Kafedra : aqrar menecment V

3. Müəssisənin hüquqi mənafelərinin təminatı və müəssisədə  
məhsulun keyfiyyəti  
 
 
Müəssisənin  hüquqi  və  mənafelərinin  təminatı
-«Müəssisələr  haqqında» 
qanunda  qeyd  edilir  ki:  «mülkiyyət  və  təşkilati-hüquqi  formalarından  asılı 
olmayaraq,  bütün  müəssisələrin  hüquq  və  mənafelərinin  müdafiəsi  üçün  bərabər 
şəraitin yaradılmasına dövlət tərəfindən tam təminat verilir».  
 
Müəssisə  hər  hansı  təsərrüfat  fəaliyyətinin  (digər  növ  fəaliyyəti)  həyata 
keçirərkən öz təşəbbüsü ilə qanunvericiliyə zidd olmayan hər hansı bir qərar qəbul 
etmək hüququna malikdir. Qanunvericilikdə nəzərdə tutulan hallar istisna olmaqla, 
müəssisənin  təsərrüfat  fəaliyyətinə  (digər  növ  fəaliyyətinə)  dövlət  orqanlarının, 
ictimai  və  digər  orqanların  qarışmasına  əsla  yol  verilmir.  Adı  çəkilən  qanunda 
göstərilir ki, dövlət və digər orqanlar (onların vəzifəli şəxsləri) tərəfindən verilmiş, 
nəticə  etibarı  ilə  müəssisənin  hüquqlarını  pozmuş  göstərişlərin  yerinə  yetirilməsi 
nəticəsində,  habelə  həmin  orqanların  və  vəzifəli  şəxslərin  müəssisə  barəsində 
qanunvericiliklə  nəzərdə  tutulan  vəzifələrini  lazımınca  yerinə  yetirməməsi 
nəticəsində  müəssisəyə  dəymiş  zərər  bu  orqanlar  və  vəzifəli  şəxslər  tərəfindən 
ödənilməlidir.  Zərərin  ödənilməsi  barədə  mübahisələrə  arbitraj  məhkəməsində 
baxılır.