103
son mərhələsi xəstələrin təqribən 10-20%-də, xəstəllik başlandıqdan 10 və
20 il sonra inkişaf edə bilir.
IgA-nefropatiyalı xəstələrin nefrotik sindromla gedən forması bir
qayda olaraq proqressiv gedişə malikdir. Ümumiyyətlə, proqnozu böyüklərə
nisbətən uşaqlarda daha yaxşıdır. Xəstələrin az bir hissəsində, əgər onlar
uşaq yaşlarında xəstələniblərsə, xəstəliyin başlanmasının 20-ci ilində böyrək
funksiyalarının azalması qeyd edilir.
Nefrotik forma – Xəstəlik üçün demək olar ki, daimi, müxtəlif
intensivlikdə
ödemlər,
hipoproteinuriya,
hipoproteinemiya
və
disproteinuriya, xolesterinemiya xarakterikdir. Bundan başaqa periodik
olaraq sidikdə eritrositlər və silindrlər tapıla bilər. Arerial hipertenziya
nadir hallarda qeyd edilir, adətən kortikosteroidlərlə müalicənin ilk
mərhələsində olur. AH heç də davamlı deyil və hipotenziv preparatların
köməyi ilə asanlıqla korreksiya olunur. Böyrəklərin filtrasiya funksiyası
uzun müddət normal qalır, natrium və suyun reabsorbsiyası çoxalır. XQN-in
nefrotik forması çox vaxt KQN-in nefrotik formasından yaranır. Proqnostik
çox az əhəmiyyətli sayılır (şəkil 10).
KQN-in başlanğıcı və XQN-in nefrotik formasının kəskinləşməsi
zamanı kliniki mənzərələr adətən identik olur. Praktiki fəaliyyət zamanı
KQN ilə XQN arasında diаfferensial diaqnostikanın aparılması daha aktual
sayılır. XQN-in kəskinləşməsi çox vaxt keçirilmiş infeksion xəstəliyin ilk
günlərindən başlayır.
XQN zamanı tam və natamam nefrotik sindromun arasındakı fərq əsas
xəstəliyin özü və hətta onun mərhələləri ilə əlaqədar deyil, orqanizmin
ümumi fizioloji mexanizmləri, onun reaktivlik dərəcəsi ilə bağlıdır. Bu
zaman lipid mübadiləsinin pozulması problemi XQN xəstələrdə müşahidə
edilən metabolik pozğunluqları içərisində klinisistlərin diqqətini daha çox
özünə cəlb edir. Problemin aktuallığı ilk növbədə hiperlipidemiyanın belə
xəstələrdə ölümün əsas səbəbi olan ateroskleroza gətirib çıxarmasıdır.
Nefrotik hiperlipidemiya çox zaman zərdab lipidlərinin tərkib dəyişiliklər
104
ilə xarakterizə olunur, lakin daha xarakterik ümumi xolesterinin miqdarının
artmasıdır. Heç də təsadüfü deyil ki, məhz hiperxolesterinemiya nefrotik
sindromun əsas simptomlarından biri sayılır.
Nefrotik hiperxolesterinemiyanın patogenezi hələ də sona qədər aydın
deyil, onun mexanizminin ayrı-ayrı mərhələləri haqda təsəvvürlər vardır.
Müasir ədəbiyyatlarda daha geniş yayılmış nəzəriyyə hipoalbuminuriyanın
rolu haqdadır ki, bu zaman nefrotik sindrom zamanı qaraciyərdə həm zülal,
həm də xolesterin sintezini stimullaşdırır. Sonradan zülal sidik itirilir, lakin
hiperxolesterinemiya saxlanır.
Nefrotik hiperxolesterinemiyanın müalicəsi məsələsi indiyə qədər
mübahisəli
qalır.
K.S.Ladodo
uşaqlarda
hiperxolesterinemiyanın
azaldılmasında pəhrizin müsbət rolunu qeyd edir.
Şəlik 10. Nefrotik formalı qlomerulonefrit (assit, anasarka)
105
Qarışıq forma – Kliniki əlamətlərinə görə qlomerulonefritin qarışıq
forması daha ağır sayılır. Məhz onun payına XBÇ-ın yüksək tezlikdə
yaranması düşür. Məlumdur ki, bu formanın gedişinə və sonluğuna ayrı-
ayrı kliniki sipmtomların – ödem, hematuriya və hipertenziyanın qabarıqlığı
təsir göstərir.
Ödemlər müşahidə edilir, ürək əzələsinin hipertrofiyası ilə gedən
arterial hipertenziya, qabarıq sidik sindromu proteinuriya, hematuriya,
silindruriya ilə birgə qeyd edilir. Bu formada çox nadir hallarda davamlı
remissiya yaratmaq olur, çox erkən ürək-damar çatışmamazlığı və böyrək
çatışmamazlığı inkişaf edir. Qarışıq forma xarakterinə görə tez
proqressivləşən ekstrakapillyar QN çox yaxındır. Xəstəliyin fazasından aslı
olaraq qeyd edilən formanın klinikası bir qədər dəyişə bilər. Ayrı-ayrı
formaların əlamətləri kəskinləşmə fazasında daha aydın görünür. Qarışıq və
nefrotik formalar residiv gedişə, hematurik forma isə latent gedişə
meyllidir.
XBÇ çatmamazlığı formalaşana qədər qlomerulonefritin qarışıq
forması bir neçə il ərzində nefrotik sindromla hematuriyanın müştərək
getməsi ilə və ya arterial hipertenziya ilə qeyd edilir.
Qarışıq formanın kliniki əlamətlərindən aslı olaraq xəstəliyin 3
variantı ayırd edilir:
1. Nefrotik sindromun arterial hipertenziya və hematuriya ilə
müştərək getməsi;
2. Nefrotik sindromun arterial hipertenziya ilə müştərək getməsi;
3. Nefrotik sindromun hematuriya hematuriya ilə müştərək getməsi;
Birinci variant daha ağır gedişə, üçüncü variant isə daha mülayim
gedişə malikdir. Bütün bunları nəzərə alaraq qarışıq forma üçün aşağıdakı
nəticələrə gəlmək olar:
1.
Qlomerulonefrtin qarışıq formasının proqnostik meyarlarına
aiddir: xəstəlik çox vaxt 9 yaşından sonra başlaması, böyrəklərin
konsentrasiyon funksiyasının pozulması, qabarıq proteinuriya v ə
106
hipoproteinemiya, xəstəlik başlanandan daha erkən mərhələdə qanda
kreatinin səviyyəsinin qalxması.
2.
Qlomerulonefritin qarışıq formasının, nefrotik sindromun
hematuriya və arterial hipertenziya ilə müştərək gedən variantında letal
sonluq adətən xəstəliyin başlamasından keçən 1-3 il ərzində baş verir.
Aparılan müalicəyə baxmayaraq, qarışıq formada rast gəlinən əsas
sindromlar uzunmüddət müşahidə edilə bilər. Daha dəqiq desək, bu
sindromlara proteinuriya, hipoproteinemiya və hiperxolesterinemiyanı aid
etmək olar.
Kəskinləşmə yalnız interkurrent xəstəliklərlə (KRVX, qripp, angina və
s), fiziki yükləmə və həddindən artıq soyuma ilə əlaqədardır.
Son zamanlar xəstəlyin hipertenziv forması daha çox 10-12 yaşarası
qeyd edilir.
Böyrəklərin funksional vəziyyətinə görə xronik nefrit 4 dövrə bölünür.
Birinci dövr uzun sürmür. Bu dövr də böyrəklərin funksiyası pozulmur,
qanda qalıq azot artmır. Lakin bir qədər hipertoniya və sidikdə azacıq
dəyişikliklər böyrəkdəki xronik prosesi göstərir. ikinci dövr böyrəklərin
funksional çatışmazlığını göstərir. Bu dövr də sidiyin xüsusi çəkisi azalır və
poliuriya müşahidə edilir. Üçüncü dövr uzun sürür. Sidiyin xüsusi çəkisinin
azalması ilə bərabər azotemiya də nəzərə çarpır. Bu dövr böyrək
funksiyasının dekompensasiyası ilə səciyyələnir. Dördüncü dövr böyrəklərin
funksional çatmamazlığının axırıncı dövrüdür.
Hipertonik formaya uşaqlarda az təsadüf edilir.
Bu formanın ilk dovründə qan təzyiqinin artması tranzitor, ikinci
dövrdə isə stabil xarakter daşıyır. Hipertonik formada əstələr uzun
müddət şikayət etmir, böyrəklərin funksional aktı pozulmur, ödem müşahidə
olunmur, yaxud az nəzərə çarpır. Sidikdə bir qədər albuminuriya və
hematuriya müəyyən edilir.Ürəkdə olan dəyişikliklər aorta üzərində II tonun
aksenti, sol mədəciyin hipertrofiyası, taxikardiya, sistolik küyün eşidilməsi
Dostları ilə paylaş: |