Pəhrizin təyin edilməsindən məqsəd orqanizmin ümumi
qüvvəsini mühafizə etmək və həzm orqanlarını qorumaqdır.
Pəhrizin ümumi xarakteristikası: pəhrizin tərkibində
tərəvəzlərin miqdarı az olmaq şərti ilə, müxtəlif qida məhsulları,
üzlü süd, ədviyyatlı xörəklər, qəlyanaltılar, tərkibində çoxlu su
olan ədviyyatlı xörəklər daxil edilir.
Kulinariya emalı qida püre şəklində və ya yarım duru halda,
başlıca olaraq suda və ya buğda bişirilir.
Pəhrizin tərkibi və kaloriliyi aşağıdakı kimidir: zülallar 70
q, yağlar 70 q, karbohidratlar 300 q, xörək duzu 10-18 q, kalorilik
2200.
Vitaminlər: A vitamini 2 mq, B
1
vitamini 4 mq, B
2
vitamini
4 mq, C vitamini 100 mq, PP vitamini 30 mq, kalsium 0,8 q,
fosfor 1,6 q, maqnezium 0,5 q, dəmir 15 mq.
Qida payının ümumi çəkisi 1,5 kq, mayenin miqdarı 2 litr
olmalıdır.
Xörək ilıq yox, isti və ya soyuq olmalıdır (isti xörəklərin
temperaturu 60°-dən aşağı, soyuq xörəklərin temperaturu isə 12-
15°-dən yuxarı olmamalıdır).
Qida gündə 6 dəfədən az olmayaraq qəbul edilir, lakin
göstərişlər olduqda xörək tez-tez (hətta gecə də) yeyilməlidir.
14№-li pəhriz – külli miqdarda fosfor-kalsium duzları və
qələvi reaksiyalı sidik ifrazı ilə xarakterizə olunan fosfoturiya
zamanı, xüsusilə böyrəklərdə daş əmələ gəldikdə məsləhət
görülür.
Bu cür pəhriz, sidik vasitəsilə çoxlu oksalatlar, kalsium
duzları ifraz olunduqda (oksaluriyada) və böyrəklərdə daş əmələ
gəldikdə tətbiq olunur. Bundan əlavə, oksaluriya zamanı
tərkibində çoxlu oksalat turşusu (oksaloforlar) və karbohidratlar
olan qida məhsulları az işlədilməlidir.
Pəhrizin təyin edilməsindən məqsəd fosfor-kalsium duzla-
rının sidikdə çökməsinə mane olan və orqanizmdən onların
çıxarılmasına kömək edən əlverişli şərait yaratmaqdan ibarətdir.
368
Pəhrizin ümumi xarakteristikası: turş duzların miqdarı
üstünlük qazanır, qələvi birləşmələr, habelə kalsium duzları ilə
zəngin olan qida məhsulları məhdudlaşdırılır.
Kulinariya emalı adidir.
Pəhrizin tərkibi və kaloriliyi aşağıdakı kimidir: zülallar 100
q (60% heyvan və 40% bitki zülalları), yağlar 100 q, karbo-
hidratlar 400 q, kalorilik 3000.
Vitaminlər: A vitamini 4 mq (sintetik preparatlar şəklində
xörəyə əlavə edilir), B
1
vitamini 4 mq, B
2
vitamini 4 mq, C
vitamini 100 mq-dan az olmamalı, PP vitamini 15 mq. Mineral
duzlar (kalium duzlarından başqa) fizioloji norma daxilindədir.
Xörək duzu 10-12 q, maqnezium 0,5 q, dəmir 15 mq, fosfor 2 q,
kalsium 0,4 q.
Mayenin miqdarı 1,5-2 litr olmalıdır. Qidanın temperaturu
adidir. Qida gündə 4-5 dəfə qəbul edilir.
Bu pəhriz dövri olaraq 5-6 gün müddətinə təyin edilir; son-
ra isə ümumi pəhrizə keçilir. Kalsium duzlarını məhdudlaşdır-
mayan pəhriz variantı, yaranın zəif sağaldığı vaxtlar təyin olunur
və bu pəhrizin tərkibinə çoxlu pendir və kəsmik daxil edilir.
15№-li pəhriz – mədə-bağırsaq sistemi normal vəziyyətdə
olduqda və xüsusi müalicə pəhrizi təyin etməyə dair göstərişlər
olmayan müxtəlif xəstəliklərdə təyin edilir. Bu pəhriz müxtəlif
xəstəliklərin sağalma dövründə ümumi qidalanmaya keçmək
üçün keçid pəhrizi hesab olunur. Bu pəhriz bəzi mədə-bağırsaq
xəstəliklərində (xroniki kolit, anasid qastrit və s.) mənimsəmə
qabiliyyətini yoxlamaq üçün tətbiq edilir.
Pəhrizin təyin edilməsindən məqsəd müalicə müəssisəsi
şəraitində xüsusi müalicə pəhrizi tələb olunmayan zaman xəstəni
qida ilə təmin etmək və xəstənin həzm orqanlarının funksional
qabiliyyətini yoxlamaqdır.
Pəhrizin ümumi xarakteristikası: pəhriz əsas etibarilə fiziki
iş görməyən adamın fizioloji cəhətdən tamdəyərli qidalanma
prinsipi üzrə tərtib olunur. Bu pəhrizdə zülalların, yağların,
karbohidratların, duzların miqdarı və nisbətləri normal; lakin
369
vitaminlərin miqdarı isə normaya nisbətən 2 dəfə çox olur, bəzi
çətin mənimsənilən yağlı qida məhsulları (məsələn, qaz, ördək,
qoyun, mal əti, mal və qoyun piyi) qida payından çıxarılır.
Kulinariya emalı adi və müxtəlifdir.
Pəhrizin tərkibi və kaloriliyi aşağıdakı kimidir: zülallar 100
q (o cümlədən heyvan mənşəli zülallar – 65 q), yağlar 100 q (o
cümlədən heyvan yağları – 80 q), karbohidratlar 400-450 q (o
cümlədən 100 q şəkər), xörək duzu 12-15q, kalorilik 3000-3200.
Vitaminlər: A vitamini 2 mq, (karotin 4 mq), B
1
vitamini 4
mq, B
2
vitamini 4 mq, C vitamini 100 mq, PP vitamini 15 mq.
Kalsium 0,8 q, fosfor 1,6 q, maqnezium 0,5 q, dəmir 15 mq.
Qida payının ümumi çəkisi 3 kq olmalıdır. Mayenin
miqdarı 1,5 litrdir.
Qida gündə 4-5 dəfə qəbul olunur.
5.4. Məhsulların kulinar emalının xüsusiyyətləri
Kulinar emalında yeyinti məhsullarının fiziki-kimyəvi xas-
sələri dəyişilir. Xəstələr üçün xörək hazırlanan zaman bu xüsu-
siyyət nəzərə alınmalı və düzgün emal üsulları tətbiq edilməlidir.
Xəstələr üçün məhsul emalının vəzifəsi xörəyə elə xassələr ver-
məkdən ibarətdir ki, xörək orqanizmin ümumi vəziyyətinə, habe-
lə ayrı-ayrı orqanlar (mədə, ürək və s.) yaxud ayrı-ayrı sistemlər
(əsəb sistemi, damar sistemi və s.) xəstələnən hallarda isə həmin
orqanlara və sistemlərə müalicə təsiri göstərsin.
Məsələn, məlumdur ki, ətin ekstraktiv maddələri güclü
şirətökmə halları yaradır, yəni mədə şirəsini çoxaldır və onun
turşuluğunu qaldırır. Mədə şirəsinin turşuluq dərəcəsinin artması
mədədə selikli qişaların qıcıqlanmasını gücləndirir və beləliklə də
bir sıra mədə xəstəliyinin (yüksək sekresiyalı qastrit, mədə yarası
və s.) gedişatına mənfi təsir göstərir. Müxtəlif emal üsulları tətbiq
edilməklə ətin ekstraktiv maddələrini azaltmaq olar. Məsələn,
bişirilən zaman ətin ekstraktiv maddələrinin bir hissəsi bulyona
370
Dostları ilə paylaş: |