36
qəddarlığı ilə məşhurlaşmışdı, ona görə də xalqın nifrətin qazanmışdı. Şanlar
tərəfindən taxt-tacdan devrildi.
Şan-İn sülaləsi dövründə (b.e.ə. XVI-XI əsrlər) sosial proqressə nail
olunmuşdu. Kənd təsərrüfatı və heyvandarlıq sürətlə inkişaf etmişdi. İpəkçilik və ipək
parça toxumaq yüksək səviyyəyə çatmışdı. Bürüncdən məmulatlar hazırlanırdı.
Tısbağa çanağından olan lövhələrdə və heyvan sümüklərində, həmçinin bürünc
qablarda fal açmaq üçün olan yazılar əmələ gəldi. Mənbələr qulların olması barədə
şəhadət verir. Bu dövrlərdə dəfn mərasimləri vaxtı insan qurbanı vermək adi hal idi.
Şan sülaləsi devrildikdən sonra meydana gələn yeni quldarlıq quruluşu
tarixçilərə Qərbi Çjou (b.e.ə. XI əsr – 770-ci illər) sülaləsi kimi tanışdır. Çjou nəslinin
hansı əcdadlara malik olduğu məlum deyildir. Bu, güman ki, güclü qonşular olan
nomad (köçəri) xalqların təzyiqindən qorumaq üçün bu xalqın miqrasiya etməsilə
bağlı olan bir məsələdir. Onların şəhəri saraylara və əcdad məbədlərinə malik idi,
tökmə torpaqdan olan divarlarla əhatə olunmuşdu. Münbit Uey Ho vadisi lyoss
torpaqlara malik olmaqla, onlara bu yeni vətəndə əkinçiliklə məşğul olmağa imkan
vermişdi. Divarlarla qorunan şəhər tikildi və yeni şəhər formalaşdı. «Mahnılar kitabı»
və «Tarix kitabı»ndaki qeydlərdən göründüyü kimi Çjou nisbətən inkişaf etmiş
cəmiyyət idi, burada kənd təsərrüfatı irəli getmişdi. Çox sayda əkinçilik bitkiləri
meydana gəlmiş və istehsal xeyli artmışdı.
Qərbi Çjounun mədəniyyəti irəli getmişdi. Çox sayda yüksək bədii səviyyəsi
olan ədəbiyyat və incəsənət abidələri, həmçinin fəlsəfə, siyasət və tarix üzrə əsərlər
meydana gəlmişdi. «Mahnılar kitabı» Çində ən qədim poeziya antologiyası idi. Ona
daxil olan 305 şeirdən əksəriyyəti Qərbi Çjou dövrü ilə tarixlənir.
Çjou sarayı Şanı əvəz etməklə Çinin ağasına çevrilmək barədəki ideyaya özünü
inandırmışdı. Bu səlahiyyəti öz üzərinə götürmək üç nəsil ərzində baş verdi. Çjounun
hökmranlılığını qəbul edən digər dövlətlərlə geniş ittifaq yaratdı. Uen Uan Çjounun
təsir zonasını Şan çarlığının şimalına qədər genişlənirdi. Çin tarixi ənənəsinə müvafiq
olaraq Uen Uan fərasətli və mərhəmətli hökmdar kimi təsvir olunur. O, Çjou
səltənətini genişləndirmişdi. Onun oğlu U Uan isə daim qəsbkar kimi qiymətləndirilir.
Həqiqətən də onun ölümündən sonrakı adı «Döyüşkən» idi. (Bir qayda olaraq Çin
hökmdarlarına ölümündən sonra onun həyatdakı adından tam fərqli ad verilirdi).
Şan hökmdarı Tu Hsinin dövründə onun səltənəti nomad tayfalarına qarşı iri
miqyaslı kampaniyalarda taqətdən düşdü. Bu vaxt U Uan ilk sınaq yürüşünü həyata
keçirdi və qonşuluqdakı Şanın paytaxtına gəlib çıxdı. Şanın böyük ordusu məğlub
oldu. Qələbədən az sonra U Uan öldü, nəhəng ərazini birləşdirməyə imkan tapmamış
37
dünyanı tərk etdi. Bu iş onun qardaşı tərəfindən həyata keçirildi. Bütövlükdə iki əsrə
yaxın bir müddətdə Çjou Çinində stabillik və sülh hökm sürdü.
Daxildəki Çjou olmayan xalqlara və şimal sərhədindəki köçərilərə qarşı
müharibələr gedirdi, lakin Çin dövlətlərinin özləri arasında da kiçik mübahisələr baş
verirdi. Mübarizədə birləşib tiran Li Uani taxt-tacdan uzaqlaşmağa məcbur etdilər,
onun yerinə iki nüfuzlu kübarın başçılığı altında kollektiv rəhbərlik yaratdılar. B.e.ə.
771-ci ildə Yu Uan müdaxilə edən barbarlar tərəfindən öldürüldükdə çar sülaləsi xətti
yenə də dağıldı. Hakimiyyət uğrunda gedən uzunmüddətli mübarizə Çan Kyo
(«Döyüşən dövlətlər») dövrü (b.e.ə. 481-221-ci illər) kimi tanınır.
B.e.ə. VIII əsrdən b.e.ə.221-ci ildən olan yüzilliklər birləşmiş Çinin ağrılı
şəkildə doğulmasına şəhadət verir. Bu, qanlı müharibələr və həmçinin siyasətdə,
cəmiyyətdə və intellektual baxışda uzağa gedən dəyişikliklər dövrü idi.
Köhnə feodalizm quruluşunun yerini tarixi monarxiyanın başçılığı altında
meydana gələn bürokratik sistemlər tuturdu. Feodalizmin tənəzzülü baş verdikdə, Çan
Kyo dövründə yeni qaydanın təşəkkül tapması görünməli idi. Həmin dövrdə
urbanizasiya prosesi baş verdi. Ölkə daxilindən iri və kiçik şəhərlərə resurslar
göndərilirdi. Huan Ho vadisindəki mərkəzi düzənlikdə ilk salxım tipli şəhərlər
meydana gəldi.
Urbanizasiya dövrü həmçinin əsl assimilyasiya dövrü idi. Çjou olmayan əhali
şəhərlərə gəlməsələr də, Çjou xalqının və feodalizmin təmsil etdiyi sivilizasiyaya
yaxşı münasibət bəsləyirdilər. Daxildəki daim münaqişə aparan barbar əhali bir-birinə
inteqrasiya etməyə məcbur edilirdi. Onların torpaqları anneksiya edilir, adamlar
kütləvi qaydada köçürülür və ya absorbsiya edilirdi. İri dövlətlərin qüdrəti, onrların
çinli olmayan qrupları özünə birləşdirmək sahəsindəki uğuruna borclu idi. B.e.ə. III
əsrdə Çinin birləşməsi zamanından Yantszı vadisindən şimalda və düzənliyin
cənubunda faktiki olaraq çinli olmayan qrupların hansısa bir əhəmiyyətli
mərkəzləşməsi yox idi.
Dövlətlər həm əhali, həm də ərazi cəhətdən böyüdükcə daxili siyasi
dəyişikliklər də baş verirdi. Yeni hökmdarlar öz hakimiyyətlərinin dəstəklənməsi və
təşkil edilməsi üçün yollar arayırdılar. Yerli inzibatçılıq olduqca ləng təkamüldən
keçirdi. Yenilik kimi profekturalar sistemi meydana gəldi. İşğal hesabına meydana
gələn yeni torpaqlar da çarın təyin etdiyi məmurlar tərəfindən idarə olunan
profekturalara çevrilirdi. Bu, Çan Kyo dövrünün yerli idarəçiliyinin əsl formasına
çevrildi. Qulluqçulara əmək haqqı kimi nağd pulla birlikdə taxıl verilirdi.
Hərbi məsələlər də böyük dəyişikliyə məruz qaldı. Kübarlar professional
döyüşçülərə və muzdlu əsgərlərə yol verirdilər. Bəzi dövlətlərdə uğurlu döyüşçülərə
Dostları ilə paylaş: |