Işığın interferensiyası

İşin gedişi və ölçmələr

Bu işdə tətbiq olunan qurğunun sxemi şəkil 5–də təsvir olunmuşdur. Burada, - işıq mənbəyi közərmə lampasıdır. işıq süzgəci (filtri) mono­xromatik işıq verir. linzası bu işığı maili yarımşəffaf M lövhəsinə yönəldir. M lövhəsinə düşən mono­xro­matik işıq şüaları ondan əks olunaraq qabarıq linza və müstəvi lövhədən ibarət sistemin üzərinə düşür. İnterferensiya mənzərəsi yuxarıdan, mikros­kopun D okulyarı vasitəsilə müşahidə edilir. Müşa­hidəçi gözünü okulyarın üzərində yerləşdirməklə Nyuton halqalarını böyüdülmüş şəkildə görə bilir. Okulyarın mikrometrik vinti vasitəsilə bu halqaların radiu­sunu təyin etmək mümkündür.

1. Qurğunu işıqlandırmalı və M lövhəsinin meylini dəyişdirməklə D okulyarında Nyuton halqalarının aydın görüntüsünü təmin etməli.

2. Mikrometrik vintin ucuna bərkidilmiş göstəricini hərəkət etdirməklə bir neçə ardıcıl Nyuton halqalarının radiusunu ölçməli və cədvələ qeyd etməli.

3. Ölçmənin nəticələrini (22) düsturunda yerinə yazmaqla monoxromatik işığın dalğa uzunluğunu hesablamalı.

4. Ölçmələri müxtəlif halqalar üçün bir neçə dəfə təkrarlamaqla -nın orta qiymətini və xətaları hesablamalı.

İşıq filtrini dəyişməklə bu ölçmələri başqa monoxromatik işıq üçün də aparmaq olar.