104
Azərbaycan kəndində qarĢılıqlı yardım adətləri iməcilik, əvrəz-avariz və
baĢqa adlarla tanınmıĢdısa da, onlar məzmun, məqsəd və mahiyyət etibarilə bir-
birinə yaxın və oxĢar olmuĢlar. Adətən bu köməkliklər təsərrüfat iĢləri üçün,
vəsaitin çatıĢmaması və iĢin təcili görülməsi üçün lazım olan iĢçi qüvvəsinin azlığı,
qoĢqu qüvvəsinin yoxluğu və s. ilə bağlı olurdu. Adətə görə köməkliklər nadir və
zəruri hallarda təĢkil edilərdi. Belə ki, birgə iĢ üçün köməyə ehtiyacı olan Ģəxs
kəndin ağsaqqalı ilə məsləhətləĢib, iĢin görülməsi müəyyən olunan gün haqqında
qohum-əqrəbaya, məhəllə adamına, bəzən də kənd camaatına xəbər verirdi. Xəbər
verilmiĢ adamlar həmin gün (iməcilik və ya əvrəz günü) iĢləməyə gələrdilər.
Ġmkanı olub, köməyə gəlməmək el arasında qəbahət sayılardı.
Əvrəz çox canlı və iĢgüzar Ģəraitdə baĢlanıb, iĢ gününün sonunadək davam
etdirilirdi. Adətə görə əvrəz iĢtirakçıları həmin gün iĢə daha tez çıxmağa və ya öz
əməkləri ilə baĢqalarından fərqlənməyə çalıĢırdılar. Əvrəzin belə iĢgüzar xüsu-
siyyətini özündə əks etdirən bəzi ifadələr xalq arasında indi də iĢlənməkdədir.
Məsələn, biri tələsik yemək yeyərkən ona: "Nə olub? Əvrəzdir bəyəm" deyirlər.
Bunun əksinə olaraq, ləng yol gedən adama isə "biyara getmirsən ki" və ya "Elə bil
biyara gedir" ifadəsilə müraciət edilir. Dilimizdə iĢlədilərək məsəl halına çev-
rilmiĢ həmin ifadələrin məna və məzmunu əvrəzin tam könüllülük əsasında keçi-
rildiyini bir daha sübut edir.
ġübhəsiz, əvrəzəçağırma adətən, görüləcək iĢdən və onun xüsusiyyətindən
asılı olurdu. Deyildiyi kimi, əvrəz görüləcək iĢin qurtarıb-qurtarmamasından asılı
olmayaraq, əksər hallarda bir gün davam edirdi. Axı, yoxsul kəndlinin bir gündən
artıq Ģumlanacaq torpaq sahəsi və ya da bir neçə günə görüləsi elə baĢqa iĢi də
olmurdu.
Adətə görə əvrəzi təĢkil edən Ģəxs iĢtirakçılara nahar verərdi. Daha
imkanlı kəndli isə əvrəzçilər üçün hətta qoyun da kəsərdi. Lakin çox kasıb ailələrə
əvrəzə gedənlər özləri ilə yeməklərini də aparardılar.
Əkinçilikdə
ayrı-ayrı
təsərrüfat
iĢlərinin
köməklik
məqsədilə
görülməsində onun iĢtirakçılan özünəməxsus məna və məzmun daĢıyan bir sıra
adət və Ģərtlərə də əməl etməli olurdular. Daha doğrusu, iĢin xüsusiyyətindən asılı
olaraq bəzən bəhsəgirmə, ĢərtləĢmə-mərcləĢmə və sair maraqlı yarıĢ və əyləncələr
də keçirilərdi. Məsələn, Ģum əvrəzi zamanı kimin kotanı tez iĢə çıxıb "qarabas" (ilk
Ģırım) açardısa, həmin kotanın rəncbərinə hörmət əlaməti olaraq nahar zamanı
qoyunun döĢ ətindən bozbaĢ verilərdi. Yaxud ona əl dəsmalı bağıĢlanardı. Adətən,
əvrəzdə kəl sınağı da keçirilərdi. Bununla da əvrəzdə iĢtirak edən kotanların ən
qüvvətli kəlləri müəyyənləĢdirilərdi. Bu cür bəhs zamanı daha güclü hesab edilən
kəllər kotanın dib boynuna qoĢulardı. Beləliklə də kotanı bir cüt kəl çəkməli idi.
ġərtləĢmə zamanı qalib kəl müəyyən olunmadıqda kotanın təkərləri də çıxarılardı.
ġərtə görə kotanı çəkməyə gücü çatmayıb dizini yerə qoyan kəl məğlub hesab
edilərdi. Qalib kəlin belinə əvrəzdə kəsilən qoyunun dərisi atılardı. Həmin dəridən
isə kəl üçün boyun yastığı tikilərdi. Əvrəzdə keçirilən kəl sınağı həmkəndlilər
105
arasında böyük marağa səbəb olardı.
Adətən, köməkliklər bəzi təsərrüfat iĢlərində, xüsusilə ot çalımı, taxıl
biçini və dərz daĢınmasında daha tez-tez təĢkil olunardı. Əkinçilikdə mövsümi
xarakter daĢıyan bu əmək proseslərini vaxtında və təcili həyata keçirmək üçün
birgə iĢçi qüvvəsi tələb olunurdu. Əkinçilərin dediyi kimi "Biçində gecikən
uduzur". Ona görə də əvrəzə çağırıldıqda taxıl biçməyi bacaran hər bir kəndli bu
iĢdə öz qonĢusuna və ya həmkəndlisinə, xüsusilə bu iĢin öhdəsindən gələ bilməyən
ailələrə əlindən gələn köməyi edirdi.
Bu birgə iĢdə, biçin və dərzin daĢınması zamanı onun iĢtirakçıları öz
yoldaĢlarından diribaĢlıqları ilə seçilməyə çalıĢırdılar. Adətə görə, ilk dərzi biçmiĢ
biçinçiyə, yaxud dərzi sahədən xırmana birinci gətirən arabaçıya hədiyyə verilərdi.
Bəzi hallarda biçin əvrəzi daha təntənəli keçirilərdi. Belə ki, kəndin və ya
məhəllənin ən yaxĢı biçinçisi burada tanınardı. Biçinə dəvət olunmuĢ biçinçilər,
zurnaçılar tərəfindən ifa olunan "Cəngi" sədası altında eyni vaxtda iĢə baĢlardılar.
Kim ilk dərzi hamıdan tez əkin sahibinin qarĢısına qoysaydı, əvrəzin qalibi, kəndin
ən yaxĢı biçinçisi hesab olunardı. Qalibə hədiyyə, xələt, xonça verilərdi. Əvrəz
qohumluq münasibətlərinə görə də təĢkil edilərdi. Əgər belə köməyə qız evinin
zəruri ehtiyacı olardısa, niĢanlı oğlan kəndin cavanlarını əvrəzə çağıraraq
qayınatasının otunu çaldırar, taxılını biçdirər və ya dərzini daĢıtdırardı. Əvrəz
zamanı baĢqalarından fərqlənməkdən ötrü oğlanın - gələcək bəyin qoluna qız
evindən göndərilmiĢ qırmızı dolaq bağlanardı. Əvrəz iĢtirakçılarına yemək oğlan
evi tərəfindən verilərdi.
Əkinçilikdə qohumluq münasibətlərinə əsaslanan belə köməklik forması
talıĢlar arasında da mövcud olmuĢdur. Əgər qayınataya taxıl biçmək, ot çalmaq və
baĢqa iĢlər üçün köməklik lazım olardısa, niĢanlı oğlanın evinə xəbər göndərilərdi
ki, "filan gün, adam götürüb iĢləməyə gəlsinlər". Belə köməklik talıĢlarda "yeznə
köməkliyi" ("zomoa ko") adlanırdı.
Köməketmə bəzən kənd icmasının ümumi istifadəsi üçün zəruri olan
mühüm təsərrüfat iĢlərinin görülməsi zamanı da həyata keçirilərdi. Suvarma
kanallarının çəkilməsi və ya təmiri, dəhnə və bəndlərin tikilməsi və sair böyük
zəhmət və iĢçi qüvvəsi tələb edən iĢlərdə də həmkəndlilər belə bir adətdən istifadə
edərdilər. Bəzən elə olurdu ki, su kanalı və arxlardan kəndin ancaq bir məhəlləsi
istifadə edirdi. Lakin lazım gəldikdə kəndin baĢqa məhəllələrindən gəlib həmin
məhlənin su kanallarının təmir və ya təmizlənməsinə kömək edirdilər.
ġübhəsiz ki, qədimdən öz məzmunu və mahiyyəti etibarilə könüllülük
əsasında xalqın bir-birinə göstərdiyi təmənnasız kömək adət Ģəklini alaraq əvrəz
adı ilə təĢəkkül tapmıĢ və formalaĢmıĢdır və bu, xalqımızın təsərrüfat həyatında
əsrlər boyu yaĢayaraq, qalıq halında da olsa, dövrümüzə qədər gəlib çatmıĢdır.
Yeri gəlmiĢkən qeyd etmək lazımdır ki, əvrəz Azərbaycanda həm də
mükəlləfiyyətlərdən biri kimi tanınmıĢdır. Daha doğrusu, bəy və mülkədarlar
xalqın bu adətindən sui-istifadə edərək, onu özləri üçün bir istismar vasitəsinə