Juft korreliyatson-regession tahlil va uni amalga oshirish tartibi Reja

Paxta hosildorligi bilan o’g’it berish orasidagi bog‘lanishni aniqlash

1 ga beril-gan o’g’it (t), x	Hosil-dorlik s/ga, y	yx	x^2	x^2y	x^3	x^4
1 2 3 4 5 6 7 8 9	18,2 20,1 23,4 24,6 25,6 25,9 23,6 22,7 19,2	18,2 40,2 70,2 98,4 128,0 155,4 165,2 181,6 172,8	1 4 9 16 25 36 49 64 81	18,2 80,4 210,6 393,6 640,0 932,4 1156,4 1452,8 1555,2	1 8 27 64 125 216 343 512 729	1 16 81 265 625 1296 2401 4096 6561	17,7 20,9 23,3 24,8 25,5 25,3 24,2 22,2 19,4
45	203,3	1030,0	285	6439,6	2025	15342	203,3

(9.16) tenglamalar tizimiga tegishli ma’lumotlarni qo‘yib, uni yechamiz

So‘ngra

v₂ = - 0,4326.
(1) tenglamaga v₂ qiymatini qo‘ysak:
380v₁ + 3799 (-0,43273) = 95
v₁ = 4,55.
Birinchi tenglamaga v₁ va v₂ qiymatlarini qo‘yib,
9a + 45(4,5763) + 285(-0,43273) = 203
Bundan a = 13,533
.
Demak, go‘ng berilmaganda hosildorlik 13,5 s/ga bo‘lishi mumkin edi. Har bir 1 t go‘ng hosildorlikni 4,6 s/ga oshirgan va shu bilan birga qo‘shimcha berilgan organik o‘g‘it hisobiga hosildorlik 0,4 s/ga pasaya borgan.
Paraboloid korrelyatsion bog‘lanish zichligi nazariy korrelyatsion munosabat, korrelyatsiya va determinatsiya indekslari yordamida baholanadi.
III. Regressiya tenglamasini darajali funksiya ko‘rinishda aniqlash uchun avval uni logarifmlab so‘ngra almashtirishlar yordamida chiziqli tenglama hosil qilinadi: . Yuqoridagi formulalarga asosan a₁ va b larni aniqlab hamda kiritilgan almashtirishlardan foydalanib quyidagini yozish mumkin:


U holda

9.7. Bir omilli regressiya tenglamasini baholash va tahlil qilish.

Juft korrelyatsiya koeffitsiyenti

Korrelyatsion bog‘lanish kuchini baholashda korrelyatsiya indeksidan foydalaniladi:

9.19
Bu korrelyatsiya indeksining kvadrati determinatsiya indeksi deb ataladi.
9.3-jadvaldagi misolimizda:


Xususan, bog‘lanishning shakli to‘g‘ri chiziqli bo‘lganda determinatsiya va korrelyatsiya indekslari mos ravishda chiziqli determinatsiya va korrelyatsiya koeffitsiyentlari (r² va r) deb yuritiladi.
Gruppalangan to‘plam uchun korrelyatsiya koeffitsiyenti bunday hisoblanadi:
. 9.20

Yuqoridagi misolda (9.3-jadval)

Demak, korrelyatsiya indeks bilan korrelyatsiya koeffitsiyenti orasidagi farq juda kichik. Odatda bo‘lsa, to‘g‘ri chiziqli regressiya tenglamasi orqali bog‘lanishni ifodalash o‘rinli hisoblanadi. misolimizda

Korrelyatsiya koeffitsiyentining kattaligi esa regressiya tenglamasining funksional bog‘lanishga yaqinligini ko‘rsatadi. Bu yerda kuzatilgan taqsimot belgilari orasida to‘la adekvat bog‘lanish mavjud deb hisoblanayotir. Ammo hayotda bunday to‘liq moslik bo‘lmaydi. Shu sababli korrelyatsiya indeksi bilan korrelyatsiya koeffitsiyenti orasidagi farq haqiqiy bog‘lanish shakli qanchalik to‘g‘ri chiziqli bog‘lanishga mos kelishini baholaydi.
Aniqlangan regressiya va korrelyatsiya ko‘rsatkichlari har doim mohiyatli bo‘lavermaydi. Shuning uchun ularning mohiyatli ekanligini tekshirib ko‘rish zarur. Regressiya va korrelyatsiya ko‘rsatkichlarining mohiyatligi Styudent (t), Fisher (F) va boshqa mezonlar yordamida baholanadi.
Elastiklik koeffitsiyenti omil belgining 1% ga o‘zgarganda natija qancha foizga o‘zgarishini aniqlaydi
Regressiyaning chiziqli tenglamasi parametrlarining mohiyatli ekanligini tekshirishda t - mezondan foydalaniladi. Buning uchun har bir parametrga mos kelgan t ning haqiqiy qiymatlari quyidagi formulalar bilan hisoblanadi:


(9.21)

So‘ngra t mezonning hisoblangan haqiqiy qiymatlari t_haq uning erkin darajalar soni n - 2 va qabul qilingan mohiyatli darajasi a ga mos kelgan nazariy qiymati bilan taqqoslab ko‘riladi. Mezonning nazariy qiymati (t_jadv) Styudent taqsimoti jadvalidan aniqlanadi. Agar biror parametr uchun t_haq ³ t_jadv bo‘lsa, u holda shu parametr qabul qilingan daraja bilan mohiyatli hisoblanadi. Parametr xatosining o‘rtachasi quyidagicha hisoblanadi:

(9.22)
Korrelyatsiya indeksining mohiyatli ekanligi Fisher kriteriyasi bilan tekshiriladi. Kriteriyaning F_haq haqiqiy qiymati:


(9.23)
Bu yerda: n - to‘plam soni; m - tenglama parametrlari soni.
9.3-jadvaldagi misolda bilan qiymatini aniqlanib, u bilan haqiqiy qiymati solishtiriladi:

Korrelyatsiya koeffitsiyentining mohiyatlilik darajasini Styudent t - mezoni bilan ham tekshirish mumkin. Agar ushbu tengsizlik
(9.24)
o‘rinli bo‘lsa, korrelyatsiya koeffitsiyenti mohiyatli bo‘ladi. 9.3-misolda (0,01 muhimlik darajasi bilan).
To‘plamning miqdori juda kichik bo‘lganda korrelyatsiya indeksining aniqligini oshirish uchun qoldiq dispersiyaga quyidagicha tuzatish kiritiladi:


(9.25)

bu holda omilli dispersiya

Regressiya tenglamasini tahlil qilishda natijaviy belgining omil belgiga nisbatan elastiklik koeffitsiyentidan ham foydalaniladi. Elastiklik koeffitsiyenti (E) omil belgining 1% o‘zgarishi bilan natijaviy belgining o‘rtacha necha foiz o‘zgarishini ifodalaydi:

(9.26)
Bu yerda - regressiya tenglamasining x bo‘yicha xususiy hosilasi.
Formuladan kelib chiqadiki, umuman elastiklik koeffitsiyenti o‘zgaruvchi miqdor bo‘lib, uning qiymati omil belgining ( ) qiymatiga qarab o‘zgaradi.
Chiziqli regressiya tenglamasi uchun elastiklik koeffitsiyenti
(9.27)
Faqat bog‘lanishning daraja funksiyasi uchun elastiklik koeffitsiyenti o‘zgarmas miqdor bo‘ladi, ya’ni Eqa₁.

Ko‘p o‘lchovli korrelyatsiya. Muhim va mohiyatli omillarni tanlash

Korrelyatsion bog‘lanishning xususiyati regressiya tenglamasida bir necha muhim va mohiyatli omillar ishtirok etishini taqozo qiladi. Shuning uchun regressiya tenglamasiga kiritiladigan mohiyatli omillarni tanlash katta ahamiyatga egadir.

Ko‘p omilli regressiya tenglamasida o‘zaro kuchli chiziqli korrelyatsion bog‘langan omillar bir vaqtda ishtirok etmasligi kerak. Chunki ular regressiya tenglamasida bir-birini ma’lum darajada takrorlab, natijada regressiya va korrelyatsiya ko‘rsatkichlarining buzilishiga sababchi bo‘ladi. Demak, tanlangan omillar ichida o‘zaro kuchli chiziqli korrelyatsion bog‘lanishda bo‘lgan omillardan ba’zilarini regressiya tenglamasiga kiritmaydi. Buning uchun chiziqli juft korrelyatsiya koeffitsiyentlarining matritsasi tuziladi.

Ko‘p omilli chiziqli regressiya tenglamasini aniqlash

Ko‘p omilli regressiyaning chiziqli tenglamasi umumiy ko‘rinishda quyidagicha yoziladi:

. (9.28)
Bu yerda:
- natijaviy belgining o‘zgaruvchan o‘rtacha miqdori bo‘lib, uning indekslari regressiya tenglamasiga kiritilgan omillarning tartib sonlarini ko‘rsatadi;
a₀ - ozod had;
a_j – xususiy regressiya koeffitsiyentlari.
Ko‘p omilli regressiya tenglamasining parametrlarini hisoblash «eng kichik kvadratlar» usuliga asoslanib hosil qilinadigan ushbu normal tenglamalar tizimini yechishga tayanadi:
(9.29)
Normal tenglamalar tizimi chiziqli algebraning biror usulini qo‘llab yechiladi va noma’lum hadlar topiladi. yechishni ShEHMda bajarish uchun maxsus «Microstat», «Statgraphics», «Statistica» kabi amaliy dasturlar paketi yaratilgan.
Xususiy regressiya koeffitsiyenti muayyan omilning natijaviy belgi variatsiyasiga ta’sirini omillar o‘zaro bog‘lanishidan «tozalangan» holda o‘lchaydi, ammo tenglamaga kiritilmagan omillar bundan mustasnodir. Ta’kidlab o‘tish kerakki, xususiy regressiya koeffitsiyenti , juft regressiya koeffitsiyentidan farqli o‘laroq, muayyan omilning natijaga ta’sirini uning variatsiyasi bilan boshqa tenglamada qatnashayotgan omillar variatsiyasi orasidagi bog‘lanishni hisobga olmagan holda, undan «tozalangan» tarzda o‘lchaydi.
Xususiy regressiya koeffitsiyentlari a_j nomli miqdorlardir, ular turli o‘lchov birliklarda ifodalanadi va sifat (ma’no) jihatidan har xil omillar ta’sirini o‘lchaydi. Demak, ular bir biri bilan taqqoslama emas.
Shuning uchun standartlashtirilgan xususiy regressiya koeffitsiyentlari yoki b - koeffitsiyentlar hisoblanadi:
(9.30)
b standartlashgan regressiya ko‘rsatkichlari taqqoslama nisbiy me’yorlar, ularda o‘lchov birliklari va belgilar mohiyati mavhumlashgandir.
x_j omilga tegishli b_j – koeffitsiyent muayyan omil variatsiyasining natijaviy belgi Y variatsiyasiga ta’sirini regressiya tenglamada ko‘zlangan boshqa omillar variatsiyasidan chetlangan (tozalangan) holda o‘lchovchi nisbiy me’yor hisoblanadi. natijada ko‘p o‘lchovli regressiya tenlamasi quyidagi shaklni oladi:
. (9.31)

Agar natijaviy belgi va omillar qiymatlarini standartlashgan masshtabda olsak:

(9.32)
O‘z-o‘zidan ravshanki, mazkur tenglamaning b_j - koeffitsiyentlarini aniqlash uchun quyidagi normal tenglamalar tizimini yechish kerak:

Ko‘p o‘lchovli b - regressiya tenglamasi koeffitsiyentlarini natural qiymatlarga (a_j) keltirish uchun (9.32) formuladagi standartlashtirilgan regressiya koeffitsiyentlaridan ularning natural qiymatlari (a_j) ni quyidagiifodalarga asoslanib hisoblash kerak.

Xususiy regressiya koeffitsiyentlari bilan elastiklik koeffitsiyentlari o‘rtasida quyidagi o‘zaro nisbat mavjud.

Ma’lumki, elastiklik koeffitsenti
(9.33)
ifodaga teng. Agar (9.30) dan a_j aniqlab, (9.33)ga qo‘ysak (9.34). Bu yerda -natijaviy belgi variatsiya koeffitsiyenti, - omil variatsiya koeffitsiyenti yoki .
Ko‘p omilli regressiyaning chiziqsiz tenglamalarini aniqlash
Bu tenglamalar turli chiziqsiz ko‘p o‘lchovli funksiyalar shaklida tuziladi, parametrlari esa kichik kvadratlar usuli yordamida aniqlanadi. Ular maxsus korrelyatsiya-regressiya tahliliga bag‘ishlangan adabiyotlarda yoritilgan.
Ko‘p o‘lchovli va xususiy korrelyatsiya koeffitsiyentlari
Ko‘p omilli regressiya tenglamasini baholash natijaviy belgi (y) bilan omillar (x₁, x₂, ....., x_k) o‘rtasidagi korrelyatsion bog‘lanishning kuchini o‘lchash va tenglamaga kiritilgan barcha omillarning mohiyatli yoki mohiyatsizligini aniqlashdan iborat. Korrelyatsion bog‘lanishning kuchini o‘lchashda natijaviy belgining umumiy omillar va qoldiq dispersiyalaridan foydalaniladi.
Dispersiya s ishoralaridagi nol «0» indeksi natijaviy belgini anglatadi (ya’ni y).
1,2,...,k = j - har bir o‘rganilayotgan (tenglamaga kiritilgan) omilning tartib soni. Demak, omillar dispersiyasi. Qoldiq dispersiya nishonidagi qavs «uning ichida sanab o‘tilgan omillardan tashqari» degan ma’noni bildiradi va qoldiq dispersiyani omillar dispersiyasidan farq qilish uchun ishlatiladi.
Regressiya tenglamasi korrelyatsion bog‘lanishni yaxshi ifoda etsa, natijaviy belgining haqiqiy va nazariy qiymatlari ( ) o‘rtasidagi tafovutlar kam, ya’ni qoldiq dispersiya kichik bo‘lib, omillar dispersiyasi umumiy dispersiyaga yaqinlashadi. Shuning uchun bu dispersiyaning umumiy dispersiyadagi salmog‘i
(9.35)
korrelyatsion bog‘lanish kuchini xarakterlaydi. Mazkur nisbat ko‘p o‘lchovli (omilli) determinatsiya koeffitsiyenti deb ataladi.
Ko‘p o‘lchovli determinatsiya koeffitsiyentini kvadrat ildiz ostidan chiqarish natijasida ko‘p omilli korrelyatsiya koeffitsiyenti hosil bo‘ladi, u o‘rganilayotgan omillar bilan natijaviy belgi orasidagi bog‘lanishning zichlik darajasini ifodalaydi:
. (9.36)
omilning xususiy determinatsiya koeffitsiyenti deb ataladi va u:
(9.37)

Xususiy determinatsiya koeffitsiyenti yangi xk omil ko‘p o‘lchovli regressiya tenglamasiga kiritilgandan so‘ng uning natijaviy belgiga ta’sirini o‘lchovchi shartli sof dispersiyaning shungacha shakllangan qoldiq dispersiyadagi hissasini o‘lchaydi. Xususiy determinatsiya koeffitsiyentini kvadrat ildiz ostidan chiqarish natijasida xususiy korrelyatsiya koeffitsiyenti hosil bo‘ladi:

(9.38)
Barcha kuzatilayotgan omillarni hisobga oluvchi tenglama uchun ko‘p o‘lchovli determinatsiya koeffitsiyenti:
.
Bundan ko‘p o‘lchovli korrelyatsiya koeffitsiyenti

Misol, 9.5-jadvalda n=16 fermer ho‘jaliklari bo‘yicha 1 ga yerga nisbatan olingan foyda va uning omillari: 1 ga sarflangan mehnat, umumiy ekin maydonida don salmog‘i, hosildorligi haqidagi ma’lumotlar keltirilgan.
Ulardan foydalanib, (9.23) normal tenglamalar tizimini «Microstat» ADP yordamida ShEHM yechish natijasida quyidagi korrelyatsion-regression model (KRM) hosil bo‘lgan.
(9.39)

Demak, har bir gektar yerga sarflangan mehnat (odam-kuni) foyda darajasini (1 ga yerga nisbatan) 2 so‘m 26 tiyinga, don hosildorligini 1 s oshishi esa uni 16 tiyinga ko‘payishiga olib kelgan. Ammo umumiy ekinlar maydonida don salmog‘ini 1 % ko‘tarilishi foyda darajasini 4 so‘m 31 tiyinga pasayishiga sabab bo‘lgan. Ozod hadni manfiy ishoraga ega bo‘lishi qonuniydir, chunki omil nol qiymatga ega bo‘lmasdanoq ishlab chiqarish zarar bilan yakunlanishi hammaga ayon. x₂ - don salmog‘i haqidagi omil koeffitsiyenti manfiy ishoraga ega bo‘lishi - o‘rganilayotgan ho‘jaliklar iqtisodiyoti juda yomon ahvolda ekanligi haqida darak beradi, chunki don ishlab chiqarishdan juda kam foyda olinadi (uning rentabellik darajasi past). Ho‘jalik oqilona yuritilib don bozorida baholar barqaror bo‘lganda edi, ekin maydonda uning salmog‘i oshishi bilan foyda darajasi pasaymasdan, aksincha, oshgan bo‘lar edi.

9.5-jadval
Fermer ho‘jaliklarida ishlab chiqarish rentabelligi
(1 ga nisbatan) va uning muhim omillari

Fermer ho‘jaliklari tartib raqami	1 ga yerdan olingan foyda (ming so‘m) u	1 ga mehnat xarajatlari (odam kuni) x1	Umumiy ekin maydonida don salmog‘i, %% x2	Hosildorlik kg/ga x3
1 2 3 4 5 6 7 8 9 10 11 12 13 14 15 16	704 293 346 420 691 679 457 503 314 803 691 775 584 504 777 1138	265 193 229 193 225 255 201 208 170 276 188 232 173 183 236 263	45,1 35,1 69,4 60,2 59,0 63,4 58,1 51,8 73,2 59,0 42,5 50,5 48,5 51,9 58,9 38,8	3422 1956 2733 3254 3323 3179 3073 3257 2669 4235 3790 3658 3801 3266 5173 5526
Jami	9679	3492	865,5	56315
O‘rtacha	604,9	218,2	54,1	3520
Kvadratik o‘rtacha tafovut	221,9	34,6	10,6	887
Variatsiya koeffitsiyenti	36,7	15,9	19,6	25,2

Demak, foyda darajasining umumiy variatsiyasidan 89,8 % mehnat sarfi, don ekinlari salmog‘i va ularning hosildorligining o‘zgaruvchanligi natijasi hisoblanadi, ya’ni foyda darajasi bilan ushbu omillar orasida kuchli bog‘lanish mavjud.
9.5-jadval ma’lumotlari asosida EHM yordamida ko‘p o‘lchovli va juft korrelyatsiya koeffitsiyentlari hisoblanib, quyidagi natijalar olingan:

Bularga asosan:

a) regressiya tenglamasi uchun


Natijada, x₃-don hosildorligi omili uchun xususiy determinatsiya koeffitsiyenti:

yoki

b) regressiya tenglamasi uchun



Demak, yoki

V) tenglamasi uchun

Demak, yoki

Shunday qilib, xususiy determinatsiya va korrelyatsiya koeffitsiyentlari ayrim omillarning natijaga ta’sirini aniqroq belgilash imkonini beradi.
Ko‘p o‘lchovli regressiya tenglamalarini baholash va tahlil qilish
Yuqorida ko‘p o‘lchovli regressiya tenglamasini baholash bilan bog‘liq bo‘lgan birinchi masala-determinatsiya va korrelyatsiya koeffitsiyentlarini aniqlash usullarini ko‘rib chiqdik. Bunday baholashning ikkinchi masalasi regressiya tenglamalarini yechish natijalari va korrelyatsiya koeffitsiyentlarini ehtimollik jihatdan muhimligi, ishonchliligini aniqlashdan iborat. Bu masala juft regressiya tenglamasi va korrelyatsiya koeffitsiyentlarini baholashdagi usullar (9.6-bo‘lim) yordamida ya’ni t-Styudent va F-Fisher mezonlaridan foydalanib yechiladi.
(9.40)
bu yerda k-omillar tartib raqami, n-to‘plam hajmi, k-omillar soni, r_0j-har bir omilning juft korrelyatsiya koeffitsiyenti, «0»-natijaviy belgi indeksi (nishoni) c_ij-normal tenglamalar tizimidagi koeffitsiyentlardan tuzilgan matritsaga B=(b_ej)teskari bo‘lgan matritsaning V^-1=(S_ej) diagonal elementi.
Ko‘p o‘lchovli korrelyatsiya koeffitsiyentining o‘rtacha xatosi quyidagi formula bo‘yicha aniqlanadi:
(9.41)
Uning muhimligini aniqlash uchun Styudent t-mezonining haqiqiy qiymati hisoblanadi va t-taqsimot jadvalidagi kritik qiymati bilan taqqoslanadi.
Ko‘p o‘lchovli korrelyatsiya koeffitsiyenti uchun t-mezon bu koeffitsiyentning haqiqiy qiymatini uning o‘rtacha hatosiga bo‘lish hosilasidir.
. (9.42)
Agar mazkur korrelyatsiya koeffitsiyentining qiymati birga yaqin bo‘lsa, uning baholar taqsimoti normal yoki Styudent taqsimotidan farq qiladi, chunki u bir soni bilan chegaralangan. Bunday hollarda korrelyatsiya koeffitsiyentlarining muhimligi F-Fisher mezoni bilan baholanadi:
. (9.43)
Bu yerda k - omillar soni, k = m-1 m – regressiya tenglamasidagi hadlar soni.
Misolimizda, . Erkin darajalar soni n=n-k-1=16-3-1=12 bilan qoldiq dispersiya

9.5-jadvalda s_0.1=34,6 , s_0.2=10,6 , s_0.3=887.
Rekurent formulaga asosan:



(9.42) formulaga asosan

Styudent taqsimotiga binoan, erkin darajalar soni v=n-k-1=16-3-1=12 va muhimlik daraja 0,05 da t-mezonning kritik qiymati t=2,18. Demak, barcha xususiy regressiya koeffitsiyentlari R=0,95 ehtimol bilan ishonchlidir.

R uchun
Erkin darajalar soni 12 va R=0,95 ehtimol Styudent taqsimoti jadvalida t-mezon kritik qiymati t_jadv=2,18. Mezonning haqiqiy kritik qiymati ancha katta bo‘lgani uchun ko‘p o‘lchovli korrelyatsiya koeffitsiyent ishonchlidir.

Erkin darajalar soni n₂=12, n₁=3 va muhimlik darajasi a=0,05 bilan F-mezonning Fisher taqsimoti jadvalidagi kritik qiymati F_jad=3,49. Demak, ko‘p o‘lchovli korrelyatsiya koeffitsiyenti R=0,95 ehtimol bilan ishonchlidir.
Korrelyatsion - regression modellardan iqtisodiy tahlil va
istiqbolni baholashda foydalanish yo‘llari
Korrelyatsion-regression model - bu o‘rganilayotgan hodisalar orasidagi bog‘lanishni natijaviy belgi bilan muhim omillar o‘rtasidagi ishonchli miqdoriy nisbatlar orqali ifodalashdir. Korrelyatsion - regression model deb shunday regressiya tenglamasiga aytiladiki, u o‘rganilayotgan hodisalar orasidagi o‘zaro bog‘lanishlarni natijaviy belgi bilan muhim omillar o‘rtasidagi ishonchli miqdoriy nisbatlar orqali ifodalab beradi. Uning determinatsiya va regressiya koeffitsiyentlari mohiyatan bog‘lanishning sotsial-iqtisodiy tabiati haqidagi ilmiy nazariyaga to‘la mos bo‘lib, ishonchli oraliq ehtimoliga ega bo‘ladi.
Korrelyatsion-regression modellarni tuzish uchun statistika nazariyasi va amaliyoti tomonidan qator tavsiyalar ishlab chiqilgan:
- omil sifatida olinadigan belgilar natijaviy belgi bilan sabab-oqibat bog‘lanishda bo‘lishi kerak;
- omil qilib olinayotgan belgilar natijaviy belgining tarkibiy elementi yoki uning funksiyasi bo‘lmasligi lozim;
- omil sifatida olinayotgan belgilar bir birini takrorlamasligi, ya’ni kolleniear bo‘lmasligi kerak (korrelyatsiya koeffitsiyenti>0,8 bo‘lmasligi shart);
- natijaviy belgi qanday to‘plam birligiga tegishli bo‘lsa, omil belgilarni ham unga nisbatan olish ma’qul;
- regressiya tenglamasiga kiritiladigan omillar soni «m» to‘plam birliklar soni «n» dan kam bo‘lishi kerak. Odatda, ko‘p o‘lchovli regressiya tenglamalari uchun n / m ³11 bosh komponentlar usuli uchun n / m ³7 tavsiya etiladi;
- regressiya tenglamasini matematik ifodalash shakli real sharoitda faktorlar bilan natija orasidagi bog‘lanish tabiatiga to‘la mos bo‘lishi, uyg‘unlanishi lozim. Agar omillar va natijalar orasida additiv bog‘lanish bo‘lib, biror omil bo‘lmaganda ham natija ro‘yobga chiqaversa, tenglama shaklda, agar biror omilsiz natija yuzaga chiqa olmasa, tenglama multiplikativ shaklda bo‘lishi lozim.

Istiqbolni belgilash uchun korrelyatsion-regression modeldan foydalanish regressiya tenglamasiga omil birliklarning bashorat qilishda kutiladigan qiymatlarini qo‘yib, natijaviy belgining bashoriy ko‘rsatkichlarini yoki berilgan ehtimol bilan ular yotadigan ishonchli kenglikni hisoblashdan iboratdir. Tenglamani hisoblash asosi bo‘lib xizmat qilgan axborotda faktor belgi ega bo‘lgan qiymatdan katta darajada farqlanuvchi bashariy qiymatlarini tenglamaga qo‘yish noto‘g‘ri bo‘ladi, chunki omilning boshqa sifatga tegishli darajalarida tenglama parametrlari o‘zgacha qiymatlarga ega bo‘lishi mumkin.
Istiqbolni belgilash uchun regression modeldan foydalanish bashorat qilishda kutiladigan omil qiymatlarini tenglamaga qo‘yishdan iboratdir.
Regressiya tenglamasiga omillarning kutiladigan qiymatlarini qo‘yib aniqlangan prognoz (istiqbol daraja) nuqtali prognoz (istiqbolni baholash) deb ataladi. Bunday istiqbol baholashning amalga oshish ehtimoli juda kichikdir. Shuning uchun istiqbol baholashni uning o‘rtacha xatosini yoki yetarli darajada katta ehtimol bilan prognozning ishonchli kengligi (oralig‘i)ni aniqlash bilan birga olib borish kerak. Omil belgi qiymati x_k ga teng bo‘lganda regressiya chizig‘ining bosh to‘plamdagi holatining o‘rtacha xatosi quyidagi formula yordamida aniqlanadi:


(9.44)
bu yerda - regressiya chizig‘ining bosh to‘plamdagi holatining o‘rtacha xatosi x=x_k ga teng bo‘lganda;
n-tanlanma hajmi;
x_k- omilning kutiladigan qiymati;
d_qoldiq-erkin darajalar soni bilan bosh to‘plamdagi regressiya chizig‘i natijaviy belgi o‘rtacha kvadratik tafovutining baholanishi, ya’ni:

m-tenglama parametrlari (koeffitsiyentlari) soni.
Regressiya chizig‘i istiqbolining ishonchli chegaralarini aniqlash uchun uning o‘rtacha xatosini erkin darajalar soni n-m va ishonchli ehtimol 0,95(a=0,05) bilan aniqlangan t-Styudent mezonining kritik (jadval) qiymatiga ko‘paytirish kerak
D_prognoz=t_jad* .