalı olan şəxs dəstəmaz alarkən üzünü qaşıyıb dəstəmaz
suyunu üzdəki tüklərinin dibinə çatdırmalıdırmı?
Cavab: İmam Cəfəri Sadiq (ə.s) buyurur: “Üzdə tüklə əhatə edilmiş bütün yerlərin
dibinə kimi yuyulması üçün bəndənin cəhd etməsi vacib deyildir və bu barədə
bəhs etmək də vacib deyildir. Lakin saqqalın (tükün) üzərinə su axıtmaq lazımdır.”
(Qeyd: Üzə 1 dəfə dəstəmaz üçün su axıdıldıqda saqqala 2-3 dəfə, o 1 dəfə üzə
axıdılmış su ilə sığal çəkildikdə su tükün dibinə tam yetişir. Və dəstəmaz zamanı
saqqal dibinə suyun yetişməsi üçün krantdan əlavə su götürüb saqqal dibinə
tökməl olmaz! )
(Mən La Yəhzuruhul-Fəqih, cild 1/88-28. Vəsailuş-Şiə, cild 1/hədis: 1265)
Dəstəmaz üçün kömək istəməyin hökmü
Sual 70: Dəstəmaz alarkən kiminsə mənim əlimə su tökməsi və köməklik etməsi
düzgündürmü?
Cavab: Hədis Ravilərindən biri deyir: “İmam Əli İbn Musa Ər-Riza (ə.s) bir gün
(Abbasi xəlifəsi) Məmunun (l.ə) yanına daxil olduqda o, dəstəmaz alırdı və nökəri
əlinə su tökməkdəydi. İmam Əli İbn Musa Ər-Riza (ə.s) ona belə dedi: “Rəbbinin
ibadətinə heç kəsi şərik qoşma, ey Əmirəlmöminin! Bu sözdən sonra Məmun (l.ə)
nökəri bu işdən kənarlaşdırdı və dəstəmazı özü almağa qərara aldı.”
(İrşadul-Mufid, səhifə 315. Vəsailuş-Şiə, cild 1/hədis: 1269)
(Qeyd: Bu barədə bir çox rəvayətlər mövcuddur. Və rəvayətlərdən də aydın olur ki,
dəstəmaz zamanı kimdənsə kömək almaq məkruhdur. Rəvayətdə İmam Rizanın
(ə.s) Məmuna (l.ə) “Əmirəlmöminin” deməsinə gəldikdə isə, bu iş eynilə İmam
Rizanın (ə.s) Məmunun (l.ə) yanında tənasüxə inananın kafir olmasını deməsi kimi
təqiyyə məqsədli və inancı gizlədərək özünün və şiələrin canını xətərə salmamaq
naminə deyilmişdir. Çünki “Əmirəlmöminin” ləqəbi, həqiqi mənada ancaq İmam
Əliyə (ə.s) məxsudur. Və hədislərə əsasən təqiyyə zamanını çıxmaq şərti ilə bu
sözü Əlidən (ə.s) başqasına aid edən şəxs kafirdir.)
Sual 71: Ağır xəstəlik zamanı qüsl və ya dəstəmaz üçün köməklik almaq olarmı?
