93
kollektivdə mənəvi psixoloji mühitin saflaşdırılması və s. istiqamətlər gələcək müəllimlərin
fəaliyyətində şəxsiyyət kimi formalaşmasınıda həlledici rol oynayır, onlara stimul verir.
Ali məktəbdə müəllim hazırlığı bu gün ən vacib, zəruri məsələlərdən biridir. Azərbaycan
Respublikasının Prezidenti İlham Əliyevin dediyi kimi “Təhsil hər bir ölkənin gələcəyini
müəyyən edir. Hər bir ölkənin intellektual potensialı təhsil ocaqlarında yerləşir. O ölkə yaxşı inkişaf
edir ki, orada təhsil yüksək səviyyədədir. Azərbaycanın inkişafı məhz təhsillə bağlıdır”. Bu sözlərin
real həlli üçün, təhsilimizin yeni-yeni nailiyyətlər qazanmasında aparıcı sima müəllimdir. Bu
ideyalar bir daha göstərir ki, ali məktəbdə gələcək müəllimlərin hazırlanması, onların bir şəxsiyyət
kimi formalaşması daim diqqət mərkəzində olmalıdır. Məktəb, tədris müəssisəsi gələcək kadrların
hazırlıq
səviyyəsi, bir şəxsiyyət kimi formalaşması üçün cavabdehlik, məsuliyyət daşımalıdır.
Elmi yeniliyi: Məqalədə ali məktəbdə gələcək müəllim şəxsiyyətinin formalaşdırılmasının
nəzəri və praktiki məsələləri yeni müddəalarla zənginləşdirilir.
Tətbiqi əhəmiyyəti: Məqaləni ali məktəb müəllimləri praktik istiqamət vermək baxımından
faydalı hesab etmək olar.
ƏDƏBİYYAT
1.
Azərbaycan Respublikasının Təhsil haqqında Qanunu. Bakı: 2009.
2.
“Müəllim hazırlama siyasəti və problemləri” mövzusunda Qafqaz Univesitetində keçirilən
V Beynalxalq Konfransın materialları.// Bakı, 30 aprel -02 may 2015-ci il.
3.
“Müəllim hazırlığının müasir problemləri” mövzusunda Beynalxalq Elmi Konfransının
materialları. // Azərbaycan Müəllimlər İnstitutu, 28-29 oktyabr, 2011.
4.
“Müəlim hazırlığının müasir problemləri: texnologiya, təhsil və inkişaf”. III Beynalxalq
Elmi Konfransın materialları. // Azərbaycan Müəllimlər İnstitutu, 22-24 may, 2014.
РЕЗЮМЕ
ФОРМИРОВАНИЕ ЛИЧНОСТИ БУДУЩЕГО ПРЕПОДАВАТЕЛЯ В ВЫСШИХ
УЧЕБНЫХ ЗАВЕДЕНИЯХ
Гусейнов Ш.А.
Ключевые слова: личность, преподаватель, профессия, подготовка, высшая школа
В статье отмечается, что формирование личности – сложный процесс, в связи с этим
проблема личности всегда находится в центре внимания исследователей. Что касается
формирования личности педагога, то это одна из важных проблем современного
образования. Статья посвящена проблеме становления и принципам становления
профессионального педагога.
SUMMARY
THE FORMATION OF THE FUTURE TEACHER PERSONALITY
IN HIGHER SCOOL
Huseynov Sh.A.
Key words: personality, teacher, profession, training, high school
The formation of personality - a complex process, and the problem of personality is always in
the center of attention of researchers. With regard to the formation of the personality of the teacher,
it is one of the most important problems of modern education. The article is devoted to the
formation and principles professional teacher.
Daxil olma tarixi:
İlkin variant
04.03.2016
Son variant
01.06.2016
Hüseynov Ş.Ə.
94
UOT 37.046.14.
DÜNYA TƏHSİL SİSTEMİNDƏ YENİ TENDENSİYALAR VƏ TƏCRÜBƏLƏR
ƏLƏKBƏRLİ GÜLNARƏ YAŞAR qızı
Sumqayıt Dövlət Universiteti, müəllim
e-mail: hidayet.elekberli.01@mail.ru
Açar sözlər: innovasiya, qloballaşma, tendensiya, təhsil, standart
Məqalə təhsil müəssisələrinin təhsil,elmi-tədqiqat innovasiya mərkəzlərinə çevrilməsinə,
təhsil modelinin tətbiqi və həyata keçirilməsinə həsr olunub.
Müasir dünyada hər bir ölkənin uğurlu gələcəyi həmin ölkədə təhsilin səviyyəsi ilə müəyyən
olunur. Təcrübə göstərir ki, təbii sərvətlərin bolluğu dövlətin inkişafının əsas göstəricisi deyil,
başlıcası, bu sərvətlərin cəmiyyətin hərəkətverici qüvvəsi olan insan kapitalına çevrilməsini təmin
etməkdir. Bu, indiki mərhələdə təhsil sisteminin ən zəruri vəzifəsidir. ABŞ, Yaponiya, Cənubi Koreya
və digər inkişaf etmiş ölkələr malik olduqları maddi resurslardan daha çox təhsil sisteminin
yetişdirdiyi insan kapitalından böyük gəlirlər əldə etmişlər. Bu ölkələrdə inkişafa təsir göstərən
amillər içərisində təhsilin çəkisi əhəmiyyətli dərəcədə yüksək olub və təxminən 70 faiz təşkil edir [1].
Cəmiyyətin inkişafının əsas hərəkətverici qüvvəsi olan təhsil müasir zamanda bir çox
dəyişikliklərə məruz qalmışdır. Fərd ilə cəmiyyət arasında əlaqələr təhsil vasitəsilə daha kompleks,
bilik isə iqtisadi və sosial inkişafın əsas komponenti olmuşdur. Beləliklə, biliklərə əsaslanan
cəmiyyətin formalaşdırılması, təlim və təhsil proqramlarının həyata keçirilməsindən və onların
texnoloji innovasiyalara cəlb edilməsindən asılılığı artmışdır. Təsadüfi deyil ki, Birləşmiş Millətlər
Təşkilatı (BMT) XXI əsri "təhsil əsri" elan etmişdir.
Hazırda dünyada aşağıdakı inkişaf meyilləri müşahidə olunmaqdadır:
informasiya cəmiyyətinə keçid, ünsiyyət və dözümlülük amillərinin vacib əhəmiyyət kəsb
etməsi, mədəniyyətlərarası əlaqələrin miqyasının
genişlənməsi;
yeni nəsildə müasir təfəkkürün formalaşmasını tələb edən və yalnız beynəlxalq əməkdaşlıq
çərçivəsində həll edilə bilən qlobal problemlərin sayının artması;
iqtisadiyyatın dinamik inkişafı, rəqabətin güclənməsi, sadə əmək sferasının məhdudlaşması,
mütəmadi olaraq peşə ixtisasının artırılması və yenidən hazırlanmasını tələb edən ciddi
struktur
dəyişikliyi;
gənclərin və yaşlı nəslin təhsilinin artırılması nəticəsində formalaşan insan kapitalının
rolunun yüksəlməsi;
təhsilin ölkənin aparıcı dövlətlər sırasına daxil olmasını təmin edən əsas faktor olması;
vətəndaşların xaricdə təhsil almasının dəstəklənməsi;
Dünya təcrübəsi göstərir ki, tələbələr əmək fəaliyyəti boyu orta hesabla 3-5 dəfə ixtisaslarını
dəyişməli olacaqlar. Bu, yeni, daha münasib ixtisasa yiyələnmə, yeni kompetensiyaların əldə
edilməsi tələbatı ilə bağlı olacaqdır. Hər 7 ildən bir peşələrin, ixtisasların 40-50 faizi öz
əhəmiyyətini itirir, onlar yeniləri ilə əvəz olunur. Əhalinin tərkibində təhsilli insanların sayı nə
qədər çox olarsa, həmin ölkədə iqtisadi inkişaf tempi də daha yüksək olur. Ölkə büdcəsində təhsil
xərcləri 1% artıqda bu, iqtisadi artıma 0.35% artımına gətirib çıxarır. İqtisadi Əməkdaşlıq və İnkişaf
Təşkilatı (İƏİT) ölkələri üzrə 25-64 yaşlı əhali qrupu arasında ali və orta təhsilli təbəqənin
məşğulluq səviyyəsi müvafiq olaraq 85% və 59% təşkil edir, İƏİT ölkələrində bir tələbənin
ortalama ali təhsil xərci 33 min ABŞ dollarına bərabər olduğu halda, bu investisiya qoyuluşundan
ümumi gəlir 86 min ABŞ dolları təşkil edir.
Sumqayıt Dövlət Universiteti –
“ELMİ XƏBƏRLƏR”– Sosial və humanitar elmlər bölməsi
Cild 12 № 2 2016