Salatın Əhmədli
177
dəyişər, yer-göy titrəyər, sel-su gələr, mən səni
itirərəm.
Əzizim, bizim çox vaxtımız olacaq, lap elə
əbədiyyətəcən. Xoş günlərimizi təzədən yola salarıq,
səhvlərimizi xatırlarıq. Eybi yox, indi o səhvləri
düzəltmək üçün bizim qədərincə vaxtımız olacaq.
Necədir, əzizim, belə nağıl kimi bir həyat. Mən də
sənin üçün nəğmə oxuyaram, dinləyərsən mənim
nəğmələrimi.
…Bir zamanlar xəyallarımızla gözündən su içdiy-
imiz bulaqlar, şəffaf sularında üzdüyümüz çay,
kölgəsində dincəldiyimiz söyüd ağacları, moruq dərib
yediyimiz kollar, yulğunun ətirli budaqları da bizdən
ötrü həmişə əziz olacaq. Gördüyümüz, ruhumuzla
gəzdiyimiz yerlər həmişə bizdən ötru sevinəcək.
Daşlar da, qayalar da, cığırlar da bizi görəcək. Əbədi
olaraq bizimlə birgə olduqlarına sevinəcəklər.
Darıxma, tələsmə, vaxtı gözlə. Vaxtı gələndə sən
özün biləcəksən. Onda mən lap sənin yanında olacam.
Daha gileylənmə, bizim birgə gedəcəyimiz yerdə
xəstələnmək olmur. Orda həkim də yoxdur, orda dün-
yanın özü - paklığın özü yalnız ruh olan insanı qoru-
yur.
Salatın Əhmədli
178
Əzizim, inan mənə, nə sən, nə də mən bir
vəfasızlıq görməyəcəyik. Vəfasızlıq orada qalacaq.
Əbədiyyət məkanıda özünə yer tutmuş insanlar
birdəfəlik vəfasızlıqla xudahafizləşmiş olacaqlar.
…Gəl, əzizim, o yerə gedərik ki, orada doğuldun
sən. Orda yer veriblər sənə bir əlçim. Bir çay
kənarında süslənir o yer. Tez-tez səni deyib səslənir o
yer. Hələ bir son ümid, son arzu kimi hər gün
qəlbimizdə bəslənir o yer.
Gedək kəndimizə…
Gəzək dağlarını gəzək qoşa biz
Çaylarda yuyunsun qoşa şəklimiz.
Qorxmayaq çay daşıb kəsə yolları
Yenə göy meşənin hər addımında
Başımız üstündə kölgəlik salıb
Palıdın, vələsin əsə qolları.
Bir də ağrımayam, xəstələnməyəm,
Dönüb gənc bir qıza şıltaq, güləyən.
Tənhalıq daşını könüldən ataq,
Çəksin nazımızı bir şirin yataq.
Qaçaq bu şəhərdən, qaçaq o yerə ki, ordan
gəlmişik.
Salatın Əhmədli
179
…Xəyal Kürqıraqlı elə ağır xəyalların arasındaca
onu boğmaqda olan aləmdən ayıracaq bir kimsəni ax-
tarırdı. Və o kimsəni artıq görürdü. Gözlərilə onu ox-
şayan, qəlbini, könlünü ovudan insanı…
İndi o, qanadlanmışdı. Səmaya qalxan, uçan
qanadlı bir pərinin arxasınca o da qanad çalırdı. Daha
yırtıcı dişlərilə onu izləyən elektron saytdakı gənc
tənqidçini də görmürdü.
Daha bu dünya onun üçün yox idi.
Salatın Əhmədli
180
TƏNDİR YARASI
Adamlar uzun dəhlizdə cərgə ilə dayanmışdılar.
Açıq qapıdan geniş kabinet demək olar ki, tam görü-
nürdü. Komissiyanın sədri tələsmədən, asta-asta, bir-
bir sənədlərə baxır, komissiya üzvlərinin rəylərini
soruşur, etiraz olmayanda əlinin altındakı siyahıda
qarşısındakı adamın adını tapıb nəsə qeyd edirdi.
Sonra da sənədləri qaytarıb sahibinə verir, yenidən
qapının astanasında dayananlara tərəf:
- Kimin növbəsidir, gəlsin,-deyə hündürdən
səslənirdi.
Bir-iki nəfər də keçdi. Qapıda dayanıb növbəyə
nəzarət edən gənc orta yaşlarına çatar-çatmazlığı güclə
sezilən, amma ilk baxışdan vaxtından əvvəl qocaldığı
görünən qadının narahatlığını bayaqdan hiss eləmişdi.
Qadın hərdən divara söykənir, bir qədər dayanandan
sonra görünür, özünü rahat hiss etmədiyindən növbdən
kənara çıxır, pəncərənin taxtasına dirsəklənib daya-
nırdı. Bir qədər də yeriyəndə ayağını çəkirdi. Elə bil
ki, pəncələri üstə yeriyirdi. Gəncin ürəyindən keçirdi
ki, onu növbədən kənar buraxsın. Amma adamların
Salatın Əhmədli
181
narazılıq edəcəyindən ehtiyatlanırdı. Bu vaxt lap arxa
cərgədə, təzəcə gəlmiş yaşlı bir kişi həmin qadına ya-
xınlaşdı. Yəqin ki, elə aralıdan görüb, tanımışdı.
- A bala, a qızım, sən Solmaz deyilsənmi? Yuxarı
Tülü kəndindən Yavərin qızı. Deyəsən, dədən bir-iki
il bundan əvvəl rəhmətə gedib,-elədirmi?
Qadın başını qaldırıb kişiyə baxdı. O kişi də ona
tanış gəldi.
- Hə, əmi, doğrudur, mən Yavər kişinin qızıyam.
Bəs, elə bil bir qədər axsayırsan. Nə olub?
- Heç, ay əmi, təndir yarasıdı.
- A bala, burada təndir var? Təndir qaldı Tülüdə,
Xocalıda…
Birdən kişi irəli yeriyib növbəyə nəzarət edən
oğla-na güclə seziləcək, əsəbqarışıq bir səslə dedi:
- Bu əlil qadını niyə növbədə saxlayırsan?
Bəlkə də, kişi heç təpinmək qəsdi ilə demirdi.
Bununla növbəyə dayananlara xəbərdarlıq edirdi, yəni
ki, heç kim səsini çıxarmasın.
Həmin gənc işarə ilə Solmazı içəri dəvət etdi.
Sənədləri əlində içəri keçən Solmaz nə qədər özünü
tox tutsa da, axsamağını gizlədə bilmədi. Özü də
deyəsən, axsamağından utanır, bunu bir qədər ört-
Salatın Əhmədli
182
basdır etmək üçün ayaqlarını yerə möhkəm basmağa
çalışırdı. Onda da yerişi lap kobud alınırdı.
Ona əyləşmək üçün stul təklif elədilər. Oturmadı,
elə stulun söykənəcəyindən yapışıb ayaq üstə durdu.
- Sənədlərini ver,-komissiya üzvlərindən biri əlini
uzatdı.
- Xocalı, Tülü kəndi. Solmaz Yavər qızı. İkinci
qrup əlil.
-A bacı, əlilliyinin səbəbi nədir? Növbədənkənar
ev alma hüququn var-yox, biz bunu aydınlaşdırmalı-
yıq.
Solmaz qırışmış arıq əlləri ilə yapışdığı stulun
söykənəcəyini bir az da bərk sıxdı. Gözlərində yaş
gilələndi. Komissiya sədri hiss elədi ki, sualı yerinə
düşməyib. - Xocalıda Tülü kəndi vardı?-Deyəsən, bu
sualla bir qədər əhvalı dəyişmək istədi.
Yenə komissiya üzvlərindən biri izahat verdi:
- Bəli, Xocalıda elə demək olar ki, Xocalıya
bitişik meşəliyin içində belə bir kənd vardı. İyirmi-
otuz ev olardı. Ermənilər Xocalıdan qabaq Qaradağ-
lını, Meşəlini yandırıb talan edəndə o kəndi də dağıtdı-
lar. Camaatı da həlak oldu.
Dostları ilə paylaş: |