2. ABŞ tarixində 1979-cu ildə “Tri-Mayl Aylend” AES-də baş verən qəza ən
böyük nüvə qəzası hesab olunur. Bu hadisə Çernobıl AES-də baş verən qəzaya qədər
dünya nüvə energetikasında ən böyük qəza hesab olunurdu. Texniki qüsurlar, istismar
və təmir prosedurlarında buraxılmış səhvlər nəticəsində elektrik gücü 900 MVt olan
PWR tipli reaktorda aktiv zona ciddi zədələnmiş, nüvə yanacağının bir hissəsi
əriyərək reaktorun dibinə çökmüşdür. Qəza nəticəsində atmosferə atılan təsirsiz qaz -
ların radioaktivliyi təqribən 2-13 milyon küri olsa da, yod 131 kimi təhlükəli izo-
topun atmosferə sızması çox cüzi olmuşdur. Stansiyanın ərazisi isə birinci konturdan
axan radioaktiv su ilə çirklənmişdir. Stansiya ətrafından əhalinin köçürülməsinə
ehtiyac olmasa da, 8 kilometrlik ərazidən azyaşlı uşaqların və hamilə qadınların
müvəqqəti çıxarılması tövsiyə edilmişdir. Qəzanın nəticələrinin aradan qaldırılması
1993-cü ildə başa çatdırılmış və təqribən 1 milyard dollar vəsait sərf edilmişdir.
3. Atom energetikası erasında 1986-cı ildə keçmiş SSRİ-də (Ukrayna SSR) Çer-
nobıl AES-in 4-cü enerji blokunda baş verən qəza ətraf mühitə dəyən zərərə, insan
itkisinə və iqtisadi təsirinə görə nüvə energetikası tarixində ən böyüyüdür. Qəzaya
qədər Çernobl AES-də РБМК 1000 tipli hər birinin elektrik gücü 1000 MVt, istilik
gücü 3200 MVt olan 4 reaktor fəaliyyət göstərirdi və əlavə olaraq 2 analoji reaktorun
tikintisi həyata keçirilirdi. Stansiya keçmiş SSRİ-də ən böyük AES idi. Qəza zamanı
4-cü enerji blokunun reaktorunda 200 tona qədər nüvə yanacağı (UO
2
) olmuşdur ki,
bu yanacaqdan 5-30%-ə qədəri ətraf mühitə yayılmışdır. Partlayış şəklində baş verən
qəzada reaktor tamamilə dağılmış ətraf mühitə böyük miqdarda radioaktiv maddələr
yayılmışdır. Qəza nəticəsində ilk 3 ay müddətində 31 nəfər həyatını itirmiş, 134
nəfər ağır şüa xəstəliyinə tutulmuş bunların böyük əksəriyyəti sonradan vəfat et-
mişdir. Stansiyanın ətrafında 30 kilometrlik ərazidən 115 min nəfər köçürülmüş, 600
min nəfər qəzanın nəticələrinin aradan qaldırılmasında iştirak etmişdir ki, bu da on-
ların sağlamlığına ciddi zərər vurmuşdur. Tamamilə dağılmış reaktordan qalxan ra-
dioaktiv bulud Avropanın böyük ərazilərinə külli miqdarda radioaktiv maddələr, o
cümlədən uran, plutonium-239, yod-131, sezium-134, sezium- 137, stronsium-90
və s. radioaktiv izotopları yaymışdır. Ən çox zərər çəkən ərazilər isə Belarusiya,
Ukrayna və Rusiyanın Çernobıl AES-ə yaxın əraziləri olmuşdur. Bu ərazilərə
yayılmış yarımparçalanma müddəti 8 gündən 24 min ilə qədər olan radioaktiv mad-
dələr adı çəkilən ölkələrdə xeyli ərazini uzun müddət insanların yaşaması üçün
tamamilə yararsız etmişdir.
4. Yaponiyanın Tokaymura nüvə müəssisəsində (JCO kompaniyası) 1999-cu ildə
baş verən qəza o vaxta qədər Yaponiya nüvə energetika sənayesində baş verən ən
ciddi insident hesab edilməkdə idi. Qəza baş verən müəssisə AES-lər üçün nüvə
yanacağı hazırlamaq məqsədi ilə zənginləşdirilmiş heksafülorid urandan (UF
6
) diok-
sid uranın (
UO
2
) emalı sahəsində fəaliyyət göstərirdi. Personalın səhvi nəticəsində
durulducu çənə nəzərdə tutulandan 7 dəfə artıq 18% zənginləşdirilmiş uranilnitrat
UO
2
(
NO
3
)
2
yüklənmiş, nəticədə çəndəki maddədə böhran kütləsi alınaraq zəncirvari
AZƏRBAYCANIN VERGİ JURNALI. 3/2012.
119
nüvə reaksiyası başlamışdır. Partlayış baş verməsə də, ətraf mühitə müəyyən qədər
radioaktiv təsirsiz qazlar və yod 131 izotopu yayılmışdır. Məhlulla işləyən iki nəfər
yüksək miqdarda şüalanmaya məruz qalmış və həyatlarını itirmişdir. Ümumilikdə
667 nəfər (xilasedicilər və yanğınsöndürənlər də daxil olmaqla) müəyyən qədər
şüalanmaya məruz qalmışdır.
5. Yaponiyada Fukusima-1 AES-də baş verən qəza nüvə energetikası tarixində
son böyük ciddi qəza hesab olunur. Qəzaya qədər ümumi gücü 4,7 HVt olan 6 reak-
torlu Fukusima-1 stansiyası dünyanın ən güclü 25 AES-lərindən biri idi və əlavə 2
reaktorun tikintisi planlaşdırılırdı. 2011-ci il 11 mart tarixində Sakit okeanda 9 ballıq
zəlzələnin təsirindən yaranan sunami Yaponiyanın şərq sahillərində böyük dağıntılar
törətməklə yanaşı, Fukusima-1 AES-in kənar enerji təminatını və ehtiyat dizel elek-
trik stansiyasını sıradan çıxarmışdır. Zəlzələ zamanı qəza-mühafizə sisteminin av-
tomatik işə düşməsi nəticəsində AES-də fəaliyyətdə olan reaktorlarda nüvə
reaksiyası dayansa da elektrik enerjisi təchizatı kəsildiyindən 1-ci, 2-ci və 3-cü reak-
torlarda qəza-soyutma sistemlərinin normal iş rejimi pozulmuşdur. Lakin nüvə reak-
siyası dayandıqdan sonra belə, reaktorda müəyyən müddət istilik ayrıldığından
istilikayırıcı elementlərin əriməsinin, aktiv zonada yüksək temperatur nəticəsində
su molekullarının parçalanması nəticəsində hidrogen qazının əmələ gəlməsinin
qarşısının alınması üçün onun soyudulması sisteminin çalışması vacibdir (hidrogen
qazı partlayış törədərək reaktoru tamamilə dağıda bilər). Nəticədə reaktorlarda qəza
baş vermiş və ətraf mühitə xeyli miqdarda radioaktiv maddələr yayılmışdır. Ümu-
miyyətlə, Fukusima-1 AES-də baş verən qəza bir neçə reaktorun eyni zamanda
qəzaya uğradığı ilk hadisədir və ətraf mühitə vurduğu zərərə görə Çernobıl AES
qəzasından sonra ən böyük qəzadır. Belə ki, qəza külli miqdarda iqtisadi zərərə səbəb
olmuş, stansiya ətrafındakı radioaktiv maddələrlə çirklənmiş 30 kilometrlik məsafədə
bütün əhali köçürülmüşdür. Eyni zamanda, qəzanın ilkin nəticələrinin aradan
qaldırılması zamanı radioaktiv maddələrlə çirklənmiş min tonlarla suyun Sakit
okeana axıdılması zərurəti yaranmışdır ki, bu da onun bioloji aləmi üçün ciddi təh-
lükə yaratmışdır.
6. AES-lərin fərqləndirici cəhətləri: ekoloji-iqtisadi aspekt
AES-lərin üzvi yanacaqla işləyən elektrik stansiyalarından əsas üstünlüyü onun
yanacaq istehsal edən müəssisədən asılı olmadan uzun müddət müstəqil işləyə bilmə-
sidir. Ümumi çəkisi 41 ton olan 54 istilikayırıcı elementdən ibarət nüvə yanacağı ilə
yüklənmiş 1000 MVt gücündə su-sulu energetik reaktoru 1-1,5 il ərzində heç bir
yanacaq yükləmədən davamlı enerji istehsal edə bilir. Üzvi yanacaqla işləyən stan-
siyalara isə daim böyük miqdarda yanacaq daşınması zərurəti var. Nüvə yanacağının
enerji ekvivalenti üzvi yanacaqlara nisbətən müqayisə edilməyəcək dərəcədə çoxdur.
Bir sıra ölkələrdə AES-lərdə enerji istehsalı üzvi yanacaqla işləyən stansiyalara nis-
E.Hacızadə, F.Hüseynov. Nüvə energetikası: ekoloji-iqtisadi dəyərləndirmələr və inkişaf perspektivləri
120