P.Rzayev, Z.Rzayev
MÜƏSSİSƏ VƏ TƏŞKİlATlArDA HEyƏTİn İDArƏ EDİlMƏSİnİn AKTUAl...
fiyyətlərin qazanılması və çevik üslubdan tətbiqi həm də rəhbərin liderlik nüfuzunu
yüksəldir. Qeyd etmək lazımdır ki, rəhbərlik üslublarının effektli şəkildə əlaqələn -
dirilməsi liderliyi əks etdirən əsas atribut sayılır.
Fikirimizcə, müəssisə və təşkilatlarda sağlam iqlimin yaranması, işçi-rəhbər, rəh-
bər-işçi münasibətlərinin düzgün təşkili, bu qurumların öz mövqeyini qoruyub-saxla-
maq bacarığı müvəffəqiyyətin artmasına böyük təsir göstərir. Bundan başqa, mühüm
prioritet məsələlərdə operativ idarəetmə qərarlarının qəbulu, bütövlükdə müəssisə
və təşkilatın intensiv inkişafı rəhbərlik üslubunun səmərəli təşkilindən asılıdır.
İdarəetmədə hakimiyyətin və təsirin zəruriliyi. Hakimiyyət və təsir sferasında
nəzəri məsələlərin təhlilinin başlıca məqsədi-idarəetmədə təsir və hakimiyyətin
psixoloji, sosial köklərinin düzgün anlaşılmasının formalaşmasından ibarətdir. Əsas
praktiki vəzifə isə hazırki dövrdə böyük əhəmiyyətə malik olan hakimiyyət və təsir
formalarının təhlili və seçilməsindən ibarətdir.
Qeyd etmək lazımdır ki, hakimiyyət və təsirin problemləri idarəetmə üzrə psixolo-
qlar və mütəxəssislər tərəfindən praktiki olaraq az öyrənilmiş və təhlil olunmuşdur.
Bu isə onunla izah edilir ki, idarəetmənin inzibati-komanda üslubu hakimiyyət və
təsirin heç bir köməkçi formalarını nəzərə almamışdır. Ona görə də araşdırmada bu
sahədə idarəetmənin qərb məktəbinin tədqiqatlarından istifadə olunmuşdur.
Rəhbərin əsas məqsədi istənilən şəraitdə ümumi məqsədlərin əldə edilməsi üçün
kollektivin bütün səylərini istiqamətləndirməkdən ibarətdir. Bu işlər hakimiyyət və
təsirin köməyi ilə həyata keçirilir. Konkret şəxsin hakimiyyət diapazonu ümu-
miləşdirilmiş şəkildə formal və qeyri-formal təşkilatın müvəffəqiyyəti üçün
hakimiyyət kollektiv üzvlərinin səylərinin koordinasiya edilməsi və istehsal intiza-
mını saxlamaq aləti kimi vacibdir. Bir qayda olaraq, aşkar və mövcud vəzifə ier-
arxiyası ilə əlaqəli olaraq rəhbər səlahiyyət və məsuliyyətin bölüşdürülməsi ilə
yaranır. Liderlikdə də şəxsi keyfiyyətlər aparıcı əhəmiyyətə malikdir.
Rəbərlik və liderlik prosesinin əsas elementləri - hakimiyyət və təsirdir. Hakimiy -
yət rəhbərin kollektivin üzərində təsirinə əsaslanır. Təsir-başqasının dünyagörüşünün
dəyişməsinə gətirib çıxaran hər hansı bir şəxsin davranışıdır. Təsir alətləri böyük
diapazonda fəaliyyət göstərir. Rəhbər üçün elə təsir alətləri lazımdır ki, o nəinki bun-
ların köməyilə kollektivdə yeni ideyalar yaradır, həmçinin təşkilatın məqsədinə çat-
masında praktiki nəticələr əldə edir. Hazırda təsdiq olunur ki, təsir dərəcəsi təsir
edənin şəxsiyyətindən, həmçinin rəhbərin vəziyyətindən və qabiliyyətindən asılıdır.
Real mütləq hakimiyyət yoxdur. Hakimiyyət rəhbərin aktiv tələbatıdır [5, 6].
6. Müəssisə və təşkilatlarda heyətin idarə edilməsində motivasiyanın rolu
Motivasiya gözlənilən nəticələrə istiqamətlənən idarəetmə deməkdir. Bu o
deməkdir ki, daha yaxşı olacağına ümid edir və insanları işə elə cəlb edir ki, onlar
3(117)/2014
114
P.Rzayev, Z.Rzayev
MÜƏSSİSƏ VƏ TƏŞKİlATlArDA HEyƏTİn İDArƏ EDİlMƏSİnİn AKTUAl...
hər şeyi düzgün etsinlər, çünki özünə və rəhbərliyinə yaxşı hisslər bəsləyən insanlar
yaxşı nəticələr əldə edir. İnsanın davranışı və istəkləri həmişə motivləşir. İnsan
həvəslə, yüksək yaradıcılıqla iş prosesinə qoşula və ya tamamilə işdən ayrıla bilər.
İdarəetmə heyətinə daxil olan hər bir şəxs digərlərindən fərqli olaraq xüsusi əmək
motivinə malikdirlər və onlar gələcəkdə şəxsi inkişafa daha çox meyilliyə üstünlük
verirlər.
İdarəetmə heyətinin motivləşməsi məqsədlərinə çatmaq üçün özünü və
başqalarını faydalı fəaliyyətə yönəltmə prosesi olub, dinamik xassəyə malikdir.
Təşkilatda idarəetmə heyətinin hər bir üzvü tərəfindən xidməti vəzifələrinə
yaradıcı-təfəkkürlü münasibət olmalıdır. Eyni zamanda idarəetmədə motivləşməyə
ənənəvi yanaşmaqla ilk növbədə işçilər arasında qarşılıqlı inama əsaslanıb idarəetmə
sahəsində onları səmərəli işləməyə sövq etmək lazımdır. Motivləşdirmə birinci
növbədə fizioloji tələbatdan irəli gəlir. Hər bir ehtiyac (psixoloji, mənəvi və fizioloji)
insanda müvafiq davranış əmələ gətirir və onu fəallaşdırır. Əslində fizioloji və
mənəvi tələbatlar ehtiyacın hiss edilməsidir.
Görkəmli amerikan psixoloqu Abraham Maslou (1908-1970) tələbatın iyerarxiya
prinsipi üzrə əlaqəli olan beş növünü (fizioloji tələbat, təhlükəsizliyə tələbat, sosial
tələbat, şöhrətə tələbat, özünüifadəyə tələbat) müəyyən etmişdir. Bu nəzəriyyəyə
əsasən, tələbatların səviyyələrə görə və mərhələlərlə ödənilməsi zəruridir və
idarəetmə prosesində bu amillər mütləq nəzərə alınmalıdır.
1960-cı illərdə Layman Porter (1913-1990) və Edvard Louler (1938) gözləmə və
ədalətlilik nəzəriyyələrinin elementlərini özündə birləşdirən kompleks prosessual
motivləşdirmə nəzəriyyəsini hazırlamışlar. İdarəetmə üzrə Qərb işlərində motivasiya
mexanizminin başa düşülməsi üçün ən yaxşı modellərdən biri Porter-Loulerin komp -
leks modelidir. Bu model mükafatlandırmanın köməyi ilə nəticələrini (işçinin
qiymətləndirilməsində) sərf edilmiş səylərlə, yəni bacarığın və xarakterin köməyi
ilə bir-birinə bağlayır. Bu da müəyyən ehtimala görə tam işçilərin tələblərinin
ödənilməsinə gətirib çıxarmalıdır.
Menecment üzrə məşhur professor Duqlas Mak Qreqor (1906-1964) motivasiya
sahəsində işçiyə münasibətin iki steriotipinin formalaşmasını əks etdirən və izah
edən iki nəzəriyyə yaratmışdır ki, bu da idarəetmənin iki əsas üslubunu-inzibati və
demokratik üslubun formalaşmasına gətirib çıxarmışdır[1,5].
İnsanların yalnız birbaşa olaraq motivləşdirilməsi və ya stimullaşdırılması müasir
zamanda mümkün deyil. Ən səmərəli yol qarşıya qoyulmuş məqsədlərin əldə
edilməsi üçün işçilərin özü-özlərinə stimul təmin edən iqlim yaratmalarıdır.
Rəhbər başa düşməlidir ki, hətta çox gözəl hazırlanmış planlar və ən kamil struk-
tur belə, icraçı olmadan təşkilatın faktiki işinin yerinə yetirilməsində heç bir
əhəmiyyət kəsb etmir. Motivləşdirmə funksiyasının qarşısında duran əsas vəzifə odur
ki, təşkilatın üzvləri-icraçılar tapşırılmış vəzifələrə uyğun və planları anlayaraq
qarşıda duran işləri yerinə yetirsinlər.
3(117)/2014
115