Vǝdǝyi-dövri-qǝmǝrni tapşırır dövran ona

__________________________________________________________________________________________ 
www.ocaq.net 
 
 
139
Hǝq bilür sǝyyarǝ tǝk, gözümǝ uyxu gǝlmǝdi, 
Ta fǝlǝk qıldı cüda ol mehribanımdan mǝnim. 
 
Novcǝvan ikǝn mǝni hicran günü pir eylǝdi. 
Taki düşmüşǝm cüda ömrü cavanımdan mǝnim. 
 
Qǝddi xǝm oldu qǝmindǝn, bu Xǝtai xǝstǝnin, 
Ta cüda düşdi könül qaşi kǝmanımdan mǝnim. 
 
 
* * * 
 
Ey cǝmalında sǝnin nuri-ilahidir tamam, 
Ol sifatın zikridir, fikrim hǝmişǝ sübhü şam. 
 
Ol şǝhǝnşahi-cahansan kim, qul olub qapuna, 
Qǝnbǝrinin xidmǝtiçün Qeysǝrü Cǝmdir ğulam. 
 
Hǝlǝtadǝ hǝq sǝnǝ, çün saqiyi-mütlǝq dedi, 
Abi-kövsǝrdǝn sǝnin dǝstindǝdir, yaquti-cam. 
 
Ol Əlisǝn kim qamü peyğǝmbǝrǝ sǝnsǝn şǝfi, 
Cümlǝ bu ümmid ilǝ qapuna gǝlir xasü am. 
 
Çün sǝnin ovsafinǝ yetmǝz Xǝtainin sözü, 
Uş bu ǝbyat üstǝ xǝtm oldu kǝlamim, vǝssǝlam! 
 
 
* * * 

---

__________________________________________________________________________________________ 
www.ocaq.net 
 
 
140
Gecǝ-gündüz istǝgim dildarü yarım bulmuşam, 
Canü dil qurtuldu ğǝmdǝn, ğǝmküsarım bulmuşam. 
 
Gögdǝ istǝrdim mǝn ol mahimi buldum, yerdǝ uş, 
Hǝmdlillah kim, könüldǝ intizarım bulmuşam. 
 
Heç qǝrarım yoxdu, sǝbrim tükǝnmişdi, vǝli, 
Bǝrqǝrarǝm kim, ǝnisi-ruzigarım bulmuşam. 
 
Bǝxtvarǝm bǝxt ǝlindǝn, şadmanǝm dil fǝrǝh, 
Çünki mǝn canü könüldǝn ixtiyarım bulmuşam. 
 
Var ikǝn könlüm açıldı, sǝrbülǝndǝm neşǝ kim, 
Sǝrv boylu, ğönçǝ lǝbli gülüzarım bulmuşam. 
 
3ülmǝti-hicran yenǝ firuz buldu, getdi ğǝm, 
Taleim fǝrxǝndǝ mahi-tabidarım bulmuşam. 
 
Ey Xǝtai, şükr qıl, hǝq verdügünǝ ruzü şǝb, 
Süni sane qüdrǝti-pǝrvǝrdigarım bulmuşam. 
 
 
* * * 
 
Ta ki, mǝn gördüm cǝmalın, ey pǝrivǝş dilbǝrim, 
Mǝnzǝri-xurşid tǝk, yaş ilǝ doldu gözlǝrim. 
 
Bülbüli-zarǝm yüzündǝn ayru taqǝt qılmazam 
Kim, yüzündir bu cahan bağında vǝrdi-ǝhmǝrim. 

---

__________________________________________________________________________________________ 
www.ocaq.net 
 
 
141
Mǝn dǝxi yad eylǝmǝn, dünyadǝ cǝnnǝt bağını, 
Lǝblǝrin ta kim olubdur mǝşki-abi-kövsǝrim. 
 
Şǝrbǝti-hicrilǝ qılma, dilbǝra, ağzımnı tǝlx, 
Tutiyǝm, lǝlin durur qǝndü nǝbatü şǝkkǝrim. 
 
Neçǝ gündür ki, Xǝtai asitanın yastanur, 
Sormadın bir gün ki, xanı ol qulami-kǝmtǝrim? 
 
 
* * * 
 
Gözlǝri meyxanǝdir, meyxanǝyǝ göndǝrmişǝm, 
Lǝblǝri peymanǝdir, peymanǝyǝ göndǝrmişǝm. 
 
Dilbǝrin ağzı sǝdǝfdir, dedilǝr, ey dilrüba. 
Dişlǝri dürdanǝdir, dürdanǝyǝ göndǝrmişǝm. 
 
Gözlǝri fǝttanǝdir, saxla özün fǝttanǝdǝn, 
Ol xǝdǝngi-ğǝmzǝni fǝttanǝyǝ göndǝrmişǝm. 
 
Canımın cananǝsidir, şol nigarın ğǝmzǝsi, 
Canıma nuş eylǝdim, cananǝyǝ göndǝrmişǝm. 
 
Yandırır gör dǝmbǝdǝm, eşq odilǝn dilxǝstǝni. 
Nuri-vahiddür bu gün, pǝrvanǝyǝ göndǝrmişǝm. 
 
Bu Xǝtai söylǝdi, zülmat içindǝdir yǝqin, 
Yar mǝnǝ hǝmxanǝdir, hǝmxanǝyǝ göndǝrmişǝm. 

---

__________________________________________________________________________________________ 
www.ocaq.net 
 
 
142
Dǝrdü fǝraqü hǝsrǝtilǝn canǝ gǝlmişǝm, 
Küfri-saçınla vǝchinǝ imanǝ gǝlmişǝm. 
 
Zülfin şǝbindǝ tǝşnǝyǝm ol abi-lǝlinǝ, 
Zülmat içindǝ çeşmeyi-heyvanǝ gǝlmişǝm. 
 
Bir ǝndǝlibi-kuhi-fǝraq idim, ey sǝnǝm, 
Yüzünü görmǝgǝ bu gülüstanǝ gǝlmişǝm. 
 
Xoş aqilǝm ki, dünyada isbati-eşq üçün, 
Divanǝ gǝlmişǝm, vǝli divanǝ gǝlmişǝm. 
 
Qapundan ayru oldu Xǝtai şikǝstǝ hal, 
Ümmid ilǝn eşiginǝ dǝrmanǝ gǝlmişǝm! 
 
 
* * * 
 
Ta ki, gördüm mǝn sǝni, alǝmdǝ heyran olmuşam, 
Nalǝvü ǝfğan edǝr, mǝn didǝ-giryan olmuşam. 
 
Ta fǝraqindǝn könül, mǝcruh olubdur hǝr zaman, 
Dǝmbǝdǝmdir, nalǝvü fǝryadü ǝfğan olmuşam. 
 
Gül yüzün ovsafini, ta kim eşitdim, ey pǝri, 
Hüsninin bağında bir mürği-gülüstan olmuşam. 
 
Necǝ cǝm olsun bu könlüm sǝnsiz, ey arami-can, 
Kim sǝri-zülfin kimi, ğǝmdǝn pǝrişan olmuşam. 

---

__________________________________________________________________________________________ 
www.ocaq.net 
 
 
143
Ta dodağın cǝrǝsindǝn qılmışam bir qǝtrǝ nuş, 
Xızrtǝk sirabi-nuşi-abi-heyvan olmuşam: 
 
Ey ǝzizim- firqǝtindǝn çıxmazam ğǝmxanǝdǝn, 
Sǝn tǝki Yusifdǝn ayrı, piri-Kǝnan olmuşam. 
 
Bu Xǝtai ta hilal qaşlarını gördü sǝnin, 
Şol mübarǝk tǝlǝtin eydinǝ qurban olmuşam. 
 
 
* * * 
 
Dünyǝvü üqbadǝ sǝntǝk yari-qǝmxar istǝrǝm, 
Xǝlq edǝr divarǝ sǝcdǝ, bǝn dǝ didar istǝrǝm. 
 
Tutitǝk tǝlx oldu ağzım, istǝrǝm şǝkkǝr lǝbin, 
Bülbüli-sǝrkǝştǝyǝm hǝr gündǝ gülzar istǝrǝm. 
 
Hǝr vǝfasız dilbǝrǝ vermǝn könül, ey dilrüba 
Bir sǝnintǝk dilbǝri-yari-vǝfadar istǝrǝm. 
 
Çün sǝn ey, dǝrdim tǝbibi, etmǝsǝn dǝrmanımı. 
Bu vücudi-zarimi hǝr gündǝ bimar istǝrǝm. 
 
Bu Xǝtai bǝndǝ ol qaşın quliyǝm sidq ilǝn, 
Qılmışam bir qatilǝ iqrar, nǝ inkar istǝrǝm. 
 
 
* * * 

---

__________________________________________________________________________________________ 
www.ocaq.net 
 
 
144
Ey can, mǝn cǝmalını gördükcǝ, can derǝm, 
Görsǝt kim, ol cǝmalını görsǝm, rǝvan derǝm. 
 
Bir şǝmǝ gǝr götürsǝ sǝba buyi-zülfi-yar, 
Başilǝ ǝqlü canü könül tǝrcüman derǝm. 
 
Vǝqti-ǝcǝl gǝlürsǝ mǝlǝk can üçün mǝnǝ, 
Yüzünü görmǝdin ona canım xaçan derǝm. 
 
Hǝr kim ki, gül yüzün xǝbǝrini gǝtirsǝ yar, 
Mǝn anǝ müjdǝ yerü gögü asiman derǝm. 
 
Dedi Xǝtai dilbǝrǝ: lütfin nǝdir mǝnǝ, 
Dedi: yüzündǝ aşiqǝ min gülüstan derǝm. 
 
 
* * * 
 
Mǝnǝm ki, bu zǝmanǝ şimdi gǝldim, 
Rǝvan oldum, rǝvanǝ şimdi gǝldim. 
 
Aşığam mǝstü heyran, şahǝ çün mǝn, 
Mühübbǝm, xanǝdanǝ şimdi gǝldim. 
 
Şǝha, müştaq idim, ğayǝtdǝ billah! 
Şükr kim asitanǝ şimdi gǝldim! 
 
Yezidü müşrikin kökün kǝsǝrǝm, 
Çirağam, yana-yana şimdi gǝldim. 

---