214
min nəfər azərbaycanlı qalmışdı. Yəni Ermənistanda daşnakların
hakimiyyəti zamanı 227 min nəfər azərbaycanlı ya erməni
terrorunun qurbanı olub, ya da Azərbaycana və qismən də
Türkiyəyə köçüb gediblər. Beləliklə, 1918-1921-ci illərdə indiki
Azərbaycan ərazisində yaşayan «müsəlman»ların sayı 330-380 min
nəfər azalaraq, 1.450-1.500 min nəfər olmuşdur. Eyni dövrdə
Azərbaycanda yaşayan ermənilərin sayı 140 min nəfər azalmışdır.
Bu azalmanın bir hissəsini təbii ölümlə ölənlər və I Dünya
Müharibəsində qırılan erməni əskərləri, bir hissəsini
«müsəlman»lara qarşı hərbi əməliyyatlar zamanı ölən ermənilər,
qalan əksəriyyətini də Ermənistana miqrasiya edənlər təşkil edirdi.
1922-ci ildən başlayaraq, Azərbaycanda əhalinin sayı həm təbii
artım, həm də yeni miqrantlar hesabına sürətlə artmağa başladı.
1926-cı ildə müsəlman əhalisinin sayı 1.708 min nəfər olmuşdu ki,
bu da Azərbaycan əhalisinin 73,8%-nə bərabər idi. Halbuki 1897-ci
ildə onlar əhalinin 76,2%-ni təşkil edirdi. Ermənilərin sayı 1922-
1926-cı illərdə artaraq 284,4 min nəfər olmuşdu. Ancaq onların
bütün əhalinin tərkibində xüsusi çəkisi 1897-ci ildəki 16,6%-dən
12,3%-ə qədər aşağı düşmüşdü. Müqayisə üçün göstərək ki, eyni
dövrdə Ermənistan əhalisinin tərkibində azərbaycanlıların xüsusi
çəkisi 30,7%-dən (1917-ci ildə – 28%) 10,2%-ə düşmüşdü. Belə ki,
Ermənistanda 880,5 min nəfər əhalidən 89,7 min nəfəri
azərbaycanlı idi. Ancaq maraqlıdır ki, onların 76,9 min nəfəri
(əhalinin 8,7%-i) «türk» kimi (yəni azərbaycanlı kimi), 6,3 min
nəfəri «qarapapax» kimi (ayrıca milliyyət kimi), 5 min nəfəri «pers»
kimi və 1,5 min nəfəri «türkosman» kimi qeydə alınmışdılar. Bu
rəqəmlər 1926-cı ildə aparılmış ümumittifaq əhali siyahısından
alınmışdır [120, s.69-70].
1918-ci ilə qədərki son yüz ildə Azərbaycan əhalisinin
sayında azalma müşahidə olunmamışdır. Ancaq sonrakı 4 il ərzində
(1918-1922-ci illər) Azərbaycan əhalisinin sayı ilk dəfə olaraq
kəskin şəkildə azalmışdır. Belə ki, 1917-ci ilin sonu ilə müqayisədə
1922-ci ildə əhalinin sayı 490,7 min nəfər və ya 20,8% az olmuşdur.
Başqa sözlə, Azərbaycanda bu kiçik 4 illik dövr ərzində əhalinin
215
beşdə biri məhv edilmişdir. Bunun başlıca səbəbi həmin illərdə
erməni millətçilərinin Azərbaycanda yerli müsəlman türk əhaliyə
qarşı apardığı soyqırım siyasəti və Azərbaycanın silah gücünə
bolşevik Rusiyasının işğalına məruz qalması, zorla sovetləşdirilməsi
olmuşdur. Bakı bölgəsində hakimiyyəti ələ keçirən bolşevik-daşnak
qaragüruhu təkcə 1918-ci il mart ayının 3 günü ərzində Bakı
şəhərində 30 min azərbaycanlını xüsusi qəddarlıqla öldürdülər.
Bütövlükdə 1918-ci ilin mart-aprel aylarında Bakıda, Şamaxıda,
Qubada, Muğanda və Lənkəranda erməni-bolşevik silahlı dəstələri
50 min nəfərdən çox azərbaycanlını öldürmüş, on minlərlə insanı
yerindən-yurdundan didərgin salmışdılar [120, s.17-18].
Azərbaycanda əhalinin bu cür kəskin azalması bir də 1940-
1950-ci illərdə müşahidə edilmişdir. Bu da İkinci Dünya müharibəsi
və ya Böyük Vətən müharibəsi ilə bağlı olmuşdur. Ancaq ən
dəhşətlisi odur ki, ümumi vətən saydığımız SSRİ-nin 15 müttəfiq
respublikasının heç birində əhalinin sayı Azərbaycanda olduğu
qədər kəskin azalmamışdır. 1940-1950-ci illərdə müharibə
meydanına çevrilmiş Rusiyada əhali azalması -7,9, Ukraynada -
11,5, Belarusiyada -14,8, Litvada -12,0, Moldovada -7,2, eləcə də
Gürcüstanda -3,3, Özbəkistanda -5,4, Türkmənistanda -8,1,
Tacikistanda -1,0 faiz təşkil etdiyi halda, Azərbaycanda əhali sayı
12,7 faiz azalmışdır. 1940-cı ilin əvvəlində 3.274 nəfərə qarşı 1950-
ci ilin əvvəlində 2.859 nəfər olmuş, yəni respublikamızda əhali sayı
415 min nəfər azalmışdır. SSRİ üzrə bu əhali azalması 8,0 faiz
olmuşdur. Ancaq Ermənistanda həmin dövrdə əhali 2 faiz artışdır
[120, s.25]. Göründüyü kimi, Moskvada müəyyən dairələrin
düşünülmüş ssenarisi əsasında digər respublikalarla müqayisədə
Azərbaycandan həm müharibəyə səfərbər olunanların, həm də
cəbhədə itkilərə məruz qalanların sayı digər respublikalarla
müqayisədə xeyli çox olmuşdur. Bura onu da əalvə edək ki, qonşu
Ermənistan və Gürcüstandan da döyüşən orduya səfərbər edilənlərin
milli-etnik mənsubiyyətində də azərbaycanlılar çoxluq təşkil edirdi.
1950-ci illərdə rəsmi Moskva və Yerevanın Qərbi
Azərbaycandan, o cümlədən Zəngəzurdan azərbaycanlıların zorla
216
köçürülməsi, deportasiyası barədə ən yüksək səviyyələrdə qəbul və
icra edilən qərarlar da Ermənistanın “türksüzləşdirilməsi”,
azərbaycanlı, müsəlman türk əhalidən təmizlənməsi, sayının
azaldılması (həm də qeyri-münasib, əlverişsiz iqlim zonasında
köçürülənlərin böyük bir qisminin labüd ölümə məhkum olunmasını
əvvəlcədən hesablamaqla) siyasətinin reallaşmasına yönəlmişdi.
SSRİ Hökuməti səviyyəsində rəsmən icra edilən deportasiyada
söhbət 300 minlik azərbaycanlı əhalidən gedirdi [259].
Belə köçlərin başqa tərəfi də vardır. SSRİ Hökumətinin
təlimatı ilə Azərbaycandan azərbaycanlı əhalinin azaldılması
prosesi də rəsmi dövlət səviyyəsində müxtəlif formalarda həyata
keçirilmişdir. Təkcə 1979 və 1989-cu illər arası 10 illik dövrdə
SSRİ-nin yaşayış üçün ən pis şəraitə malik ucqar şimal bölgələrinə
miqrasiya edən və daimi əhali kimi qeydə alınan azərbaycanlıların
sayı 200 min nəfərdən çox idi. Rusiyada yaşayan soydaşlarımızın
sayı miqrasiya hesabına 3 dəfə artaraq, 1979-cu ildəki 87,9 min
nəfərdən 1989-cu ildə 260,4 min nəfərə qədər çoxalmışdır. Bu
dövrdə azərbaycanlıların ən çox miqrasiya etdiyi bölgə Tümen
vilayəti olmuşdur. Belə ki, əgər 1979-cu ildə bu vilayətdə 2,6 min
nəfər azərbaycanlı yaşayırdısa, 1989-cu ilə qədər onların sayı 7,5
dəfə artaraq 19,5 min nəfər olmuşdu[120, s.105]. Rusiya dövlət
orqanlarının açıqladığı rəsmi məlumata görə bu ölkədə yaşayan
azərbaycanlıların sayı 600 min nəfərdən çox, qeyri-rəsmi
məlumatlara görə isə 2 milyon civarındadır [260].
Ermənistanın 1988-1992-ci illərdə planlı şəkildə həyata
keçirdiyi son etnik təmizləmə siyasəti nəticəsində tarixən həmin
ərazidə yaşamış 250 min nəfər azərbaycanlı son nəfərədək öz
doğma yurdlarından zorla qovulmuş və Azərbaycana pənah
gətirmişdir. Həm də ən önəmlisi o idi ki, azərbaycanlılar
Ermənistanın kənd əhalisinin 1/6-ni təşkil edirdi. Bu isə o deməkdir
ki, Ermənistan ərazisinin təxminən 1/6-i azərbaycanlıların
məskunlaşdığı etnik ərazidən ibarət idi [120, s.109].
Zəngəzur faciələri ümumazərbaycan faciələrindən və
tarixindən ayrılmazdır. Ona görə son olaraq 1990-cı illərdə
Dostları ilə paylaş: |