26
qiymətləndirilmiş, bir çox elmi-tədqiqat işləri isə beynəlxalq arenaya
çıxmağa müvəffəq olmuşdu. Bunu demək kifayət-dir ki, 1970-ci ildə
Azərbaycan Elmlər Akademiyasında 30 elmi müəssisə, o cümlədən 22
elmi-tədqiqat institutu, 3,3 min elmi işçi, o cümlədən 209 elmlər doktoru,
1311 elmlər namizədi fəaliyyət göstərirdi. Akademiyanın 54 həqiqi və 41
müxbir üzvü var idi.
70-80-ci illərdə AMEA-nın fəaliyyətində baş verən böyük
dəyişikliklər, maddi-texniki bazasının əsaslı surətdə yaxşılaşdırılması
onun inkişafına böyük təsir göstərmiş, akademiyanın bütün
strukturlarının işində böyük irəliləyiş baş vermişdi.
Göstərilən illərdə akademiyanın çox mühüm elmi bazası olan elmi
kitabxananın işində də böyük canlanma baş vermiş, elmi kitabxana nəinki
respublikanın, həmçinin SSRİ-nin ən böyük elmi kitabxanaları
səviyyəsinə yüksəlmişdi. Məhz bu dövrdə akademiyanın kitabxanası yeni
binaya köçürülmüş, çox qiymətli və müasir avadanlıqla təmin edilmiş,
yeni kitabxana texnikası ilə təchiz edilmişdi. Öz fəaliyyətində müasir
dövr kitabxana işi sahəsində baş verən yenilikləri dönmədən öz işinə
tətbiq edən, yeni kitabxana texnologiyası ilə zənginləşən, kitabxana
xidmətinin müasir problemlərindən bacarıqla istifadə edən kitabxana
tamamilə yeni tipli elmi-informasiya müəssisəsinə çevrilmiş,
yüksəkixtisaslı akademiya oxucularının ən çox sevdiyi, istifadə etdiyi bir
elm xəzinəsinə çevrilmişdi. Belə bir faktı qeyd etmək yerinə düşər ki,
AMEA-nın kitabxanası həm respublikamızda, həm də SSRİ miqyasında
ilk dəfə olaraq akademiya kitabxana şəbəkəsini mərkəzləşdirməyə nail
olmuşdu. O dövrdə SSRİ miqyasında kitabxanaların, əlbəttə, ilk növbədə
kütləvi kitabxanaların mərkəzləşdirilməsi ideyası irəli sürülmüş, bu işi
həyata keçirmək üçün Rusiyanın bir neçə rayonunda eksperiment
qoyulmuşdu. SSRİ miqyasında, o cümlədən respublikamızda
mərkəzləşdirmə işinə 1974-cü ildən başlandı. Kitabxana işində tamamilə
yeni və olduqca mürəkkəb bir proses olan mərkəzləşdirməni həyata
keçirmək böyük təşkilatçılıq və ciddi elmi-metodik hazırlıq işi tələb
edirdi. Böyük razılıq hissi ilə demək olar ki, AMEA-nm kitabxanası bu
mürəkkəb prosesin həyata keçirilməsinə hazır olduğunu nümayiş etdirdi.
AMEA-nın Mərkəzi Elmi Kitabxanası bu işi həyata keçirərkən bir sıra
27
çətinliklərlə üzləşdi. Bir tərəfdən akademiyanın ayrı-ayrı institutları,
laboratoriyaları və digər qurumları kitabxanaların mərkəzləşməsinin
əleyhinə çıxırdılar, digər tərəfdən, mərkəzləşməni aparmaq üçün mühüm
elmi-metodik məsələləri həll etmək çətinlik törədirdi. Həmçinin az da
olsa vəsaitin çatışmazlığı da işin sürətli t
əşkilinə mane olurdu. Bütün bu
çətinliklərə baxmayaraq, mərkəzləşmə işinə ciddi hazırlıq görmüş
Mərkəzi Elmi Kitabxana qısa bir müddət ərzində bu işin öhdəsindən
müvəffəqiyyətlə gəldi. Mərkəzləşmə 1972-ci ildə başlandı və 1976-cı ildə
başa çatdırıldı. Bir-birindən ayrılıqda fəaliyyət göstərən kitabxana
şəbəkəsinin bazası əsasında vahid kitab fonduna, kadr potensialına, ştata,
yeniləşdirilmiş və möhkəmləndirilmiş maddi-texniki bazaya malik olan,
oxuculara xidməti yüksək səviyyədə təşkil etməyə qadir vahid kitabxana
kompleksi meydana gəldi. Bu sistemə akademiyanın 24 elmi-tədqiqat
institutunun və digər qurumlarının kitabxanaları daxil edildi.
Mərkəzləşmiş vahid kitabxananın fondunda üç milyon nüsxəyə qədər
kitab var idi. Kitabxana fondunun sistemdaxili mərkəzləşdirilmiş qaydada
komplektləşdirilməsi fondun gələcək inkişafı üçün böyük perspektivlər
açmışdı. Kitabxana fondunun idarə edilməsinə vahid sistemli prinsipin
tətbiqi onun məqsədyönlü komplektləşdirilməsi üçün əlverişli şərait
yaratmışdı. Fondun tərkibinin keyfiyyətcə təkmilləşməsi, dünya elmi-
texniki fikrinin son nailiyyətlərini əks etdirən əsərlərlə və dövri mətbuatla
tamamlanması oxuculara kitabxana-informasiya xidmətinin yeni əsaslarla
qurulmasını təmin edirdi. Kitabxanaların yanında təşkil edilmiş
komplektləşdirmə
şuraları mərkəzləşmiş kitabxana şəbəkələrinin
komplektləşdirilməsi üçün plan tərtib edirdi. Komplektləşdirmə planında
hər bir kitabxananın profili, oxucuların sorğu və tələbatı, elmin müasir
inkişaf istiqamətləri nəzərə alınırdı. Cari və retrospektiv
komplektləşdirməni ardıcıl olaraq aparmaq məqsədi ilə Mərkəzi Elmi
Kitabxananın yanında komplektləşdirmə şurası yaradılmışdı. Bu şura ilk
dəfə olaraq bütün akademiya kitabxana şəbəkələrinin komp-
lektləşdirilməsini həyata keçirirdi. Yarandığı ilk günlərdən şuranın işinin
səmərəliliyi və effektivliliyi aydın oldu. Akademiya kitabxanalarının
komplektləşdirmə işi keyfiyyət və kəmiyyət baxımından
28
xeyli yaxşılaşdı və təkmilləşdi. Təkcə 1984-cü ildə AMEA-nın kitabxana
sisteminə 96 min 141 nüsxə yeni ədəbiyyat daxil olmuşdu. Bunlardan
58.918 nüsxəsi Mərkəzi Elmi Kitabxananın, 37.223 nüsxəsi isə filialların
fondlarına verilmişdi. Mərkəzləşmə nəticəsində Mərkəzi Kitabxananın
maliyyə vəziyyətinin sabitləşməsi kitabxana fonduna xarici dillərdə
ədəbiyyat alınmasını xeyli yaxşılaşdırmışdı. Hər il kitabxanaya daxil olan
ədəbiyyatın 10-12 faizini xarici dillərdə kitablar təşkil edirdi. Bu isə öz
növbəsində alimlərə dünya elminin və texnikasının son nailiyyətləri ilə
tanış olmaq imkam verirdi. 1970-80-ci illərdə kitabxananın fəaliyyətində
baş verən müsbət keyfiyyətlərdən biri də beynəlxalq kitab mübadiləsinin
təşkili olmuşdur. Kitabxana zəngin və məzmunlu mübadilə fondu
yaratmağa müvəffəq olmuşdu ki, bu da respublikamızın kitab sərvətini
dünyanın ən böyük kitabxanalarına göndərməyə imkanlar yaratmışdı.
Belə ki, 70-ci illərin axırlarında kitabxana dünyanın 50 ölkəsinin 570
müəssisəsi ilə kitab mübadiləsi edirdi. Bunların arasında 28 elmlər
akademiyası, 120 universitet və institut, 29 milli kitabxana, 209 kitab
ticarəti müəssisəsi, 23 nəşriyyat və firma, 27 muzey və başqa müəssisələr
var idi. 1984-cü ildə Mərkəzi Elmi Kitabxanaya 10.615 nüsxə xarici nəşr
daxil olmuşdu. Kitabxana respublikamızda ən çox dövri nəşrlər, xüsusilə
elmi, elmi-texniki jurnallar alan müəssisə idi. Təkcə 1984-cü ildə
kitabxana 1246 adda xarici jurnal almışdı. Kitabxananın dövri mətbuat və
jurnal fondu respublikanın alimlərinə dünya elminin son nailiyyətləri ilə
tanış olmaq imkanı verirdi ki, bu da ölkəmizin elmi ictimaiyyəti
tərəfindən çox yüksək qiymətləndirilirdi. Kitabxananın xarici ədəbiyyat
fondunun ardıcıl olaraq komplektləşdirilməsi nəticəsində bu fond
respublikanın kitabxanaları içərisində ən böyük fonda çevrilmişdi. 1986-
cı ildə bu fonda 1 milyon nüsxədən artıq ədəbiyyat toplanmışdı.
Respublika Milli Elmlər Akademiyasının kitabxana şəbəkəsinin
mərkəzləşməsi, qısa müddət içərisində oxuculara xidmət işinin yenidən
qurulmasında, keyfiyyətcə yaxşılaşmasında və
səmərəliliyinin
artırılmasında özünü göstərdi. Oxucuların sayı əsaslı şəkildə artdı. Əgər
mərkəzləşmədən əvvəl - 1974-cü ildə kitabxananın 18 min oxucusu var
Dostları ilə paylaş: |