55
Çapılma yaraları kobud mexaniki təsir nəticəsində baş verir. Belə yara
çox vaxt dərinin parçalanması, vətərlərin, əzələ və damarların zədələnməsi ilə
müşayiət olunur, güclü çirklənməyə məruz qalır. Çapılma yaralarının dərinliyi
eyni olmur, yaranın kənarlarındakı yumşaq toxumalar əzilir və bir-birinə
qarışır.
Deşilmə yaraları
zamanı dəri örtüyü, adətən, əhəmiyyətsiz dərəcədə
zədələnir, lakin belə yaralar daxili orqanların mümkün zədələnmələri ilə
əlaqədar təhlükə törədir. Bu cür yaralanma zamanı xarici qanaxma zəif olan
halda belə, damarın zədələnməsi nəticəsində həyat üçün qorxulu daxili
qanaxma baş verə bilir.
Əzilmə yaraları kənarlarının qeyri-hamar, qanla dolu olması ilə
səciyyələnir, bu da yarada yoluxmanın baş verməsi üçün şərait yaradır.
Dostları ilə paylaş: