www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
Şövkət xanım 1922-ci ildə Bakıda doğulmuş, uşaq
yaşlarından musiqiyə həvəs göstərmiş, məktəblərində
keçirilən tədbirlərdə öz səsi ilə çoxlarının diqqətini cəlb
etmişdi. Sənət aləminə gəlməsinin isə maraqlı tarixçəsi
var. Belə ki günlərin birində tale bu balaca, qıvrımsaç qızı
böyük bəstəkar, xeyirxah insan Üzeyir Hacıbəyli ilə
rastlaşdırır. «Zər qədrini zərgər bilər» məsəli burada
tamamilə yerinə düşür. Üzeyir bəy 15 yaşlı yeniyetmə qızı
Azərbaycan Dövlət Xorunun kollektivinə dəvət edir. Bu
xoru dahi bəstəkar özü yaratmışdı. Beləliklə, gənc Şövkəti
böyük səhnəyə gətirən bəstəkar ona ata kimi xeyir-dua
verir. Sonralar Şövkət Ələkbərova sənətdə ilk addımlarını
belə xatırlayır: «Dördsəsli xorda oxumağım mənə çox şey
verdi. Bu gün müxtəlif üslublu, müxtəlif dəst-xətli
ansamblların, orkestrin muşayiəti ilə oxuya bildiyim üçün,
ilk növbədə, Üzeyir bəyə, onun yaratdığı xora
borcluyam».
Peşəkar vokal dərslərini Şövkət xanım tanınmış opera
muğənnisi Hüseynqulu Sarabskidən almışdı. Müğənni
«Qatar», «Şahnaz», «Segah» kimi muğamlarımızı
özünəməxsus ustalıqla ifa edirdi. «Qarabağ şikəstəsi»,
«Kəsmə şikəstə» və digər zərb muğamlar bu istedadlı
muğənninin ifasında yeni həyat yaşayan bənzərsiz sənət
inciləridir. Çox mürəkkəb olan «a kapella» müşayiətsiz
ifaçılıq üsulu müğənnidən xüsusi bacarıq və səriştə tələb
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
edir. Şövkət xanım genişimkanlı mürəkkəb parçaların
ifasını sənət möcüzəsinə çevirirdi.
Ş.Ələkbərova zəngin xalq musiqimizə, ənənələrə
sadiq qalan, eyni zamanda bu nəsillər arasında körpü
yaradan istedadlı bir müğənni, böyük sənətkar idi. O,
bütün janrlarda misilsiz uğurlar qazanmaqla yanaşı, həm
də səhnəmizə, efirimizə özünəməxsus ifa tərzi və yüksək
səhnə davranışı və səhnə efir mədəniyyəti gətirmişdi. Kaş
bugünkü müğənnilər səhnəyə və efirə çıxarkən Şövkət
xanımı xatırlayardılar.
Böyük bəstəkarımız Cahangir Cahangirov söyləyərdi:
«İndi şöhrət sahibi olan çox bəstəkarlar Şövkət xanıma
borcludurlar. O, böyük müğənnidir, belələri tarixdə az-az
yetişir. Bəstəkarların əksəriyyəti çalışırdı ki, yeni
mahnılarını Şövkət xanım oxusun. Çünki bu ilk ifa
mahnının şöhrət və ömür qazanmasına səbəb olurdu.
Musiqi sənətimizin inciləri sayılan elə mahnılar və
kantatalar vardır ki, Şövkət xanımdan sonra o əsərlərin
ifası demək olar ki, baş tutmamışdır. Belə əsərlərdən biri
də möhtəşəm sənət nümunəsi olan «Füzuli» kantata»sıdır.
Bu sıraya mən şair Cabir Novruzun sözlərinə bəstəkar
Oqtay Kazıminin bəstələdiyi «Məhəbbət» mahnısını da
aid edə bilərəm.
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
O bu boyda bir cahanı yaradıb,
Yeri, göyü, asimanı yaradıb,
Ġnsan onu, o insanı yaradıb,
Bu dünyanın əlifbası məhəbbət,
Həm ilk nəğmə, həm ilk yazı məhəbbət.
Bu misralarla başlayan «Məhəbbət» mahnısını
(mahnının özü böyük bir əsərdir) Şövkət xanımın ifasında
dinləyərkən dünyanı çiynində gəzdirən, yeri, göyü,
asimanı yaradan məhəbbətin varlığına inanırsan,
nikbinliyinə, xoş ovqata köklənir, sevmək, yaşamaq,
yaratmaq istəyirsən. Budur Şövkət səsinin qüdrəti, Şövkət
səsinin möcüzəsi!
Təbiidir ki, belə mahnılar heç vaxt köhnəlmir,
unudulmur, həmişə təzə-tər, təravətli qalır.
Uzun illər keçməsinə baxmayaraq heç bir müğənni
belə şedevr mahınları Şövkət xanım kimi tamaşaçıya
çatdıra bilmir. Onu mahnının ikinci bəstəkarı da hesab
edənlər haqlı idilər.
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
Doğrudan da o, mahnılara ikinci həyat verir və
mahnını uzunömürlü edirdi.
Müharibə və cəbhə konsertləri, qara kağızlar, alqışlar,
göz yaşları, təltiflər, ayrılıqlar… Şövkət xanım rəngarəng
sənətkar ömrü, çəkilməz bir qadın taleyi yaşadı. Lakin nə
şan-şöhrət, nə var-dövlət, nə də müsibətlər onun xanım-
xatınlığına, insanlığına, ustadlığına xələl gətirə bilmədi.
Yel qayadan heç nə qopara bilmədiyi kimi. Həmişə
sayılıb-seçilirdi, möhtəşəm tədbirlərə dəvət aldı. Həmişə
də gözəlliyin və sadəliyin özü olaraq qaldı Şövkət xanım.
Azadlıq və müstəqillik uğrunda ayağa qalxan
Azərbaycan xalqını 1990-cı ilin 20 Yanvarında işğalçı rus
ordusu qanına qəltan elədi. Həmin vaxtlar Almaniyada
müalicə olunan Şövkət xanım ağır xəstəlik yatağından
qalxıb xalqına yardım etmək üçün 2 dəfə xeyriyyə
konserti vermiş, nə həkimlər, nə də dostlar onu, bu
vətənpərvər el qızını istəyindən döndərə bilməmişlər.
Şövkət xanım incə ruhlu, ipək qəlbli bir xanım idi.
Büllur kimi saf və bənzərsiz səsi onu xalqımızın sevimlisi
etmiş, ona ümumxalq məhəbbəti qazandırmışdı. Özündən
sonra neçə gənc müğənniyə arxa-dayaq durdu, onları
böyük səhnəyə hazırladı. Xalq artisti Aygün Bayramova,
əməkdar artistlər Aybəniz Haşımova, Firuzə İbadova və
Dostları ilə paylaş: |