61
QARABAĞ ƏDƏBİ MÜHİTİ VƏ
MOLLA PƏNAH VAQİF
M.P.Vaqif yaradıcılığında araşdırılmalı problemlərdən
biri böyük şairin yaradıcılığının mühit kontekstində təhlilidir.
Əlbəttə Azərbaycan ədəbiyyatının tarixinə fikir verdikdə mü-
hitlər səviyyəsində sənətkarların araşdırılması ciddi bir faktura
ilə xarakterizə olunur. Hələ XIV əsrdə M.Əvhədi vurğulayırdı
ki, “Cüneydi, Bağdadı neyləyirsən yad, budur Cüneydin, bax
bu da Bağdad” (83, 236). Bütünlükdə Təbriz və Marağa
timsalında deyilənlər özlüyündə böyük bir mədəniyyəti
sərgiləyir. Şərqdə baş verən prosesləri izlədikdə daha çox
mühitlər səviyyəsində ədəbiyyatın zənginləşməsi, sinxron və
diaxron müstəvilərdə inkişafı özünü göstərir. Burada M.Əvhə-
dinin vurğuladığı Cüneyd və Bağdad islam mədəniyyətinin
çiçəkləndiyi mərkəzlərdəndir. İslamın ilk gəlişində Məkkə və
Mədinə bir mədəniyyət ocağı kimi daha böyük canlanma ilə
müşahidə olunurdusa, sonrakı dövrlərdə artıq yeni ocaqların
formalaşması, mühitlərin inkişafı müşahidə olundu. Səlcvuq-
ların hakimiyyəti dövründə Nizaməlmülkün istəyi ilə yaradılan
Nizamiyyə mədrəsəsinin fəaliyyəti və sonrakı mərhələdə
elmin, mədəniyyətin inkişafı üçün oynadığı rol ölçüyə-
gəlməzdi. Bir növ böyük bir axın buraya can atmış, istedad-
larının pərvəriş tapması üçün həmin mühiti mənimsəməyə
çalışmışlar. Eləcə də Şirvanşahlar, Atabəylər, Qəznəvilər sarayı
ədəbiyyatın, elmin, mədəniyyətin çiçəklənməsi üçün müstəsna
rol oynamışdır. Əbülla Gəncəvi, Xaqani Şirvani, Kafiəddin
Ömər, Fələki Şirvani, İzəddin Şirvani, Vəhidəddin və s. kimi
görkəmli şəxsiyyətlərin Şirvanşahlar sarayında formalaşması
və dünyaya çıxışı bunun nümunəsidir. X.Şirvani məhz buradan
62
öz qaynağını almaqla “şeir səmasının günəşiyəm” söyləyirdi.
Şirvan dövlətçiliyinin tarixi qədər və bəlkə də ondan xeyli
əvvəl Şirvan mühitinin keçib gəldiyi yol, zənginlik tarixi
vardır. Bu günümüzə qədər yaşamaqda və ənənəni daha
sədaqətlə və uğurla qorumaqdadır. Sonrakı çağlarda Ağqoyun-
lu, Qaraqoyunlu, Səfəvilər saray mühitində gedən proseslər
zəngin düşüncə və orijinal yanaşmaların faktı olaraq özünü
göstərir. Dərbənd mühitinin orta əsrlərdə oynadığı rol danıl-
mazdır və məhz A.Ərdəbili öz şeirlərində xüsusi olaraq
vurğulayır ki, “üz tutur Arif Dərbəndə doğru, qızğındı orda
şeirin bazarı”. Bunlar hamısı ənənənin uğurlu hadisəsidir.
Eləcə də XVIII əsrdə baş verənlər, artıq M.P.Vaqifin şəxsində
mühit anlayışı yeni sferaya daxil olur və bütünlükdə bədii
düşüncəni qidalandırır. Vaqif M.V.Vidadi, Ağqızoğlu Piri,
Sarı Çobanoğlu, Kəlibərli Aşıq Əli və s. ilə birlikdə bütünlükdə
Azərbaycan səviyyəsində ədəbiyyata təsirdə olmuşdur.
Qarabağ ədəbi mühitinin tarixi S.Mümtazın “aşıqların
babası” hesab etdiyi Qurbaindən, “Kitabi-Dədə Qorqud” das-
tanlarında vurğulanan informasiyaların verdiyi məzmundan,
işarələdiyi bilgilərdən, daha qədimlərə getdikcə Azıx
mağarasındakı arxeoloji abidələrdən, Quruçay tapıntılarından
bu yana olanlarda özünü göstərir. Seyid Mir Həmzə Nigari
vurğulayırdı ki, “eşqin kanı Qarabağdı vətənim, bülbülü
şeydayam, cənnət yerimdi”. M.V.Vidadi “küllü-Qarabağın abi-
həyatı, nərmü nazik bayatıdır, bayatı” deyirdi. S.Vurğun
“könlüm keçir Qarabağdan” söyləyirdi. Bütün bunlar və bu
kimi faktlar həmin zənginliyi ifadəyə və diqqəti onun açımına,
olanların öyrənilib mənimsənilməsinə yönləndirir. Olanların
mahiyyətində isə M.P.Vaqif qüdrəti, onun ədəbiyyata,
ədəbiyyat tarixinə verdiyi töhfələr, Qarabağ xanlığında
63
oynadığı rol, siyasi xadim kimi fəaliyyəti, Azərbaycanın
ictimai, siyasi, mədəni mühitinə verdikləri və nələrlə təmsil
olunması dayanır və əsaslı fakt olaraq mühitin və M.P.Vaqifin
həyat yolunun aydınlaşmasını zəruri edir. Qasım bəy Zakir,
Baba bəy Şakir, Məhəmməd bəy Aşiq, Ağabəyim ağa Ağabacı,
Mirzə həsən Mirzə, Aşıq Pəri, Cəfərqulu xan Nəva,
Xurşudbanu Natəvan, Abdulla bəy Asi, Məşədi Məhəmməd
Bülbül, Mir Mehdi Xəzani, Sədi Sani Qarabaği, Molla Qasım
Zakir, Kərbəlayi Abdulla ibn Canı, Əbülfət xan Tuti, Kərbəlayi
Səfi Valeh təxəllüs və s. onlarla sənətkar mühitin
zənginləşməsində, Vaqif ənənəsinin bu və ya digər şəkildə
yaşarlığında mühüm rol oynamışlar.
Molla Pənah Vaqif 1717-ci ildə Qazax mahalının Qıraq
Salahlı kəndində anadan olmuşdur. Atası Mehdi ağa dövrünün
müflisləşmiş bəylərindən idi. Qır iki yaşına qədər Qazaxda
yaşamış Vaqif dövrünün elmlərini mənimsəmiş, mükəmməl
biliyə yiyələnə bilmişdir. Onun fitri istedadı, yüksək yaradıcı
qabiliyyəti aldığı biliklər bir-birini tamamlamış və tezliklə
mühitdə, ətraf bölgələrdə tanınmasına səbəb olmuşdur.
Dövrünün yüksək səviyyəli ziyalısı Şəfi Əfəndidən (Daşs
Salahlı kəndində) mükəmməl təhsil alan Vaqif 1759-cu ildə
Gürcüstanla sərhəddə baş verən siyasi gərginlikdən sonra yerli
camaatla birlikdə doğma yurdunu tərk etməli olur. F.Köçərli bu
vəziyyəti təfərrüatı ilə qeyd edərək yazır: “Gürcüstan padşahı
İrakli xanın vaxtında və Qazax mahalının vəkili Pənah ağanın
zamanında bir para şuriş və inqilabın vüquuna görə Qazax
mahalından bir neçə elat Gürcüstan hökumətinin zülm və
təəddisindən təngə gəlib Qarabağ vilayətinə köçüb gediblər.
Məzkur elat bunlardır: Qaracarlı, Cinli, Salahlı, Dəmirçi-
həsənli, Qızılhacılı, Qaraqoyunlu, Alpaut, Səfikürd, Boy-
Dostları ilə paylaş: |