24
III. FANNI O‘QITISHDA FOYDALANILADIGAN INTERFAOL TA‘LIM
METODLARI.
Yangi interfaol usullar bo‗yicha ishlash uchun guruhda kichik guruhlar tashkil qilinib,
ishonchni yaratish, ochiq muhokamaga xalaqit beruvchi ruhiy zo‗riqishni yo‗qotish, amaliy
mashg‗ulotlarda talabalarning barchasini darsda faol qatnashishiga erishish va 45 daqiqadan
ortiq bo‗lmagan vaqtni belgilash lozim (135 daqiqalik darslarda).
Mikrobiologiya, virusologiya va immunologiya fanidan amaliy mashg‗ulotlarda ―Miya
shturmi‖, ―Stol o‗rtasida ruchka‖, ―Kim ko‗proq, Kim tezroq‖, ―Dumaloq stol‖, ―Kuchsiz
zveno‖, ―Diskussiya‖, ―Galereya bo‗ylab sayohat‖, ―Qor bo‗lakchalai‖, ―Qor uyumi‖, ―Ari
uyasi‖ – nomli usullar qo‗llaniladi.
Amaliy mashg‗ulotlarda bu usullarni qo‗llashdan maqsad:
- talabalarning amaliy mashg‗ulotlarda ishtirok etish darajasini oshirish.
- talabalarning bir-biridan o‗rganishga imkon berish.
- guruhlarda o‗qitish jarayonini kuchaytirish va talabalarni shu fanga bo‗lgan qiziqishini
orttirish.
- mavzularga mos bo‗lgan yangi interfaol usullarni tanlay bilish (reja asosida) va
mashg‗ulotlarni qiziqarli o‗tkazishga erishish.
- talabalarga o‗zaro g‗oya va fikrlarini almashishga imkoniyat berish.
- ishtirokchilar katta guruhlarda bayon qila olmagan fikrlarini kichik guruhlarda bayon
qilishlariga erishish.
- amaliy mashg‗ulotlarda diqqat markazini o‗qituvchidan ishtirokchilarga o‗tkazish va
bilimni olish uchun katta mas‘uliyatni ishtirokchilarga topshirishga erishish.
Amaliy mashg‗ulotlarda yangi interfaol usullardan foydalanish samaradorligini
oshirish usullari:
1. Talabalarga amaliy mashg‗ulotlarda o‗tiladigan barcha mavzular qaysi interfaol usulda
o‗tishini oldindan tushuntirish va kalendar tematik reja asosida yozdirish.
2. Talabalarga auditoriyada joylashish uchun vaqt berish.
3. Har bir amaliy mashg‗ulotda mavzuga talabalarning qaysi usuldan foydalanishi qay
darajada bilishlarini aniqlash.
4. Ishtirokchilar topshiriq olguncha o‗zlarining guruhlarga bo‗linish imkoniyatidan
foydalanish.
5. Talabalarni shunday kichik guruhlarga ajratish kerakki, guruhda bir-biri bilan tanishlar
kamligiga e‘tibor berish.
6. Topshiriqni hech bo‗lmasa bir marta takrorlash.
7. Vazifani aniq, ravshan bayon qilish, uni hamma tushunganiga ishonch hosil qilish.
8. Ishtirokchilarni topshiriq bo‗yicha ishlashayotganini tekshirib borish.
―M I YA SH T U R M I‖ U S U L I
Bu usulda dastlab o‗qituvchi amaliy mashg‗ulotga tayyorlanib kelgan talabalarni aniqlaydi
(darsga tayyorlanmay kelgan talabalar reyting tizimi asosida 10, 20, 30 ball bilan baholanadilar)
va o‗qituvchi savol beradi – talaba javob beradi, o‗qituvchi javobga qoniqmasa, navbatdagi
talabaga savolni takrorlaydi – javob to‗g‗ri, aniq, bo‗lgunga qadar o‗rtaga tashlangan jumboqli
savol takrorlanaveradi.
Masalan: ―Bakteiyalar sof kulturasini ajratib olish usullari, aerob va anaerob
mikroorganizmlarga sharoit yaratish usullari. Identifikatsiya‖ mavzusida o‗qituvchi tomonidan
5-10 ta savol (talabalarning tayyorligiga qarab) beriladi:
1. Bakteriyalar sof kulturasini ajratib olishning nechta bosqichi bor?
2. Anaerostat va eksikatorlarning anaerob sharoit yaratish uchun ishlatilishi qanday?
3. Anaerob mikroorganizmlarga sharoit yaratishning qanday usullarini bilasiz?
25
4. Anaerob mikroorganizmlarni o‗stirishning fizik usularini ayting.
5. Anaerob mikroorganizmlarni o‗stirishning kimyoviy, biologik usullariga misollar
keltiring.
6. Identifikatsiya nima? Mikroorganizmlarni identifikatsiya qilishdan maqsad nima? va
boshqalar
O‗qituvchi guruhdagi har bir talabaning muhokamada ishtirokini kuzatib boradi – talaba 3
ta savolga javob bera olmasa, eng past ball beriladi – amaliy mashg‗ulotning nazariy qismini
o‗zlashtirmagan talaba sifatida savol-javoblarda qatnashmaydi, ammo amaliyotni bajarishda
ishtirok etadi
Bu usulning ahamiyatli tomoni shundaki, qisqa vaqt ichida guruhdan ko‗p miqdordagi
javob variantlarini olish, talabalar bilimini aniqlash, ulardan kutilmaganda so‗rash oqibatida
mashg‗ulotga tayyorgarlik daraxasini bilish, xotirada fan bo‗yicha saqlanib qolgan barcha
bilimlarni aniqlash imkoni tug‗iladi.
Talabalar tomonidan berilgan barcha javoblar, ma‘nosi va mazmunidan qat‘iy nazar,
muhokama qilinadi. Barcha talabalar o‗z fikrlarini aytadilar, o‗qituvchi tomonidan yuqori kasbiy
va pedagogik mahorat bilan yo‗naltirilgan savol-javoblar, bahs-munozarada haqiqat qaror topadi,
kuchli nazariy bilim va tayyorgarlikka ega talabaning yuqori ball to‗play olishiga erishiladi,
shuningdek tayyorgarligi past talaba ham ko‗plab bilimlarni o‗z xotirasida saqlab qolishiga
erishiladi.
Bundan tashqari fan bo‗yicha yangi bilimlarni olishga erishish, ishtirokchilarga taklif
etilgan g‗oyalarni muhokama qilish uchun imkoniyat yaratish va guruhda faollikni oshirishga
erishiladi.
―S T O L U S T I D A R U CH K A‖ U S U L I
Tahsil olayotgan guruh talabalari 2 ta guruhchaga ajratiladi. Talabalarga savol yozilgan
qog‗oz beriladi va talabalar qog‗ozga ism shariflarini yozadilar. O‗qituvchi mashg‗ulotni diqqat
bilan kuzatadi, agar talaba qog‗ozdagi savolga javobni bilmasa, qo‗lidagi ruchkani stol o‗rtasiga
qo‗yadi. Boshqa talaba javob berishga kirishadi va hokazo. Talaba javob bera olmay o‗z
ruchkasini stol o‗rtsiga 3 marta qo‗ysa, amaliy mashg‗ulotning nazariy qismini o‗zlashtirmagan
talaba sifatida savol-javoblarda qatnashmaydi, ammo amaliyotni bajarishda ishtirok etadi,
mashg‗ulotning nazariy qismidan ball olib bilmaydi. Bu usulda bitta talabaga 5-6 ta savol
yozilgan qog‗oz beriladi va barcha qog‗ozlarga talabalar ism shariflarini va javobni yozadilar.
Masalan: ―Mikroorganizmlar fiziologiyasi. Oziqlanishi, nafas olishi, ko‗payishi, oziq
muhitlar klassifikatsiyasi, tarkibi, tayyorlash usullari‖ mavzusi bo‗yicha savollar:
1. Mikroorganizmlar oziqlanishiga qarab qanday bo‗linadi?
2. Mikroorganizmlarning ko‗payish usullari va davrlari qanday?
3. Oziq muhitlar nima? Klassifikatsiyalari.
4. Oziq muhitlarni laboratoriya sharoitida tayyorlash usullari.
5. Differensial-diagnostik oziq muhitlarni laboratoriya sharoitida ishlatishdan maqsad
nima?
6. Bakteriyalarning gemolitik xususiyatini aniqlashda qanday oziq muhitlar ishlatiladi?
―D U M A L O Q S T O L‖ U S U L I
Stol ustiga vaziyatli masala (mavzuga oid savol) yozilgan qog‗oz tashlanadi. Har bir talaba
o‗zining javob variantini yozib boshqa talabaga qog‗ozni uzatadi. Hamma o‗z djavobini yozib
bo‗lgandan keyin tahlil qilinadi: noto‗g‗ri javoblar o‗chirilib, to‗g‗ri javoblar muhokama
qilinadi, talabalar bilim darajasi baholanadi. Bu usul nafaqat yozma, balki og‗zaki holda ham
olib borilishi mumkin. O‗qituvchi tomonidan savol to‗liq va aniq berilishi lozim.
Masalan: ―Mikroorganizmlar ekologiyasi. Tuproq, suv va havo mikroflorasi, ularni
o‗rganish usullari‖ mavzusi bo‗yicha savollar quyidagicha:
1. Havoni sanitar-bakteriologik tekshirish usullari.
Dostları ilə paylaş: |