14
İSLAM DİNİNİN VƏ ŞİƏ MƏZHƏBİNİN ƏSASLARI
İSLAM DİNİNİN VƏ ŞİƏ MƏZHƏBİNİN
ƏSASLARI
Müqəddəs İslam dininin üç əsas sütunu vardır:
1. Tövhid (Allah təkdir).
2. Nübüvvət (Peyğəmbərlik).
3. Məad (ölümdən sonra dirilmək).
Bu üç əsli və əqidəni bütün müsəlmanlar qəbul edirlər.
Bunlara üsulid-din deyilir. Amma İmamiyyə məzhəbinin
bunlardan əlavə iki əsl əqidəsi də vardır.
1. Ədl (Allah ədalətlidir).
2. İmamət (on iki imamın imamlığı).
Deməli, dinin və şiə məzhəbinin beş əsas prinsipi (üsulid-dini)
var.
BİRİNCİ ƏSAS: ALLAH TƏKDİR
Bu bəhsdə məqsəd, bütün varlıq aləminin xaliqinin Allah
olması və Onun tək olub, şəriki olmamasıdır.
Bu bütün İlahi dinlərin əsasıdır. Əgər bəzi dinlərdə bunun
əksini görürüksə, o sonradan yalnış fikirli insanlar tərəfindən
yaranmışdır.
Bu əslin iki əsası vardır:
1. Bu dünyanın Allahı var, onu yaradıb və idarə edir.
2. Allah yeganədir, şəriki və oxşarı yoxdur.
Birinci dəlil:
Allahı və dünyanın yaradanının olmasını tanımaq üçün ən
gözəl yol, varlığa və Allahın qüdrətinə baxmaq lazımdır. Onlara
baxmaqla insan başa düşür bunların qüdrətli və hikmətli yaradanı
vardır. Allah-taala Qurani-kərimdə belə buyurur:
İzahlı şəriət
hökmləri
15
َ
و ّض
ْ
ر
َ ْ
لْا
َ
و ّتا
َ
وا
َ
م
َّ
سلا ّق
ْ
ل
َ
خ ّىف
َّ
ن ّإ
ّف
َ
لا ّت
ْ
خا
ا
ّل
ْي
َّ
ل
َّ
هنلا
َ
و
ٍتا
َ
ي
َ
لا ّرا
ّ
ه
لْ
با َب
ْ
ل
َ ْ
لْا ّىل
ْ
و
Həqiqətən, göylərin və yerin yaradılmasında, gecə ilə gündüzün
bir-birini əvəz etməsində (bir-birinin ardınca gəlib-getməsində)
ağıl sahibləri üçün (Allahın varlığını, qüdrətini, kamalını və
əzəmətini sübut edən açıq) dəlillər vardır.
1
Hər bir düşüncəli insan gözəl başa düşür ki, bu geniş dünya,
dənizlər, okeyanlar ulduzlar, ay, günəş, planetlər, təəccüb
doğuran heyvanlar, ağaclar, növbə-növ bitkilər öz-özünə
yaranmayıb və bunları yaradan vardır. Bunları yaradana Allah
deyirik.
İkinci dəlil:
Allah təkdir və şəriki yoxdur. Burada iki dəlil qeyd edirik:
1- Aləmdəki nizam-intizam; əgər varlığın yaradılışında bir
neçə tanrı fərz olunub hər birisi digərindən ehtiyacsız təsəvvür
olunsaydı sözsüz ki, onların məqsədləri və iradələri bəzi yerlərdə
bir-birinin ziddinə olardı. Bununlada kainatın nizam-intizamı
pozular, yer və göylərdə fitnə-fəsad olardı. Bu barədə Allah-taala
Qurani-kərimdə buyurur:
ْ
و
َ
ل
َ
ن
َ
اك
ّهلا َءا
َ
م ّهي ّف
ة
ُ َّ
للها
َّ
لا ّإ
ا
َ
ت
َ
د
َ
س
َ
ف
َ
ل
ْب
ُ
س
َ
ف
َ
نا
َ
ح
ّ
َّ
للها
هب
َ
ر
ّش
ْ
ر
َ
ع
ْ
لا
ا
َّ
م
َ
ع
َ
نو
ُ
ف ّص
َ
ي
“
Əgər (yerdə və göydə) Allahdan başqa tanrılar olsa idi, onların
ikisi də (müvazinətdən çıxıb) fəsada uğrayardı. Ərşin sahibi olan
Allah (müşriklərin Ona) aid etdikləri sifətlərdən tamamilə
uzaqdır!
”.
2
Bu dəlilin geniş şəkildə izahı vardır və etiqadi kitablarda qeyd
olunmuşdur.
1
Ali İmran surəsi, ayə 190.
2
Ənbiya surəsi, ayə 22.
16
İSLAM DİNİNİN VƏ ŞİƏ MƏZHƏBİNİN ƏSASLARI
2- Ən gözəl və sadə dəlil həzrət Əlinin
(ələyhis-səlam)
imam
Həsənə
(ələyhis-səlam)
vəsiyyətidir. O həzrət belə buyurur:
راثآ تیأرلو هلسر کتتلْ کیرش کبرل ناک ول هنا ینب ای ملعاو
امک دحاو هلا هنکلو هتافصو هلاعفا تفرعلو هناطلسو هکلم
هسفن فصو
Oğlum! bil ki, Allahının şəriki olsaydı onun elçiləri sənin yanına
gələrdi onun mülk və qüdrətinin əlamətlərini görərdin, feillərini
və sifətlərini tanıyardın. Amma O özünü vəsf etdiyi kimi tək və
şəriksiz olan Allahdır.
1
ALLAH-TAALANIN SİFƏTLƏRİ
Allah-taalanın sifətləri iki hissədən ibarətdir:
1-Subutiyyə sifətləri (Sifati subutiyyə);
2-Səlbiyyə sifətləri (Sifati səlbiyyə);
SUBUTİYYƏ SİFƏTLƏRİ
Subutiyyə sifətləri (Sifati subutiyyə) də öz növbəsində iki
hissəyə bölünür:
1. Zati sifətlər;
Zati sifətlər; Allah-taala bu sifətlərlə vəsf olunur və bu sifətlər
Allah-taalanın zatının özüdür və onun vücudundan ayrılmırlar.
Onların hamısının mənşəyi beş sifətdir:
Qüdrət;
Elm;
Həyat;
Əzəli olması;
Əbədi olması;
1
Nəhcul-bəlağə, 31-ci məktub.