Umumiy o‘rta ta’lim maktabi da pedagog hodimlar bilan Referendum

Konstitutsiyada ta’lim tizimini tubdan yaxshilashning huquqiy asosi yaratilmoqda.

Davlatning ertangi kuni – yoshlarning qay darajada bilimli ekani bilan bevosita bog’liq. SHuning uchun ham ta’lim tizimini rivojlantirish masalasiga barcha davlatlarda eng muhim vazifa sifatida qaraladi. Ayniqsa, maktabgacha va maktab ta’limi to’liq davlat nazoratida, uning kafolatlari ostida bo’lishi shart. Yangi Konstitutsiyada ushbu jihatlar avvalgisidan farqli o’laroq, aniq va batafsil belgilab qo’yilmoqda.

Ilk marotaba bog’cha yoshidagi bolalarning ta’lim va tarbiyasi sohasidagi davlat kafolatining konstitutsiyaviy darajada belgilanishi tarixiy voqeadir. Bola uchun oiladan keyingi birinchi jamoa bu bog’chadir. Maktabgacha ta’lim sifatli bo’lishi insonning butun hayotiga ijobiy ta’sir ko’rsatadi. Maktabda, hatto undan keyingi oliy ta’lim muassasalarida ham qiynalmaydi.
Bu borada ishlar jadal ketyapti, natijasini hammamiz ko’rib turibmiz. Bolalarni maktabgacha ta’lim bilan qamrab olish darajasi 27,7 foizdan 72 foizga, MTTlar soni 5211 tadan 29 mingdan ziyodga yetkazildi.
2022 yilda «Finance Inquirer» nashri bolalarni maktabgacha ta’lim muassasalariga jalb qilish bo’yicha eng yaxshi dinamikaga ega bo’lgan dunyodagi eng peshqadam 10 ta davlatni e’lon qildi. Unda O’zbekiston jahon reytingida birinchi o’rinni egalladi.
2030 yilga qadar maktabgacha ta’lim bilan qamrov darajasini 80,8 foizga yetkazish maqsad qilingan.
Masalan, «Insonga e’tibor va sifatli ta’lim yili»da amalga oshirishga oid davlat dasturiga ko’ra, 2023 yil
1 apreldan boshlab maktabgacha ta’lim qamrovini kengaytirish maqsadida:
yangi maktabgacha ta’lim tashkilotlari faoliyatini ko’p kvartirali uylarning noturar qavatlarida yoki yakka tartibda qurilgan uy-joylarni sotib olish va keyinchalik ularni ta’mirlash hamda jihozlash orqali tashkil etishga ruxsat etilmoqda;
davlat-xususiy sheriklik loyihasi doirasida ijaraga berilgan yer uchastkasida nodavlat maktabgacha ta’lim tashkiloti binosini qurgan xususiy sherik tomonidan ushbu binoning mazkur loyiha uchun bank kreditlari bo’­yicha garovga qo’yilishiga oid cheklovlar bekor qilinmoqda.
SHu bilan birga, Konstitutsiya darajasida bolaning bepul umumiy o’rta ta’lim olish huquqi kafolatlanmoqda.
Davlat dasturiga ko’ra: