Genetikadan masalalar to‘plami va ularni echish usullari

103-masala. Gulsimon tojli tovuqlar yong‘oqsimon tojli xo‘roz bilan chatishtirildi. Birinchi avlodda 3/8 qism yong‘oqsimon tojli, 3/8 qism gulsimon tojli, 1/8 qism no‘xatsimon tojli, 1/8 qism oddiy tojli parrandalar olindi. Ota-ona va avlodlarning genotipini aniqlang.


104-masala. Gulsimon va no‘xatsimon tojli parrandalar o‘zaro chatishtirilib, keyingi avlodda 6 ta yong‘oqsimon tojli va 5 ta gulsimon tojli jo‘jalar olindi. Ota-ona genotiplarini aniqlang.


105-masala*. YOng‘oqsimon tojli tovuqlar gulsimon tojli xo‘rozlar bilan chatishtirilib, keyingi avlodda 4 ta bargsimon tojli, 5 ta no‘xatsimon tojli, 13 ta gulsimon tojli va 12 ta yong‘oqsimon tojli individlar olindi. Boshlang‘ich ota-ona parrandalar va avlodlarning genotipini aniqlang. Olingan natijalarni χ² metodi yordamida tekshiring.
Masalaning echilishi:
Keyingi avlodda har ikki gen bo‘yicha retsessiv gomozigotali (aabb) parrandaning bo‘lishi boshlang‘ich tovuq va xo‘rozlarning genotiplarida bu genlarning retsessiv allellari ishtirok etishidan darak beradi.
yong‘oqsimon toj gulsimon toj
P ♀ AaBb X ♂ Aabb
g AB, Ab, aB,ab Ab, ab
F₁ AABb - yong‘oqsimon toj
Aabb - gulsimon toj
AaBb - yong‘oqsimon toj
Aabb - gulsimon toj
AaBb - yong‘oqsimon toj
Aabb - gulsimon toj
aaBb - no‘xatsimon toj
aabb - bargsimon toj
yong‘oqsimon tojli parrandalar - 3/8 qism
gulsimon tojli parrandalar - 3/8 qism
no‘xatsimon tojli parrandalar - 1/8 qism
bargsimon tojli parrandalar - 1/8 qism
Olingan natijalarni χ² (xi-kvadrat) metodi yordami bilan tekshiramiz:

Material	n	YOng‘oqsimon Toj	Gulsimon Toj	No‘xatsimon toj	Bargsimon toj
Olingan faktik Son	34	12	13	5	4
Nazariy kutilgan son (3:3:1:1) nisbatda	34	12,75	12,75	4,25	4,25
Farq (d)	0	- 0,75	+ 0,25	+ 0,75	- 0,25
d^2		0,5625	0,0625	0,5625	0,0625
d^2 / q		0,044	0,004	0,132	0,014
Σ χ^2=d^2/q		0,194

P = 0,99 - 0,95
P ning qiymati 3:3:1:1 nisbatda olingan faktik sonlarning nazariy kutilgan sonlarga mos kelishini ko‘rsatadi.