YEDDİ QORXULU YUXU
Birinci yuxu
Oğlumun dünyaya gəldiyi gün, gecə barında bir
qadına aşiq oldum. Bəzən insan namünasib vaxtlarda,
mənasız insanlara aşiq olur. Yuxusunda görübmüş
məni. Oturub içki içirmiş mənimlə və sonra rəqsə
dəvət edirəmmiş onu…
Birlikdə sərxoş olanacan içdik, sonra onu rəqsə
yox, otelə dəvət elədim. Aşiq olduğum o gözlərin
içindəki qəribə soyuqluğu anlayanda səhər açılmış və
sərxoşluğum keçmişdi. Özünə oyun yoldaşı tapmadığı
üçün həyətdəki maşınları mismarla cızan oğlan
uşağının həyəcanı vardı içimdə.
İzaholunmaz duyğular içərisində yastığa söykənib
bir siqaret yandırmışdım və onun gedişini seyr
etmişdim. Özüylə bərabər otel otağındakı qəribə
qoxunu da çəkib aparmışdı arxasınca.
O gün oteli tərk etmədən öncə, yataqdaca bir sevgi
şeiri pıçıldamışdım…
…Növbəti gecə barda yenidən qarşılaşdıq və mən
cibimdə gəzdirdiyim bıçaqla onu öldürdüm, sonra
onun gözlərini çıxardım…
İkinci yuxu
Həyat bəzən sonunu görə bilmədiyi macəraların
içinə atır insanı. Mən hesab-kitabdan heç nə anla -
mıram. Heç vaxt gələcəkdə nə olacağını düşünmürəm.
Özümlə bağlı hazır planlarım yoxdur.
…Sakit, təlatümsüz, həyatımda hər şeyin yolunda
getdiyi günlərin birində bir qadından mesaj aldım.
Yuxusunda görübmüş məni. Ona şeir oxuyurammış.
Sonra yaşadığı evə dəvət elədi. Getdim. Danışdıq.
İçdik. Sevişdik. Sonra hava qaraldı və mən evə
dönməli oldum.
Yaxşı yadımdadır, qaranlıq küçələrdən avtobus
dayanacağınacan ağlamışdım. Evə gəlib birtəhər
çarpayımı tapıb, yerimə uzandım.
…Səhərlər tezdən oyanıb küçə lampalarından
qaranlıq otağa süzülən işığın yaratdığı alatoranlıqda əl
havasına axtardığım siqareti tapanda anladım ki,
həyatım alatoranlıqda əl havasına axtarış aparmaqla
keçib.
…Bir həftə sonra o qadının evinə Molotov
kokteyli atdım.
Üçüncü yuxu
İşsiz-gücsüz, avara günlərimin birində dünyanın
ən mərhəmətli qadınına aşiq oldum. Sevgim qar
-
şılıqsız deyildi. O da dəlicəsinə sevirdi. Əlimdən tutub
düşdüyüm girdabdan çıxardı, mənə bütün gücüylə
dəstək oldu. Dünyanın ən gözəl şeirlərini, ən ülvi
məktublarını yazdı mənə. Xoşbəxt olmağım üçün
əlindən gələni edirdi. Ağlınıza gələ biləcək hər yerdə
sevişdik. İş yerində, kafedə, ictimai yerlərdə, tərk
edilmiş evlərdə…
Həyatımda ilk dəfə bir qadına bu qədər
bağlandım. Günlərin bir günü yuxuda mənim
öldüyümü görmüşdü. Danışdı. Ağladı. Onu
sakitləşdirdim, kiritdim, başını sinəmə sıxdım. Sonra
onu özümdən aralayıb diqqətlə gözlərinin içinə
baxdım. Nəmlənmiş gözləri məni dəli edirdi. Təkrar
qucaqladım. Onu dəli kimi sevirdim. Köksümə sıxdım
yenidən. Sıxdım, sıxdım, sıxdım…
…Onu çox sevdiyim üçün öldürdüm…
Dördüncü yuxu
Qadağalar, tabular, mental dəyərlər, günahlar və
olmazlar vecimə deyildi. Günlər su kimi axıb keçərkən
həyatımda ilk dəfə qadın xəyanəti ilə üz-üzə qaldım.
Evli və çılğın bir qadına aşiq olmuşdum. Ərinin
yatağında, yaşadıqları binanın blokunda, parkda
skamyaların üstündə, barların tualetində, mənim
yatağımda, otel otağında, metallomda, qəbiristanlıqda,
dəniz qırağında sevişdik. Məni aldatmayacağını
düşünərək sevmişdim onu. Lakin mənim üçün ərini
aldatdığını, atdığını dərk etməliydim. İçində böyük bir
xəyanət gəzdirirdi o qadın.
…və qısa bir müddət ondan ayrı qaldım…
Sonra bağışladım onu, çünki yuxusunu danışdı
mənə. Yuxuda, məni öldürdüyünü görübmüş…
Getməsin deyə yalvardığım ilk qadın idi…
İlk dəfə bir qadının geri dönməsi üçün göz yaşı
töküb yalvardım.
Onsuz keçirdiyim hər gün özümü yeyib-bitirdim.
Təsəllini içkidə tapdım. Sərxoş olduğum gecələr
xaricində rahat və bəxtiyar günüm olmadı.
Sonrası hər aşiqin yaşaya biləcəyi ümidsiz
macəra…
…Bir gün küçənin ortasında silahımı çəkib, bir
gülləylə işini bitirdim…
Beşinci yuxu
…Əvvəlcə yuxusuna girmişdim, özü belə
yazmışdı. Özümün də xəbərim olmadan onun
yuxusuna girəndə mən şəhərdə, o isə kənddə yaşayırdı.
Sonra o, tez-tez mənim yuxularıma girirdi…
…Hə, onu deyirdim axı, yuxusuna girmişdim
onun. Sonra o, mənə bunu yazanda gülmüşdüm.
Qəribə gəlmişdi mənə. Adam inanmır axı, gözəl
qadınların yuxusuna köntöy, çirkin kişilərin girməsinə.
Bax, yenə inanmırsınız. Vicdan haqqı, özü mənə yazdı
ki, yuxuma girmisən. Söz tapmadım. Adam belə
anlarda, həqiqətən, söz-zad tapmır. Qalırsan mat-
məəttəl. Nə deyəsən?
…Qəribə hekayəsi vardı o qadının. Mopassanın
qadın obrazları kimiydi, təhlükəli, sirli, işvəkar və
ovsunlayıcı. Ağlımı başımdan alırdı. Onun üçün yanıb
qovrulduğum günlərdə, başqalarıyla macəralar
yaşayırdı.
…Onu su quyusuna atdım…
Altıncı yuxu
Mənim üçün xoşbəxt sayıla biləcək günlərin
birində rastlaşdıq. Bu qədər kirlənməyimə rəğmən,
yenidən içimdə gözəl hisslərin baş qaldırdığını hiss
etdim. Nə qədər qorxulu qatil olsam da, hələ də içimdə
gözəl duyğuların qaldığını fərq etdim.
Sırf onun üçün hər şeydən vaz keçdim və təbii ki,
o, bunu anlamadı.
Oğlumu, qızımı, həyat yoldaşımı öldürdüm. Nə
qədər göz yaşı tökdüm, vicdan əzabı çəkdim. Ölənləri
geri qaytarmaq olmur, məlum…
Sonra ona məktub yazdım. İlk dəfə platonik bir
eşq yaşayırdım. İlk dəfə bu qədər tərtəmiz və
vicdanlıydım. Amma o getdi. Uzaqlara, Lissabonmu,
Parismi, Berlinmi, Londonmu…Hansı cəhənnəmə
getdiyini bilmirəm, amma getdi.
…Onu Londonda “Tower Bridge”dən suya
atdım…
Yeddinci yuxu
Sonra kürəyimi yerə vuran bir xəstəlik tapdı məni.
Gözümü açıb yumunca daha bir neçə il keçdi
həyatımdan, yaşlandım. Kədərimlə, üzüntülərimlə,
cansıxıcı yaşamım və düşüncələrimlə hamını yordum,
bezdirdim. Yuxularım dəhşətli filmlərə çevrildi.
Öldürdüyüm bütün qadınlar yuxuma girməyə başladı.
Gecələr hara getdiyimi bilmədən saatlarla
dolaşdım küçələri. Heç kəsin səmaya baxmadığı
xəyanət qoxulu şəhərdə bütün ümidlərimi şüşə kimi
daşa çırpıb çilikləyən o qadınların baxışlarını axtardım
səmada.
Son anda başa düşdüm ki, insan iztirablarını dilə
gətirə bilmədiyi üçün şair olur.
Son anda anladım ki, daha məni heç vaxt yuxuda
görməyəcək.
Və mən özümü öldürdüm…
PANDUŞKA
Fransua Perrenə sevgilərlə…
Hörmətli redaksiya! Bu məktubu sizə şıltaq bir
milyonçu qızının dəniz sahilindəki dəbdəbəli və rahat
villasından yazıram. Yaşadıqlarım o qədər qəribə və
maraqlıdır ki, hər şeyi sizinlə bölüşmək ehtiyacı hiss
etdim. Mən “mişka” sevgisinin qurbanıyam. Başıma
gələn son hadisələr o qədər qəribədir ki, nə edəcəyimi,
kimdən kömək istəyəcəyimi bilmirəm. Yaxşısı budur,
əhvalatı sizə nəql edim, sonrası nə ola, ola…
…Sevgililər günüydü. Yuxudan oyanıb
özümə gələn kimi yollandım şəhərin oyuncaq satılan
ən böyük dükanlarından birinə. Məqsədim yüngülvari
bir hədiyyə alıb xanımın könlünü xoş etmək idi.
Nədənsə xanımıma çiçək yox, oyuncaq hədiyyə etmək
keçmişdi içimdən. Dükanda o baş-bu başa gəzişib
normal, cibimə uyğun oyuncaq axtarırdım. Qiymətlər
də, maşallah, ceyran belində. Mağaza od tutub yanırdı.
Gəzişə-gəzişə gəlib çıxdım mağazanın nəhəng
mişkalar satılan bölməsinə. Mişkalar yan-yana
düzülüb gənc qızlara gəl-gəl deyirdi...
...Mişkaların arasında dayanıb fikrə
getmişdim. “İlahi, bu yekəlikdə mişkalar kimə
lazımdı? Niyə gənc oğlanlar öz incə, nərmənazik
sevgililərinə belə nataraz hədiyyələr seçir?” Gözlərimi
dükanın pəncərələrindən çölə dikib mişkalar haqqında
laübali xəyallara dalmışdım ki, dükanın qarşısında üç
CİP dayandı. Arxadakı maşından iki yekəpər gədə
düşüb qaça-qaça qabaqdakı ən bahalı CİP-in qapısını
açdı. Əvvəlcə səliqə-sahmanlı bir oğlan, sonra incə və
44
I
ULDUZ