Unibank kommersiya banki 31 dekabr 2013-CÜ İl tariXİNƏ BİTƏN İL ÜZRƏ
Yüklə 3,53 Mb. Pdf görüntüsü
|
- Bu səhifədəki naviqasiya:
- UNİBANK KOMMERSİYA BANKI 31 DEKABR 2013-CÜ İL TARİXİNƏ BİTƏN İL ÜZRƏ KONSOLİDƏ EDİLMİŞ MALİYYƏ HESABATLARINA QEYDLƏR (DAVAMI)
- Əlaqəli tərəflərlə əməliyyatların uçotda ilkin tanınması
- Kapital adekvatlığı əmsalı
- Müddətli borclar
UNİBANK KOMMERSİYA BANKI 31 DEKABR 2013-CÜ İL TARİXİNƏ BİTƏN İL ÜZRƏ KONSOLİDƏ EDİLMİŞ MALİYYƏ HESABATLARINA QEYDLƏR (DAVAMI) (Başqa qeydlər olmazsa min Azərbaycan Manatı ilə) 21
Təxirə salınmış vergi aktivlərinin bərpa oluna bilməsi
Qrup rəhbərliyi hesabat tarixində təxirə salınmış vergi aktivlərinə qarşı qiymətləndirmə ehtiyatının yaradılmasına ehtiyac olmadığına əmindir, çünki təxirə salınmış vergi aktivinin tamamilə satışı daha çox ehtimal edilir. Təxirə salınmış vergi aktivlərinin 31 dekabr 2013-cü və 2012-ci il tarixlərinə balans dəyəri müvafiq olaraq 2,260 min AZN və 3,083 min AZN təşkil etmişdir.
Adi fəaliyyət zamanı Qrup əlaqəli tərəfləri ilə əməliyyatlar həyata keçirir. 39 saylı MUBS maliyyə alətlərinin uçotda ədalətli dəyər əsasında ilkin tanınmasını tələb edir. Mühakimələr belə əməliyyatlar üçün fəal bazarın mövcud olmadığı şəraitdə onların bazar və ya bazardan kənar faiz dərəcələri ilə qiymətləndirilməsinə dair qərar verilərkən istifadə olunur. Rəhbərlik belə nəticəyə gəlmişdir ki, əlaqəli tərəflərlə əməliyyatlar üzrə faiz dərəcələri üçüncü tərəflərlə əməliyyatlar zamanı tətbiq edilmiş dərəcələrdən əhəmiyyətli şəkildə fərqlənmir. Əlaqəli tərəflərin balansları üzrə şərtlər 29 saylı Qeyddə açıqlanır.
Kapital adekvatlığı əmsalı Kapitalın Qiymətləndirilməsi və Kapital Standarlarına dair Beynəlxalq Konvergensiyasının (İyul 1988-ci il, 2005-ci ilin noyabr ayında yeniləşmiş buraxılış), yaxud kapital norması haqqında Bazel razılaşması tələblərinə müvafiq olaraq hesablanır. Belə tələblər müxtəlif cür şərh oluna bilər və buna görə də kapitalın adekvatlığı əmsalının hesablanmasına daxil edilmiş məbləğlərin əks olunması, çıxarılması və/ya təsnifləndirilməsinin məqsədəuyğun olub-olmaması rəhbərliyin mülahizələrini tələb edir (məsələn, riskə qarşı ölçülmüş ümumi aktivlərin hesablanması məqsədilə bloklaşdırılmış müştəri hesablarının əhatə etdiyi balansdankənar öhdəliklərin 0% dərəcəli risk daşıyıb-daşımadığının müəyyənləşdirilməsi halında). Hazırda rəhbərlik hesab edir ki, balansdankənar belə öhdəliklər kapital adekvatlığının hesablanması məqsədləri üçün 0% dərəcəli risk daşıyır.
25 saylı Qeyddə ödəmə müddətləri üçün cədvəldə açıqlandığı kimi, Qrupun 31 dekabr 2013-cü il tarixinə gələcək on iki ay üzrə mənfi məcmu likvidlik kəsiri 74,490 min AZN məbləğində olmuşdur (2012-ci il üzrə: 60,269 min AZN).
Rəhbərlik hesab edir ki, cari hesablardakı 65,384 min AZN məbləğində qalıq 25 saylı Qeyddə ödəmə müddətləri cədvəlində tələb edilənlər kateqoriyası üzrə göstərilir. Aydındır ki, bu məbləğin heç də hamısı bir ay müddətində çıxarılmayacaq. Qrupun keçmiş təcrübəsi göstərir ki, cari hesab qalıqları son 4 il ərzində 47,000 min AZN-dən aşağı düşməmişdir. Bundan əlavə, adi fəaliyyət zamanı vaxtı çatmış müddətli depozitlərinin 30% hissəsinin vaxtı avtomatik olaraq uzadılır.
Rəhbərlik, 55,000 min ABŞ dolları məbləğində depozitlərin cəlb edilməsini, 15,000 min AZN məbləğində borc qiymətli kağızlarının buraxılmasını, eləcə də müvafiq olaraq 33,000 min ABŞ dolları və 24,000 min ABŞ dolları məbləğində vaxtı çatmış borc vəsaitlərinin və borc qiymətli kağızlarının müddətinin uzadılmasını (lazım olarsa) nəzərdə tutur.
Səhmdarlar və Azərbaycan Respublikasının Mərkəzi Bankı likvidliklə bağlı problem olan dövrlərdə Banka davamlı dəstək göstərmişlər.
Rəhbərliyin qiymətləndirməsi və görülən tədbirlər nəticəsində rəhbərlik Qrupun növbəti on iki ay müddətində öz likvidlik ehtiyaclarını ödəmək qabiliyyətində olmasını düşünür. UNİBANK KOMMERSİYA BANKI 31 DEKABR 2013-CÜ İL TARİXİNƏ BİTƏN İL ÜZRƏ KONSOLİDƏ EDİLMİŞ MALİYYƏ HESABATLARINA QEYDLƏR (DAVAMI) (Başqa qeydlər olmazsa min Azərbaycan Manatı ilə) 22
Müddətli borclar Rəhbərlik hökumət və beynəlxalq maliyyə institutlarından alınmış kreditlərin və aidiyyəti kreditlərin ilkin tanınması zamanı mənfəət və ya zərərin yaranıb-yaranmadığını nəzərdən keçirmişdir. Qrup, adətən hökumət və beynəlxalq maliyyə institutlarının inkişaf etməkdə olan ölkələrin bazarlarında verdiyi kredit üzrə faiz dərəcəsi və Qrupun yerli kreditorlardan aldığı vəsaitlər üzrə dərəcələrdən aşağı ola bilən faiz dərəcəsi ilə belə institutlardan uzun müddətli maliyyə vəsaitləri əldə etmişdir. Əməliyyatlar əlaqəli olmayan tərəflərlə aparıldığı üçün rəhbərlik düşünür ki, bu vəsaitlər və aidiyyəti kreditlər üçün bazar faizi dərəcəsi tətbiq edilir və ilkin tanınma zamanı mənfəət və ya zərər yaranmamalıdır. Bu mülahizəni yürüdərkən rəhbərlik bu alətlərin ayrıca bazar seqmenti təşkil etdiyini nəzərə almışdır. YENİ VƏ DÜZƏLİŞ EDİLMİŞ MALİYYƏ HESABATLARININ BEYNƏLXALQ STANDARTLARININ (MHBS) TƏTBİQİ
Qrup Mühasibat Uçotu üzrə Beynəlxalq Standartlar Şurası (“MÜBSŞ”) və Beynəlxalq Maliyyə Hesabatlarının Şərhi Komitəsi (“BMHŞK”) tərəfindən buraxılmış yeni və ya düzəliş edilmiş aşağıdakı standart və şərhləri qəbul etmişdir ki, bunlar da 31 dekabr 2013-cü il tarixinə bitən il üzrə Qrupun illik konsolidə edilmiş maliyyə hesabatlarına tətbiq olunmuşdur.
Maliyyə hesabatlarına təsir edən standartlar aşağıdakılardır: Konsolidasiya, birgə razılaşmalar, asılı müəssisələr və açıqlamalara dair yeni və düzəliş edilmiş standartlar
2011-ci ilin may ayında konsolidasiya, birgə razılaşmalar, asılı müəssisələr və açıqlamalara dair beş standart toplusu buraxılmışdır ki, bu standartlara da MHBS 10 Konsolidə edilmiş maliyyə hesabatları, MHBS 11 Birgə razılaşmalar, MHBS 12 Digər müəssisələrdə iştirak paylarının açıqlanması, MUBS 27 Fərdi maliyyə hesabatları (2011-ci ildə düzəliş edildiyi kimi) və MUBS 28 Asılı və Birgə
sonra bu standartlara keçid üzrə müəyyən təlimatları aydınlaşdırmaq üçün MHBS 10-a, MHBS 11-ə və MHBS 12-yə düzəlişlər buraxılmışdır.
Bu standartların tətbiqinin nəticələri aşağıda müəyyən edilmişdir. MHBS 10-nun tətbiqinin təsiri. MHBS 10 konsolidə olunmuş maliyyə hesabatlarından bəhs edən Konsolidə edilmiş və fərdi maliyyə hesabatları haqqında MUBS 27-nin və Konsolidasiya-Xüsusi Məqsədli Müəssisələr haqqında ŞDK 12-nin müəyyən hissələrini əvəz edir. MHBS 10-a əsasən nəzarətin şərhi dəyişilmişdir. Belə ki, investor investisiya qoyulan obyekt üzrə nəzarəti a) investisiya qoyulan müəssisə üzərində səlahiyyətə malik olduqda, b) investisiya qoyulan müəssisə ilə iş birliyindən gəlir əldə etdikdə və ya belə gəlirlərə hüquqa malik olduqda və c) gəlirlərə təsir etmək üçün öz səlahiyyətindən istifadə etmək qabiliyyətinə malik olduqda həyata keçirə bilər. İnvestor investisiya obyekti üzərində nəzarəti həyata keçirə bilmək üçün hər üç meyara cavab verməlidir. Əvvəllər nəzarət dedikdə müəssisənin fəaliyyətindən mənfəət əldə etmək üçün müəssisənin maliyyə və əməliyyat siyasətlərinin idarə edilməsi nəzərdə tutulurdu. MHBS 10-a investorun investisiya obyekti üzərində nəzarətini açıqlayan əlavə qayda da daxil edilmişdir. MHBS 10-a daxil edilən digər qaydalar da Qrupa şamil olunur ki, bu da investisiya obyekti üzrə səsvemə hüquqlarının 50%-dən az hissəsinə sahib olan investorun belə obyekt üzərində nəzarətinin olub-olmamasını nəzərdə tutur.
Yüklə 3,53 Mb. Dostları ilə paylaş:
|