22
Til að bregðast við þessu hefur verið ákveðið að staðsetja eitt varðskipa Landhelgisgæslunnar fyrir
Norðurlandi yfir sumarið sem er álagstími á svæðinu. Skipið mun þannig verða nær Austur-Grænlandi
og álagssvæðum fyrir norðan og mögulegt að bregðast fyrr við þó ekki verði 100% viðvera áhafnar.
Meginmarkmið verkefnisins eru:
Aukinn viðbúnaður Landhelgisgæslunnar fyrir Norðurlandi.
Aukin björgunargeta.
Aukið eftirlit.
Aukin viðbragðsgeta við mengunarslysum.
Sett verður upp starfsstöð (North coast base) á Sauðárkróki og rekstrarfyrirkomulag fest í sessi með
eftirfarandi hætti í áföngum:
o
Annað eldri skipanna verður skráð með heimahöfn á Sauðárkróki.
o
Ráðin verður á það áhöfn af viðkomandi svæði í áföngum.
Skref A: 4–5 menn auk þess sem núverandi starfsmenn LHG búsettir á
Norðurlandi verða eyrnamerktir skipinu. Þegar skipið er í skipulögðum
ferðum verður áhöfnin samansett af norðanmönnum og öðrum
starfsmönnum LHG. Þegar skipið er ekki í drift sinna norðanmenn viðhaldi,
æfingum og eftirliti á hraðbát skipsins.
Skref B: Skipið mannað Norðlendingum að fullu (heimamönnum). Ein áhöfn
(18 menn) verður ráðin á skipið og það gert út 60–70% ársins (STBY og
sjódagar).
Skref C: 1,5 áhöfn (27–30 menn) á skipinu og það til taks allt árið.
o
Skipið verður gert út í stuttar ferðir eftir álagi og verkefnastöðu hverju sinni. Þess á
milli verður það til taks í höfn.
4.3 Varðveisla afhendingarskyldra gagna
Verkefni 4.3 – Varðveisla afhendingarskyldra gagna á Sauðárkróki
Ný stöðugildi
2
Flutt stöðugildi
0
Áætlaður kostnaður
40 m.kr.
Ábyrgð og framkvæmd
Mennta- og menningarmálaráðuneytið, fjármála- og
efnahagsráðuneytið, Þjóðskjalasafn Íslands, Ríkisskattstjóri, AZAZO hf.,
Svf. Skagafjörður
Tímaáætlun
2016
Til að tryggja hagsmuni stjórnvalda og borgaranna er drjúgur hluti opinberra skjala varðveittur til
frambúðar. Samkvæmt lögum er það hlutverk Þjóðskjalasafns Íslands að varðveita skjöl íslenska
ríkisins í þessu skyni. Skjöl hins opinbera enda því á Þjóðskjalasafni, hvort sem þau eru pappírsskjöl
eða rafræn. Skilaskyld skjöl skal afhenda Þjóðskjalasafni að jafnaði eigi síðar en þegar þau hafa náð 30
ára aldri, svo framarlega sem Þjóðskjalasafnið getur tekið við þeim vegna aðstöðu sinnar.
23
Í dag er hluti rafrænna gagna, bæði Þjóðskjalasafns og Landsbókasafns Íslands – Háskólabókasafns,
hýstur hjá Advania (Skýrr) sem er fyrirtæki í einkaeigu. Samkvæmt skýrslu um tilraunaverkefni
Þjóðskjalasafns Íslands og Ríkisskattstjóra um skil á rafrænum gögnum til langtímavörslu í
Þjóðskjalasafni, sem kom út í nóvember 2007, er vinna við vörslu rafrænna gagna tiltölulega nýlegt
viðfangsefni hjá Þjóðskjalasafni og bætist við vinnu vegna pappírsskjalavörslu. Innifalið í því er að reka
2–3 rafrænar geymslur sem geyma rafræn gögn á ólíkum vörslumiðlum til öryggis. Fram kemur í
sömu skýrslu að ein rafræn geymsla þurfi til öryggis að vera utan húsnæðis Þjóðskjalasafns og helst
utan Reykjavíkur.
Hér er lagt til að kannaður verði grundvöllur þess að varðveisluskyld gögn, hvort sem þau eru á
pappírsformi eða rafrænu formi, verði í framtíðinni geymd á Sauðárkróki. Aðilar á Sauðárkróki eru
reiðubúnir að ráðast í byggingu sérhæfðs húsnæðis sem miðast við ítrustu öryggiskröfur. Áætlanir í
dag gera ráð fyrir að það yrði um 2.500 m² að stærð. Rekstur þess yrði í höndum AZAZO hf.
(Gagnavörslunnar), sem er óháð þekkingarfyrirtæki á sviðum skjala- og upplýsingastjórnunar,
stefnumótunar, gæðamála og verkefnastjórnunar, hugbúnaðarlausna, varðveislu gagna (pappír og
rafræn vistun), umbúða til varðveislu, skönnunar og skráningar, varðveislu muna og listaverka, auk
öruggrar gagnaeyðingar.
Viðskiptavinir AZAZO í dag eru m.a. lyfjafyrirtæki, slitastjórnir, Orkuveita Reykjavíkur, Landsnet,
Hæstiréttur Íslands, Samherji, LSR, auk margra annarra lífeyrissjóða, tryggingafélög, Landsvirkjun,
Össur, Veðurstofa Íslands, Dómstólaráð, Fjármálaeftirlitið, Bankasýsla ríkisins og Tryggingasjóður
innistæðueigenda, svo nokkrir séu nefndir. AZAZO er í vottunarferli með ISO27001 hvað varðar
stjórnkerfi upplýsingaöryggis, ISO9001 hvað varðar gæðastjórnun og vinnur eftir ISO15489 hvað
varðar skjalastjórnun. Mikið er lagt upp úr trúnaði og öryggi hjá AZAZO og tók fyrirtækið m.a. að sér
að pakka og skrá gögn fyrir forsætisráðuneytið vegna skjalasafns vistheimilanefndar þar sem um mjög
viðkvæm skjöl var að ræða. Allir starfsmenn eru skilgreindir trúnaðarstarfsmenn og þurfa m.a. að
hafa hreint sakavottorð ásamt því að uppfylla fleiri skilyrði.
Lagt er til að í upphafi verði kannaður grundvöllur þess að varðveita í nýju húsnæði á Sauðárkróki
skattaskýrslur sem í dag taka dýrmætt pláss í húsnæði skattstofa og Þjóðskjalasafns. Í því skyni yrði
gerður sérstakur samningur um gagnavörsluna á milli fjármálaráðuneytis, Þjóðskjalasafns,
Ríkisskattstjóra og AZAZO um hýsingu þessara mikilvægu gagna. Fleiri þættir sem kanna mætti
samhliða með vistun á eru til að mynda upplýsingar um gjaldþrota fyrirtæki, teikningar Fasteignamats
ríkisins, nemendagögn og nemendaskrár, auk afmarkaðra gagna úr heilbrigðisgeiranum. Ef afhenda
þarf gögnin samstundis er hægt að skanna þau, dulkóða og senda gögnin. Eins verður tryggt að hægt
sé að koma frumritunum með öruggum hætti innan sólarhrings til viðkomandi stofnunar ef þörf er á.
4.4 Efling Selaseturs Íslands
Verkefni 4.4 – Selasetur Íslands
Ný stöðugildi
2
Flutt stöðugildi
0
Áætlaður kostnaður
30 m.kr. á ári auk stofnkostnaðar 10 m.kr.
Ábyrgð og framkvæmd
Atvinnuvega- og nýsköpunarráðuneyti, Veiðimálastofnun, Hafró og
Selasetur Íslands
Tímaáætlun
2015
Samkvæmt skýrslu Selaseturs sem lögð var fram á fundi með ráðherra í ágúst 2014 vantar mikið upp
á að Íslendingar séu að rækja skyldur sínar hvað varðar rannsóknir á sel við strendur Íslands. Tölur um
bæði stofnstærð og veiði eru ómarkvissar, aðstaða til geymslu á sýnum á Selasetrinu er ekki til staðar