Tətbiqi etika

 

Digər  təxirəsalınmaz  işlər

  isə  xilasetmə  işlərinin  sürətli  və  təhlükəsiz 

şəkildə  aparılmasını  təmin  etmək,  habelə  zədələnmələrin  genişlənməsinin 

qarşısını almaq məqsədilə görülən işlərdir. Bu işlər xilasetmə işləri görüləcək 

yerlərə getmək üçün uçqunlarda maşın yolu və keçidlər düzəltmək; kommunal 

enerji  şəbəkələrində  (qaz,  su  kəməri,  kanalizasiya,  elektrik  şəbəkələri  və  s.) 

baş  vermiş  qəzaların  genişlənməsinin  qarşısını  almaq;  su  kəmərinin,  elektrik 

şəbəkəsinin  və  rabitə  xətlərinin  ən  vacib  sahələrini  bərpa  etmək;  işlərin 

aparılmasına  mane  olan  və  təhlükə  törədən  zədələnmiş  divarları,  bina 

hissələrini bərkitmək və ya dağıtmaq; zədələnmiş mühafizə qurğularını təkrar 

hücumdan  qorunmaq  üçün  yararlı  hala  salmaq;  qurğuları  və  texnikanı 

zərərsizləşdirməkdən və s. ibarətdir.  

---

49 

Qəza  xilasetmə  və  digər  təxirəsalınmaz  işləri  müvəffəqiyyətlə  yerinə 

yetirmək  üçün  mülki  müdafiə  qüvvələri  yaradılır  və  işə  hazırlanır.  Bu 

qüvvələrə  mülki  müdafiənin  qoşun  hissələri,  hərbiləşməmiş  dəstələri  və 

müəssisələri, habelə mülki müdafiə planlarına müvafiq olaraq xüsusi vəzifələri 

yerinə yetirməyə cəlb olunan təşkilatlar daxildir.  

Radioaktiv  və  kimyəvi  zəhərlənmə  olan  yerlərdə  xilasetmə  işləri 

hökmən  tənəffüs  üzvlərini  və  dərinin  səthini  qoruyan  fərdi  mühafizə 

vasitələrində  aparılmalı,  adamların  təhlükəsiz  iş  müddəti  dəqiq  müəyyən 

edilməlidir.  

Radioaktiv maddələrlə zəhərlənmiş yerlərdə qalmağa və işləməyə orada 

radiasiyanın  səviyyəsi  yalnız  təhlükəsiz  dərəcədə  olarkən  yol  verilir. 

Adamların  iş  vaxtı  neçə  rentgen  (rad)  şüalanmaya  məruz  qaldığına  dəqiq 

nəzarət  edilməsi  və  təhlükəsiz  normadan  artıq  şüalanmaya  imkan  verməmək 

məqsədilə  iş  müddəti  məhdudlaşdırılmalıdır.  Bütün  bu  tədbirlər  zəhərlənmiş 

sahələrdə  xilasetmə  işlərini  təşkil  və  ona  rəhbərlik  edən  mülki  müdafiə 

qərargahı (dəstə komandiri) tərəfindən həyata keçirilməlidir.  

Radioaktiv  və  kimyəvi  maddələrlə  zəhərlənmiş  sahələrdə  işləyərkən 

fərdi  mühafizə  vasitələrini  çıxarmaq,  paltarın  yaxasını  açmaq,  yemək,  su 

içmək, siqaret çəkmək olmaz.  İş görərkən toz qalxmaması üçün iş aparılacaq 

yerləri,  xüsusən  quru,  küləkli  havada  əvvəlcədən  su  çiləməklə  islatmaq 

lazımdır.  Zəhərli  sahələrdə  iş  aparılarkən  mütəşəkkillik,  iş  rəhbərlərinin 

göstərişlərini dəqiq yerinə yetirmək olduqca vacibdir.