84
Qətnamələrin qəbuluna nail oldu.
YBİQ dövlətlərin beynəlxalq, siyasi və iqtisadi münasibətlərdə
bərabərliyini, onların öz resursları üzərində suveren və səmərəli nəzarəti
həyata keçirmək hüquqlarını təsbit edirdi. Onun əsas konsepsiyalarından biri
xammal və sənaye məhsulları arasında ədalətli nisbətlərin müəyyənləşdiril-
məsi, xammala olan tələbatda enib-qalxmaların kəskinliyin azaldılması
tələbinin qoyulması idi. Qiymətin əmələ gəlməsi mexanizminin dəyiş-
dirilməsi yollarından biri kimi indeksləşdirmə sistemi, yəni ən vacib xammal
növlərinin qiymətləri ilə hazır və emal olunmuş məhsulların qiymətlərinin
əlaqələndirilməsi, bu məhsulların ixracı zamanı preferensiyaların müəyyən
edilməsi təklif edilirdi. İnkişaf etmiş ölkələrin ÜDM-in 1%-i həcmində
məbləğin heç bir şərt qoyulmadan hər il yardım kanalları vasitəsilə
ötürülməsi təklifi də bu tələblərə daxil edilmişdi.
İnkişaf etməkdə olan ölkələrə yeni texnologiyaların ötürülməsi,
onlara öz ərazilərində iqtisadi fəaliyyətə nəzarət etmək, o cümlədən xarici
şirkətləri milliləşdirməkdə suveren hüquqların verilməsi tələbləri də irəli
sürülürdü.
YBİQ dünya təsərrüfatının və beynəlxalq iqtisadi münasibətlərin
gələcəkdə beynəlxalq rəqabətin kortəbii təsiri altında yarana bilməyəcəyini,
inkişafın özbaşına buraxılmış meyillərinin istehsal vasitələrinin planetar
miqyasda səmərəli yerləşməsini təmin etmədiyini, dünyada təsərrüfat
əlaqələrinin müəyyən dərəcədə dövlətlərarası səviyyədə tənzimlənməsinə
ehtiyacın olduğunu təsdiqləyirdi. Bu zaman beynəlxalq bazarların kortəbii
qüvvələrinin zərər vurduğu ölkələrin maraqları nəzərə alınmalıdır.
İnkişaf etməkdə olan ölkələrin əlavə vəsaitlərin verilməsi barədə
tələbləri dünyada gəlirlərin onların xeyrinə yenidən bölüşdürülməsi ilə
nəticələnə bilərdi, lakin Qərbin aparıcı dövlətləri məsələlərin həllini ikitərəfli
və çoxtərəfli münasibətlər səviyyəsinə keçirərək, onları əhəmiyyətli blokada
etdi. Bu, inkişaf etməkdə olan ölkələrin böyük qisminin Qərblə müəyyən
əlaqələndirmə münasibətlərini onlara inkişaf etmiş ölkələrin bazarlarında
əlavə imkanlar verən ümumi preferensiyalar sistemi vasitəsilə qurmasına
gətirib çıxardı.
___________________________________________
Yeni dünya qaydaları
1980-ci illərdə ABŞ həmin dövrədək bərqərar olmuş, sosial-iqtisadi
irəliləyişləri və dünyada güclər arasındakı nisbətləri nəzərə alan beynəlxalq
iqtisadi qaydalara münasibətini dəyişdi. Amerikanın hakim dairələri hesab
edirdilər ki, dünyanın iki sosial sistemə bölünməsi qlobal problemləri əsassız
kəskinləşdirir, beynəlxalq razılaşmaların etibarlılığını azaldır və buna görə
də ABŞ-ın dünya iqtisadiyyatında hakim mövqeyi yenidən bərpa
olunmalıdır. 1991-ci ilin əvvəlində, Qərb ölkələrinin İraqa qarşı hərbi
85
əməliyyatlar apardığı vaxt ABŞ prezidenti "dünyada yeni qaydalar" fikrini
irəli sürdü.
"Yeni dünya qaydaları" ABŞ-ın üstün mövqedə durmasının
dəstəklənməsini nəzərdə tuturdu. Sosializm birliyinin və SSRİ-nin
süqutundan sonra ABŞ dünyada yeganə fövqəldövlət kimi qaldı. ABŞ
qoşunlarının 1993-cü ildə Somali və Haitiyə, 1996-cı ildə BMT-nin bayrağı
altında keçmiş Yuqoslaviyaya yeridilməsi, NATO-nun aparıcı ölkələrinin
1999-cu ilin baharında Yuqoslaviyaya qarşı təcavüzü, 2003-cü ildə İraqın
işğalı bunu sübut edir. Yeni dünya qaydaları iqtisadi sistemin sabitliyinin
yalnız aşkar liderin dominant mövqe tutduğu xüsusi dünya təsərrüfatı
strukturu daxilində təmin edilə biləcəyi barədə müddəaya əsaslanır.
Əsrimizin birinci onilliyində inkişaf etməkdə olan ölkələrdə iqtisadi
vəziyyətin dəyişməsi, Çinin dünyada ikinci iqtisadi qüvvəyə çevrilməsi,
"böyük iyirmiliyin" yaranması bir ölkənin hakim mövqe tutmasına
əsaslanan qaydaya yenidən baxılması üçün əsas verir. Dünya ictimaiyyətinə
qlobal problemlər üzrə ağlabatan razılaşmaların əldə olunmasını və onların
həllində bütün dövlətlərin vicdanlı əməkdaşlığına, sosial və geosiyasi
ədalətə təminat verən demokratik qaydalar bunun alternativi ola bilər.
Mövzu üzrə suallar:
1. "Dünya təsərrüfatı mexanizmi" anlayışının mahiyyətini
izah edin;
2. Dünya təsərrüfatı mexanizmi hansı funksiyaları yerinə
yetirir?
3. Dünya qiymətlərinin dünya təsərrüfatına təsirini
səciyyələndirin;
4. Ssuda faizi kapitalın hərəkətinə necə təsir göstərir?
5. Valyuta məzənnəsinin iqtisadiyyata təsir mexanizmini
izah edin.
6. TMK dünya təsərrüfatına hansı alətlər vasitəsilə təsir
göstərir?
7. Dünya təsərrüfatına təsir göstərmək üçün dövlətlər
hansı alətlərə malikdir?
8. Regional inteqrasiya qruplaşmaları dünya təsərrüfatının
fəaliyyətinə necə təsir göstərir?
9. Beynəlxalq iqtisadi qurumların rolunu səciyyələndirin;
10. Dünyada iqtisadi qaydanın xarakterik xüsusiyyətləri
nədən ibarətdir?
11. Yeni Beynəlxalq İqtisadi Qaydalarla Yeni Dünya
Qaydaları arasında prinsipial fərqlər nədən ibarətdir?
86
Fəsil 4
________________________________________________
Dünyada təkrar istehsal prosesi
Təsərrüfat sisteminin fəaliyyətinin əsasını insan cəmiyyətinin
varlığını təmin edən malların və xidmətlərin istehsalı təşkil edir. Tarixən
istehsal dövlətlərlə məhdudlaşan ərazilərdə inkişaf etmiş, dünya miqyasında
isə pərakəndəlik, səpələnmə ilə səciyyələnmişdir. Dünya istehsal prosesinin
maddi-təşkiledici məzmunu məhsuldar qüvvələrin (istehsal amillərinin)
beynəlmiləlləşməsi, dünya miqyasında yayılmasıdır. Təsərrüfatın bu təzah-
ürü müxtəlif, lakin bir-biri ilə əlaqədar formalarda, o cümlədən beynəlxalq
istehsalın genişlənməsi, ssuda kapitalının hərəkəti, texnologiyalar, mallar və
xidmətlərlə mübadilə şəklində inkişaf edir.
4.1. Beynəlxalq istehsal
Təsərrüfat birliklərinin bilavasitə beynəlxalq istehsalı dünya
iqtisadiyyatının əsas sistem yaradan amilinə çevrilmişdir.
_________________________________________________
Beynəlxalq istehsal anlayışı
Beynəlxalq istehsal dedikdə, xarici sahibkarlıq kapitalının birbaşa və
portfel kapital qoyuluşları formasında iştirakı ilə malların buraxılması və
xidmətlərin göstərilməsi başa düşülür.
Şirkətin səhmdar kapitalının 10%-dən az olmayan məbləğində
yerləşdirilən, başqa ölkələrin sahibkarlıq subyektlərinə onun Direktorlar
Şurasının formalaşmasında və istehsal fəaliyyətinin idarə olunmasında
əhəmiyyətli dərəcədə iştiraka imkan verən pay birbaşa kapital qoyuluş-
larıdır. Nəzarət hüququ verməyən, qiymətli kağızlarda yerləşdirilən xarici
kapital portfel kapital qoyuluşlarına aid edilir. Birbaşa kapital qoyuluşları
səhmlərin əldə olunması, firmalararası borcların alınması və xaricdə
yerləşən törəmə müəssisələrin mənfəətinin yenidən investisiyalara
yönəldilməsi nəticəsində meydana çıxan kapital axınından yaranır.
Birbaşa kapital qoyuluşlarının artımı əsasən mövcud olan xarici
şirkətlərin birləşdirilməsi və bir-birinə qovuşması nəticəsində baş verir və
bu, xarici birbaşa kapital qoyuluşlarının (XBKQ) 60-70%-ni təşkil edir.
1990-cı illərdə inkişaf etmiş ölkələrdə yeni yaradılan müəssisələr onların
ümumi dəyərinin 10-20%-dən çox olmurdu.
Beynəlxalq istehsal bir sıra göstəricilərlə, o cümlədən toplanan
XBKQ-nin həcmi, onların dinamikası və nisbi kəmiyyətlərlə müəyyən
olunur.
Dostları ilə paylaş: |