196
konsepsiyasının mahiyyəti bundan ibarətdir ki, demokratiya özü-
nü qoruyub saxlamaq və müəyyən sabitliyə nail olmaq üçün
təşkilat yaratmağa məcburdur. Bu isə elitanın – kütlənin öz ta-
leyini etibar etməli olduğu fəal azlığın ayrılması ilə bağlıdır:
“Elitanın formalaşmasında insanların təşkilatçılığı və cəmiyyətin
siyasi təşkili xüsusi əhəmiyyət kəsb edir... Demokratiyanın və sa-
bitliyin təmin və mühafizə olunması üçün xüsusi təsisat yaradılma-
sı zəruridir. Bu təsisatın yaradılması isə elitanın bərqərar olunması
deməkdir. Kütlə böyük təsisatlar və təşkilatlar üzərində nəzarət
funksiyasını həyata keçirmək imkanlarına malik olmadığından onu
elitaya etibar və həvalə edir. Bu proses və mübadilə olduqca “incə”
şəkildə həyata keçirilməlidir. Əks təqdirdə natamam demokratiya-
dan oliqarxiyaya transformasiya baş tutar ki, bu da sosiumun yet-
kinləşməsi və inkişafına olduqca ciddi surətdə mənfi təsir edər.
Məhz belə bir situasiyanın fonunda tədricən ixtisaslaşan elita sadə
üzvlərin – fərdlərin nəzarətindən çıxır və elita sosiumu əhatə və
əlaqədar edən siyasəti kiçik bir qrupun mənafeyinə müvafiq
surətdə həyata keçirməyə başlayır. Nəticə etibarilə, nə qədər
demokratik görünsə də, elita təsisatının funksionallığı və fəaliyyət
mexanizmində oliqarxiya meyilləri üstünlük təşkil edir”.
Digər bir nəzəriyyəçi Jose Orteqa Qasset isə özünün “Dəyərlər
nəzəriyyəsi”ndə qeyd edir ki, tarixi inkişafın fonunda təkamül nəti-
cəsində köhnə dəyərlər tədricən zəifləyir və sıradan çıxır, bunun
müqabilində yeniləri meydana gəlir və yeni dəyərlərin daşıyıcısı
qismində yeni elita təbəqəsi formalaşır: “Elitanın formalaşması
hakimiyyət uğrunda mübarizənin deyil, cəmiyyətin ən nəcib
nümayəndələrinin təbii surətdə seçilməsinin nəticəsidir. Elita-
nın rəhbər rolu və funksiyası onun hakim mövqeləri əlində
cəmləşdirməsi ilə yox, idarəetmə sahəsindəki bacarığı və səriş-
təsi ilə şərtlənir. Elita-kütlə münasibətləri mütləq mənada ağa-
lıq-tabelik xarakteri daşımır, kütlə könüllü surətdə elitanın üs-
tünlüyünü qəbul edir. Çünki elita subyektləri yüksək intellek-
tual potensiala, ali mənəvi keyfiyyətlərə və idarəetmə səriştəsi-
197
nə malik olduğundan kütlə ona inam və etimad göstərir”.
Elitar plüralizm konsepsiyasında isə əks olunur ki, cəmiyyətin
elita və kütləyə bölünməsi şərti səciyyə daşıyır. Elita yeganə imti-
yazlı, üstün və daxilən monolit qrup deyil. Hər bir cəmiyyətdə bir
çox elita qrupları mövcuddur və onların hər biri özünəməxsus-spe-
sifik funksionallığa malikdir. Elita müxtəlif sahələrdə idarəetmə
funksiyasını icra etdiyindən ona hər bir qabiliyyətli subyektin da-
xilolma imkanı olmalıdır.
Azərbaycan Respublikası Prezidenti Administrasiyasının rəh-
bəri, akademik Ramiz Mehdiyev «Zaman haqqında düşünərkən və
elitanı transformasiya edərkən: varislik və innovasiyalılıq» məqa-
ləsində yazır ki, elita cəmiyyətin o hissəsidir ki, dövlətin inkişaf
yolları və mexanizmlərinin aşkar edilməsində ona həlledici yer ay-
rılır. Akademik vurğulayır ki, elita o şəxslər qrupudur ki, taleyin
qismətindən onlara millətin aqibətinin müəyyən edilməsində tarixi
rol ayrılıb.
7.3. Milli elitanın Azərbaycan nümunəsi:
formalaşma və təşəkkül mərhələləri,
transformasiya forması və modern səciyyəsi
Müstəqillik əldə etdikdən sonra Azərbaycanın qarşısında duran
başlıca vəzifə və problemlərdən biri də yeni münasibətlər sisteminə
müvafiq surətdə milli elitanın formalaşdırılması və bu istiqamətdə
milli münasibətlər zəminində təkamül xarakterli yeni keyfiyyət
dəyişikliklərinə nail olmaq idi. Milli elitanın formalaşdırılması
üçünsə bir sıra strateji səciyyəli zəruri tədbirlər görmək lazım idi ki,
bütün bunların fonunda gərəkli şərait və resurslar təmin edilsin:
– ilk növbəd,ə müstəqillik əldə etmiş dövlətə milli münasibətlər
sistemini rasional surətdə tənzimləyəcək, ictimai-siyasi ahəngdar-
lıq və tərəqqini təmin edəcək və ümummilli inkişaf strategiyasını
müəyyən və tətbiq edə biləcək güclü siyasi hakimiyyət lazım idi.
Hakimiyyətin effektivliyi milli tərəqqiyə mane olan mövcud prob-
198
lemlərin həll edilməsi və milli inkişaf strategiyasının müəyyən və
icra olunmasını mümkün edəcəkdi. Amma qeyd etdiyimiz kimi,
müstəqilliyin ilk iki ilində ölkəyə səriştəsiz və irrasional şəxslərin
rəhbərlik etməsi nəinki milli inkişaf strategiyasının müəyyən və
icra edilməsini mümkün etmədi, eləcə də həmin subyektlərin dis-
funksionallığı yeni müstəqillik əldə etmiş ölkə üçün çox ciddi təh-
did və risklər yaratmış oldu. Məhz bu cür kəskin situasiyanın fo-
nunda milli elitanın formalaşdırılması mümkün olmadı və institu-
sional aktorların bərqərar oluna bilməməsi ölkə miqyasında kata-
klizmlərin dərinləşməsini şərtləndirdi. Yalnız 1993-cü ildən –
Azərbaycan xalqının Ümummilli lideri Heydər Əliyevin ikinci dəfə
hakimiyyətə gəlməsindən sonra bəhs edilən vəzifələrin yerinə yeti-
rilməsi üçün əlverişli şərait yaradıldı və bu istiqamətdə milli re-
surslardan səmərəli surətdə istifadə edildi. Nəticə etibarilə, bütün
bunlar milli elitanın da formalaşmasını təmin etdi və elita trans-
formasiyasının əsası mövcud dəyərlərə, qanunauyğunluqlara və
tələblərə müvafiq surətdə qoyuldu. Qısacası, milli elitanın forma-
laşdırılması və mütəmadi yenilənməsi üçün zəruri şərtlərdən biri
olan hakimiyyətin effektivliyi prinsipi məhz 1993-cü ildən sonra –
Ulu öndər Heydər Əliyevin əsasını qoyduğu milli inkişaf
strategiyası sayəsində mümkün oldu;
– ikincisi, milli elitanın formalaşdırılması, transformasiyası və
yenilənməsi üçün xüsusi əhəmiyyət kəsb edən faktorlardan biri də
milli dəyərlərin və maraqların nəzərə alınması ilə həyata keçirilə-
cək hüquqi və ictimai-siyasi təsisatlanmadır. Hüquqi təsisatlanma
dedikdə subyektlərin fəaliyyət mexanizmini tənzimləyəcək qanunlar
və qaydalar sisteminin məcmusundan ibarət bazanın formalaşdı-
rılması (buraya konstitusiyanın və ona müvafiq surətdə sahəvi və
funksional səciyyəli normativ hüquqi aktların qəbul olunması və