Korxona mehnat resurslari

Korxona mehnat resurslari
Reje
2.1 Korxonaning mehnat resurslari bilan ta’minlanganligi tahlili
2.2 Korxonada mehnat resurslari tarkibi va foydalanish unumdorligi
2.3 Mehnat resurslaridan samarali foydalanishda mehnatni ilmiy asosda tashkil etish
Iqtisodiyotni yangilash sharoitida ishlab chiqarish korxonalarining kerakli mehnat resurslari bilan yetarli darajada ta’minlanlanishi, ulardan oqilona foydalanish, mehnat unumdorligining yuqori darajada bo’lishi mahsulot hajmining ko’paytirish va ishlab chiqarish samaradorligini oshirish uchun katta ahamiyatga egadir. Xususan barcha ishlarning hajmi va o’z vaqtida bajarilishi, asbobuskunalar, mashinalar, mehanizimlardan foydalanish samaradorligi va buning natijasi sifatida mahsulot ishlab chiqarish hajmi, uning tannarxi va bir qator iqtisodiy ko’rsatkichlar korxonalarning mehnat resurslari bilan ta’min etilganligiga va ulardan samarali foydalanishga bog’liqdir.
Mehnat resurslar ta’minlanlanganligini tahlil etish asosiy vazifalari quyidagilardir:
· korxona va uning tarkibiy bo’linmalarining umuman shuningdek toifalar va kasblar bo’yicha mehnat resurslari bilan ta’min etilganligini o’rganish va unga baho berish;
· mahsulotga sarflanadigan mehnat hajmini kamaytirish va mehnat unumdorligini oshirish sohasidagi reja topshiriqlarining asoslanganligi chuqur tekshirish;
· tashkiliy-texnik tadbirlar samaradorligini to’g’ri hisoblanganini, uning mehnat normalarida to’g’ri aks etganini va haqiqatda erishgan samaradorlikning hisob kitob samaradorligidan chetga chiqish sabablarini aniqlash;
· mehnatni tashkil etish ahvoliga va uning darajasiga baho berish, albatta ish vaqtidan foydalanish ko’rsatkichlarini ajratib ko’rsatish, qo’l mehnati birinchi navbatda jismoniy mehnat qisqarganligini qayd qilish, ish o’rinlari attestasiya qilinganligi, mehantni tashkil etish brigada shakliga baho berish;
· ishlab chiqarishning shaxsiy omildan foydalanishni yaxshilash sohasidagi ishlar samaradorligiga baho berish, mehnat potensiali hajmi va tarkibini, mehnatni rag’batlantirish va sog’lomlashtirish tizimini jamoadagi psixologik vaziyat tahlil etish;
· jadal, joriy va istiqbolni ko’zlab rejalashtirish va boshqaruvga doir qarorlar qabul qilish uchun zarur materiallar to’plash;
· kadrlar kurimsizligi ko’rsatkichlarini aniqlash va o’rganish;
· mehnat resurslari zahiralarini naiqlash ulardan yanada to’laroq va samaraliroq foydalanish
Tahlil uchun axborot manbalari sifatida mehnat rejasi. mehnat bo’yicha hisobot statistik hisobotlari, tabel asosida hisobga olish va kadrlar bo’limi ma’lumotlari xizmat qiladi.
Bugungi kunda jadal rivojlanib borayotgan bozor iqtisodiyoti sharoitida xodimlarning bilim darajasi, yuqori kasbiy ko‘nikmalari va ish tajribalarini oshirish maqsadida korxonada doimiy ravishda xodimlarni turli malaka oshirish kurslari o‘qitish, ularni kasbiy mahoratlarini oshirish ishlari uzluksiz ravishda amalga oshirib kelinmoqda.
Korxona xodimlari malakasini oshirish sohasidagi rejani bajarilishi va dinamikasini tahlil qilganda, shunday ko‘rsatkichlardan, chunonchi oliy, o‘rta maxsus o‘quv yurtlarida, korxonadagi ishchi kadrlar tayyorlash tizimida ta’lim olayotgan, o‘z malakasini oshiriyotgan xodimlar soni va foizi malakali mehnat bilan band bo‘lgan xodimlar foizi va hokazo ko‘rsatkichlar o‘rganiladi. Ijtimoiy malakaga doir ko‘rsatkichlar ishdan ozod bo‘lib qolgan xodimlar malakasini o‘zgartirish va ishga joylashtirishni tashkil etishni ham aks ettirmog‘i lozim.
Korxonaning mehnat resurslari bilan ta’minlanganligi tahlili ma’lum usul asosida amalga oshiriladi. Usul umuman olganda muayyan ishni bajarish uslubini bildiradi, u turli yo’llar va zarur texnik vositalar majmuasini o’z ichiga oladi. Korxonaning mehnat resurslari bilan ta’minlaganligini tahlil etishga tadbiq etganda, usul deganda korxona tomonidan qo’yilgan maqsadga erishish sohasidagi faoliyatga baho berish yo’li tushuniladi, bunda muayyan tashkiliy-texnikaviy sharoitdagi mazkur mehnat potensiali mavjud bo’ladi.
Korxonaning mehnat resurslari bilan ta’minlanishi toifalar va kasblar bo’yicha xodimlaming haqiqiy sonini reja ehtiyojlari bilan taqqoslash asosida aniqlanadi. Korxonaning eng muhim kasblardagi kadrlar bilan ta’min etilishi tahlil qilishga alohida e’tibor beriladi. Mehnat resursslari sifat tarkibini malaka bo’yicha tahlil qilish ham zarur.
Agar ishchilarning haqqiqiy o’rtacha tarif razryadi ishlarning rejalashtirilgan va o’rtacha tarif razryadidan past bo’lsa, uholda bu sifat pastroq mahsulotni ishlab chiqarishga olib kelishi mumkin. agar ishchilarning o’rtacha razryadi ishlarning o’rtacha turif razryadlaridan yuqori bo’lsa, bunday holda ishchilardan kam malaka talab qilinadigan ishlarda foydalanilgani uchun ularga qo’shimcha haq to’lash zarur bo’ladi.
Ma’muriy-boshqaruv personalini har bir xodimning haqiqiy ma’lumot darajasi uning egallab turgan lavozimiga mos kelishi nuqtai nazaridan tekshirish va kadrlar tanlash ularni tayyorlash va malakasini oshirish bilan bog’liq masalalami o’rganib chiqish zarur.
Xodimlaming malaka darajasi ko’p jihatdan ularning yoshiga, ish stajiga, ma’lumotiga va hokazolarga bog’liqdir. Shu sababli tahlil jarayonida ishchilarning yoshi, ish staji, ma’lumoti bo’yicha o’zgarishlar o’rganiladi. Bu o’zgarish ish kuchining harakati natijasida sodir bo’lishi sababli, bu masalaga tahlil jarayonida katta e’tibor beriladi.
Xodimlaming bo’shab ketishi sabablarini (o’z ixtiyori bilan, kadrlar qisqarishi, mehnat intizomini buzganligi uchun va h.q.) o’rganish zarur.
Korxonaning mehnat resurslari bilan ta’min etilganligini tahlil etishni korxonani ijtimoiy rivojlantirish rejasining bajarilishining o’rganish bilan mustahkam bog’liq ravishda qo’yidagi ko’rsatkichlar guruhlari bo’yicha amalga oshirish kerak:
· xodimlar malakasini oshirish;
· xodimlaming mehnat sharoitini yaxshilash va sog’lig’ini mustahkamlash;
· ijtimoiy-madaniy va uy-joy-maishiy sharoitlarini yaxshilash;
· mehnat jamoasi a’zolarining ijtimoiy himoya qilinishi.
Xodimlarning ijtimoiy himoya qilish masalalari bankrotlik yoqasida turgan korxonalar uchun ayniqsa dolzarbdir. Bularga ish o’rinlarini saqlash, xodimlaring ommaviy ravishda bo’shatib yuborilishiga yo’l qo’ymaslik, bo’shatib yuborilgan, lekin tadbirkorlik faoliyati bilan shug’ullanishni xohlaydigan xodimlarga moliyaviy yordam ko’rsatish, pensiya yoshi arafasidagi xodimlarni muddatidan oldin pensiyaga chiqarish, ish haqining ortishini vaqtincha chegaralash, to’liq bo’lmagan ish kuniga va haftasiga o’tish chora-tadbirlari kiradi, bulardan maqsad xodimlar sonini saqlab qolishdan iboratdir. Nochor korxonalarning tanglikka uchrashi ijtimoiy oqibatlarini yumshatish choralaridan biri bo’shatilayotgan xodimlarga boshqa bir-biriga yaqin kasblar bo’yicha bo’sh o’rinlarga ishga joylashishda yordamlashishi, bunda kasbini o’zgartirish imkonini berishdir.
2.2 Korxonada mehnat resurslari tarkibi va foydalanish unumdorligi
Hozirgi sharoitda mehnat samaradorligi strategiyasi va taktikasini ishlab chiqarishda mehnat faoliyati jarayonlari mazmunini tahlil va sintez qilishga asoslanishi lozimki, u amalda mehnat munosabatlarini ifodolavchi ko’rsatkichlardan samarali foydalanishni nazarda tutadi.
Ishlab chiqarish korxonalardagi mehnat ko’rsatkichlarini alohida ko’rsatkichlar bo’yicha bo’limlarga bo’lib tahlil qilish muhim ahamiyatga ega. Korxonaning asosiy ko’rsatkichi – bu ishlab chiqarilgan mahsulotning hajmidir. Mahsulot hajmini faqatgina mehnat unumdorligini oshirish bilan emas, balki ishchilar sonini ko’paytirish yo’li bilan ham oshirish mumkin. Bunda mehnat unumdorligi ko’rsatkichi asosiy ko’rsatkich bo’lib hisoblanadi.
Mehnat unumdorligini tahlil qilish jarayonida uning o’zgarishga ta’sir etuvchi omillarning ta’sir darajalarini va shart-sharoitlarini aniqlash muhim ahamiyatga ega. Mehnat unumdorligi – rivojlanib boruvchi ko’rsatkichdir. U ko’pgina sabablar va omillar ta’sirida doimiy ravishda o’zgarib turadi. Ulardan ayrimlari mehnat unumdorligi darajasi va o’sishiga mehnat jarayonidagi mavjud sharoit ham ta’sir ko’rsatishi mumkin. shart-sharoitlar qulay bo’lsa, u yoki bu 49 omilning ta’sir etishini kuchaytiradi. yoki aksi bo’lsa, bu ta’sirni zaiflashtiradi. Masalan, tabiiy iqlim sharoitlaridagi qishloq xo’jaligidagi mehnat natijalariga va uning unumdorligiga jiddiy ravishda ta’sir ko’rsatadi. Ishlab chiqarish vositalarining mulkchilik shakllari bilan bog’liq bo’lgan ijtimoiy-shart sharoitlar, hamda ishlab chiqarish munosabatlari bilan bag’liq bo’lgan shart-sharoitlar boshqa bir xil sharoitda mehnat unumdorligiga jiddiy ravishda ta’sir ko’rsatishi mumkin.