Maǵlıwmatnama, dápter sırtına jazıw, esabat. Maǵlıwmatnama

Maǵlıwmatnama, dápter sırtına jazıw, esabat.
Maǵlıwmatnama
Maǵlıwmatnama–qanday da bir bolǵan waqıya haqqında maǵlıwmat beriwshi yamasa tastıyıqlawshı hújjet. Maǵlıwmatnamanıń mazmunı boyınsha eki túrde tayarlanadı (xızmet maǵlıwmatnaması, jeke maǵlıwmatnama).
Xızmet maǵlıwmatnaması sanlardan ibarat kesteler túrinde tayarlanıwı da múmkin. Bunday jaǵdayda tekst mazmunın ashıp beriwshi tema qoyıladı.
Kópshilik jaǵdaylarda jeke maǵlıwmatnamalardıń blankaları aldın-ala tayarlanıp, mákemeden, shólkemnen tayar halında beriledi. Egerde tayar blanka bolmaǵan jaǵdayda maǵlıwmatnama aq qaǵazǵa jazılıp mákemeniń móri hám shtampı menen tastıyıqlanadı. Keyninde maǵlıwmatnama bergen adamnıń F.A.Áa. kórsetiledi, qolı qoyıladı.
Maǵlıwmatnamanıń zárúrli bólimleri tómendegilerden ibarat:

1. 
   Maǵlıwmatnama beriwshi shólkemniń atı.
   

2. Qaǵazdıń shep tárepine maǵlıwmatnamanıń qatar sanı, berilgen waqtı (Mákemeniń tórtmúyishli tamǵasına) jazıladı.
3. Hújjettiń atı (Maǵlıwmatnama)
4. Maǵlıwmatnama berilip atırǵan jeke adamnıń ismi-sháriypi.
5. Hújjettiń mazmunı.
6. Maǵlıwmatnamanıń maqseti (tapsırılatuǵın orınnıń atı, maqseti).
7. Hámeldardıń lawazımı, qolı, familiyası.
8. Mór
Maǵlıwmatnama úlgileri

Mákemeniń tórtmúyishli tamǵası.

Onda sol mákemeniń atı, mákan jayı tolıq jazılǵan.
(Maǵlıwmatnamanıń berilgen waqtı hám qatar sanı
ushın qaldırılǵan bos orınlar toltırıladı).
Maǵlıwmatnama
Qurbaniyazova Dilbar joqarıda kórsetilgen mekteptiń 9-klasında oqıydı.
Maǵlıwmatnama poliklinikaǵa tapsırıw ushın berildi.
Mektep direktorı (qolı) ……………….
mór

Pedinstituttıń tórtmúyishli tamǵası.

Onda instituttıń tolıq ataması, mákan jayı jazılǵan.
(Maǵlıwmatnamanıń berilgen waqtı hám qatar sanı
ushın qaldırılǵan bos orınlar toltırıladı).
Maǵlıwmatnama
Baslawısh tálim fakultetiniń 2-kurs studenti Atamuratova Dilbardıń «Jas sportshılar» basketbol komandası aǵzası.
Maǵlıwmatnama sport oyınları kafedrası ushın berildi.
«Jas sportshılar» komandasınıń
bas treneri (qolı) ……………...
mór

QMUdıń tórtmúyishli tamǵası.

Onda universitettiń tolıq ataması, mákan jayı jazılǵan.
(Maǵlıwmatnamanıń berilgen waqtı hám qatar sanı
ushın qaldırılǵan bos orınlar toltırıladı).
Maǵlıwmatnama
M.J. Tursınov qaraqalpaq mámleketlik universitetiniń Shet tilleri fakulteti dekanınıń oqıw isleri boyınsha orınbasarı lawazımında jumıs isleydi.
Maǵlıwmatnama qalalıq social-támiynat bólimine tapsırıw ushın berildi.

Kadrlar bólimi baslıǵı: (qolı) …………………………..

mór
Dápter sırtına jazıw
Ájiniyaz atındaǵı NMPI Túrkiy tiller fakulteti
qazaq tili hám ádebiyatı qánigeliginiń 3^g kurs studenti
Nájimova Aygerimniń sırt eller ádebiyatı páninen
lekciya dápteri

Berdaq atındaǵı QMU Qurılıs fakultetiniń

Qurılıs materialları, buyımları hám konstrukciyaların
islep shıǵarıw qánigeliginiń 1^b kurs studenti
Arziev Nuratdinniń inglis tili paninen ámeliy dápteri

Ózbekstan mámleketlik dene tarbiyası

hám sport universiteti Nókis filialı
Arnawlı sırtqı fakultetiniń eskek esiw qánigeliginiń 2^b kurs
studenti Amirbek Eshanovtıń háreketli oyınlar
páninen seminar dápteri

Qaraqalpaq medicina institutı Stomatologiya,

medicina-profilaktika isi hám Farmaciya
fakultetiniń 412-topar studenti Miyasar
Jumabaevanıń rus tili páninen qadaǵalaw jumısı

Tashkent mámleketlik agrar universiteti

Nókis filialınıń balıqshılıq hám jipekshilik
fakultetiniń jipekshilik qánigeliginiń
1^a kurs student Dármenbaev Murattıń
ózbek tili páninen ámeliy dápteri