| Texnoloji fəlakət
qəflətən baş verən və insanların məhv olması ilə
nəticələnən genişmiqyaslı güclü qəzaya deyilir. Güclü fəlakətlərin nəticələri
onların xarakterindən, nəqliyyat vasitələrinin növündən asılı olur.
İstehsalat qəzaları
o cümlədən də iri qəzalar sənayenin, elmi-texniki
tərəqqinin coşqun inkişafı, istehsalatda texnologiyaların durmadan dəyişməsi,
nəhəng enerji və yüksək sürətlərdən istifadə edilməsi şəraitində tez-tez baş
verir. İstehsalat qəzaları xarici təbii amillərin, o cümlədən təbii fəlakətlərin
təsiri ilə, qurğunun layihə-istehsalat qüsurlarının vaxtında aradan
qaldırılmaması, onların istismarı qaydalarına riayət olunmaması və
istehsalatda texnoloji prosesin pozulması nəticəsində də baş verir. İri sənaye
qəzalarına sənaye və tikinti obyektlərində, eləcə də dəmir yolu, hava, su
nəqliyyatı vasitələri və magistral boru kəmərlərində baş verən qəzalar aiddir
ki, bu zaman yanğınlar törəyir, dağıntılar olur, torpağın və suyun səthinə xeyli
neft məhsulları və aqressiv maddələr axması təhlükəsi yaranır. Binaların,
qurğuların, istehsalat avadanlıqlarının zədələnməsi, insanların və maddi
sərvətlərin məhv olması ilə müşayiət olunan istehsalat qəzaları partlayışlardan,
yanğınlardan, subasmalardan, qurğuların deformasiyaya uğraması və
dağılmasından, enerji sistemi və mühəndis şəbəkələrinin sıradan çıxmasından,
zərərli maddələrin kənara sızaraq ətraf mühiti çirkləndirilməsindən ibarətdir.
Bunlar çox vaxt eyni zamanda baş verir, biri digəri ilə əlaqədar olur və bir-
birini gücləndirir.
Dostları ilə paylaş: | 
