www.kitabxana.net
– Milli Virtual Kitabxana
119
- Bilməsələr, biz rəisə şikayət edəcəyik.
- Öz işinizdir. İstəyirsiniz gedin şikayət edin.
Şəfi onları yola salmışdı ki, daha bir məhkum gəldi.
- Şəfi müəllim, eşitdim mənim dəftərlərimi siz götürmüsünüz. Yaxınlarda görüşə çıxacağam, ailə
üzvlərimə hədiyyə hazırlamışdım. Nə olar, qaytarın, mən sizin üçün təzələrini hazırlaram. Şəxsən hə-diyyə
edərəm.
- Heç baxmamışam, görüm? - Şəfi kənarda qoyulmuş dolabın üstündəki dörd kitab formalı dəftəri
vərəqlədi. Üçünə hədiyyə olun-malı adamın adı yazılmışdı, biri təmiz idi.
- Ad yazılanları götür, o birisi mənim.
- Çox sağ ol. Heyf, bilsəydim ona da ad yazardım.
- Get Allahına şükr elə, naşükür olma. Mənə hədiyyə edənə bax, neçə vaxtdır yadına düşmürdüm, indi
dil-dil ötürsən. Pisliyə o qədər
vərdiş etmisiz ki, onu görməmiş yaxşılıq əlinizdən gəlmir. Xoş getdin…
Şəfi qapını örtüb dincini almaq üçün çarpayıya uzandı. Nə qədər əhəmiyyət vermək istəməsə də, Fazilin
kinayəli sözləri fikrin-dən çıxmırdı: “...işləməyi bacarmırsan!..”
***
Əməliyyat-rejim şöbəsinin yeni rəisi Nüsrət ilk günlərdən fə-allıq göstərməyə başladı. Görüşdən
başlayaraq cərimə təcridxanası-nadək zonun bütün sahələrinə nəzarəti artırdı. Aylarla qarşısı alınma-yan bəzi
gizlinlər üzə çıxdı. “Stukaç”ların sayı artmışdı. İstər paqonlu, istər məhkum olsun - hamının fikri, hərəkəti
izlənilirdi. Görüşə artı-rılan diqqətin nəticəsində bir dəfə mürəbbə balonunun içindən salafanda araq tutuldu. Daha
bir dəfə siqaret blokunda nəşə doldu-rulmuş gilizlər aşkar olundu. İçəri keçən hər əşya hərtərəfli yoxlanılırdı.
Müxtəlif sahələrdə mütəmadi axtarışlar aparılırdı. Rejim qaydalarını pozanlara, günahkarlara güzəşt olunmurdu,
cəzanın ağır formaları tətbiq olunurdu. Rəis Nüsrətə öz yerini tutmaq üçün imkanlarını müvəqqəti
genişləndirmişdi. Odur ki, Nüsrət verən qərara, kəsən başa sorğu-sual yox idi. Onun fəallığı sanki, mürgüləyən
zonu ayıltmış, canlandırmışdı. Bu fəallıqdan qəmginləşən, yerləri
daralan məhkum-lar, “adətdi, təzə süpürgə yaxşı
süpürər, bir qədər işləsin baxarıq”, - deyirdilər. Lakin, günlər, həftələr ötdükcə, belə düşünənlər yanıldıqlarını başa
düşdülər. Xüsusilə gecələrin birində, heç kimin gözləmə-diyi, ağlına sığışdırmadığı halda, əyninə məhkum paltarı
geyib, bütün atasları - gözətçiləri keçib qumarın qaynar vaxtı oyuna girişməsi və nəhayət özünü tanıdıb kartları
tələb etməsi, oynayanların şok vəziy-yətinə düşməsi, zonda “bomba partlayışı” effekti yaratmışdı. Səhəri günü
hamı heyranlıqla Nüsrətin qabiliyyətindən, əsl əməliy-yatçı olma-sından danışırdı.
Amma, əvvəlki şöbə rəisi Əhmədlə işləyənlərin
dediklərinə görə, Nüsrətin nə qədər
qabiliyyəti olsa belə,
Əhmədin yerini verə bilməzdi. Əhmədin tələbkarlığı, qəddar prinsipiallığı, məhkumların gözünün odunu o
dərəcədə almışdı ki, rəisdən çox ondan çəkinib qor-xublarmış. Hətta katyolda da rəisdən çox Əhmədi
eşidiblərmiş. Bəlkə elə buna görə də, rəis onun yetişdiyini görüb nazirlikdəki yaxın-larının köməyi ilə Əhmədə
www.kitabxana.net
– Milli Virtual Kitabxana
120
başqa müəssisədə vəzifə verib buradan uzaqlaşdırmışdı.
Vaxtı ilə Əhmədin əzab, zülm verdiyi məhkumlar həmin anları xoş xatirə kimi danışırdılar. Qərəzli
deyil, təqsirli olduqlarına görə, aldıqları cəza üçün də Əhmədi hörmətlə xatırlayırdılar.
İnsan qəribə məxluqdur. Həmişə zülmə, zülmkara fərqli sim-patiyası olur. Zülmsüz həyat maraqsız,
mənasız görünür. Zülmsüz sevgi şirin olmur. Allahı - Ulu Tanrını zülmü qədərindən çox artıra-cağından qorxub
sevirik. Deməli, “insan zülm üçün yaranıb” sözündə həqiqət varmış. Əsas məsələ onun həddini təyin etməyi
bacarmaqdır. Bunu təyin etmək elə də asan deyil ki, İlahidən gələn qüvvənin kö-məyi olmadan kimsə müəyyən
edə bilsin. Çünki insanlar oxşar olsa da, eyni deyil, hərənin öz fərdi xüsusiyyəti var. Əslində insan özü tam
öyrənilməyən, öyrənilməsi nəhayətsiz olan mürəkkəb varlıqdır.
Müxtəlif səbəblər üzündən cəmiyyətin qayda-qanunlarına uyğunlaşa bilməyib həyatın dibinə düşən -
həbsə alınan bu mürəkkəb varlıqları yalnız cəzalandırmaq yox, islah etmək, zərərsizləşdirib ca-nidən şəxsiyyətə
çevirmək yolu təkcə zülm verməkdən ibarət idimi? Bu sual onu daim düşündürürdü. Şəfinin işə belə yanaşma
tərzi ətra-fındakı yoldaşlarının əksəriyyətinin xoşuna gəlmirdi. Ona öz aləmlə-rində iş yerinə uyğun olmayan
adam gözü ilə baxırdılar. Şəfini təəc-cübləndirən əməkdaşlarla yanaşı, zülmə vərdiş etmiş məhkumların da bu
sayaq fikirləşməsi idi.
Bir gün Nüsrət Şəfini otağına çağırıb korpusda keçiriləcək növbədənkənar axtarış tədbiri ilə bağlı söhbət
etdikdən sonra soruşdu:
- Neçə aydır işləyirsən?
- Yarım ili ötüb.
- Həftədə neçə məhkumunu cazalandırmısan? Şizoya salmanı soruşuram.
- Bəzən bir nəfər olur. Ayda üç-dörd nəfər.
- Niyə belə az? Yoxsa dəstəndə çoxusu islah olunub?
- Bilirsiz, mən məhkuma səhvini düzəltməyə imkan yaradı-ram, cəzalandırmağa tələsmirəm. Birinci
dəfə bağışlayıram, ikinci dəfə xəbərdarlıq edirəm, üçüncü olanda tədbir görürəm.
Nüsrət Şəfinin izahatını təbəssümlə dinlədi:
- Cənab leytenant, mən bura gələn gündən səni müşahidə etmişəm. Sənin barəndə əməkdaşların
münasibətlərini öyrənmişəm. Yaxşı oğlansan, savadlısan, söz başa düşənsən. Bir məsələdə zəifsən: xasiyyətcə
yumşaqsan. Belə yaramaz, sərt olmağı öyrən. Nə qədər sərt olsan, səndən bir o qədər çəkinib hörmət edərlər.
Sən elə danışır-san ki, guya bura birinci sinfə gəliblər, sən də onları başa salıb tərbiyə edirsən. Yüz oyundan
çıxıb
cinayət etmişi, sözlə tərbiyə vaxtı keçib, cəza ilə tərbiyələndirmək lazımdır. İşində dönüş yarat.
Ürəyində razılaşmasa da, Şəfi:
- Baş üstə, cənab mayor, - deyərək, kabinetdən çıxıb, Nüsrə-tin sözlərini götür-qoy edə-edə öz otağına
doğru addımladı.
- Osmanlı...