58
tərəfidir, digər tərəfində Qarabağ sarayında rəsmi dilin fars dili
olması müqabilində öz doğma dilinə üstünlük verməsi və
bütünlükdə istedadı, qabiliyyəti, ensiklopedik zəkası ilə sarayı
mənimsəməsidir. Bir qədər də dəqiq desək sarayın yaradıcı
istiqamətini, düşüncəsini xalq şeirinə, anadillli ədəbiyyatın
inkişafına istiqamətləndirməsidir. Əlbəttə bu elə də asan
məsələ deyildir və bunun üçün elə nüfuz və istedad sahibi
olmaq lazım idi ki, mühiti təsirdə saxlaya, istedadla sarayı və
mühiti əsir eyləyə biləsən. Vaqif dühasının əzəməti məhz yüz
illər boyu hökm sürən bədii düşüncənin istiqmətini yeni
məcraya yönəltməsindədir. “Oxumaqla doyulmamasında”,
“bütün kitabı götürüb başına çəkmək və içmək istəyi”ndədir.
V.Q.Belinski “M.Y.Lermontovun şeirləri” məqaləsində
poeziyanın bir sistem olaraq mahiyyətini ortaya qoyur və yazır:
“Poeziya – bir günahsız körpənin təbəssümü, onun aydın
baxışları, onun cingiltili səsi və canlı sevincidir. Poeziya –
gözəl bir qızın yanaqlarında utancaqlıq qızartısı, onun dənizə
və səmaya bənzəyən mavi gözlərinin həlim parıltısı, yaxud
onun qara gözlərinin parlaq atəşi, onun mərmər çiyinlərində
oynayan qıvrım saçlarının dalğaları, onun zərif sinəsinin
həyəcanla qalxıb enməsi, onun cazibədar səsinin harmoniyası
(ahəngdarlığı), füsunkar dilinin musiqisi, onun qamətinin gözəl
biçimi, onun canlı fiqurunun poetik qabarması və
möhtəşəmliyi, onun məftunedici işvələrinin zərifliyi və
incəliyidir. Poeziya – tükənməz enerji ilə qaynayan bir gəncin
odlu baxışları; poeziya onun cəsarət və dözümü, onun təşnə
arzuları, onun həyati ehtiraslarının coşqun təlatümləri – onun
öz alovlu sinəsində göyləri, yerləri qucaqlamaq, həyat badəsini
dibinə qədər içmək cəhdidir. Poeziya – artıq həyat üçün
yetişmiş, özündə kişilik qüdrətini cəmləşdirən, onun həyat
59
təcrübələri ilə, ruhunun tarazlaşmış gücü ilə, döyüşə və
qəhrəmanlığa hazır olan işıqlı baxışları ilə cəmləşdirilmiş
qüvvəsidir. Poeziya- bir qocanın solğun gözlərinin zərif
işartısıdır. Poeziya – varlığın işıqlı təntənəsi, bizimlə nadir
dəqiqələrdə qəflətən görüşən həyat səadəti, bu, insan
ehtiraslarının sərməstliyi, uyuması və zərifliyidir, duyğuların
təlatümü və tufanıdır, sevginin kamilliyi, həyat ləzzətinin
heyrətamizliyi, kədərin şirinliyi, əzabların nadir xoşbəxtanəliyi,
göz yaşlarının həris yanğısıdır; bu, insanın harayasa, hansısa
cəlbedici, əlçatmaz tərəfə ehtiraslı, yorucu, qüssəli
yaxınlaşmaq cəhdidir. Bu, insanın hər şeyi bağrına basmaq, hər
şeyə əriyib qarışmaq kimi əlçatmaz arzusudur. Bu elə bir ilahi
pafosdur ki, burada bizim qəlbimiz kainatın ahəngi ilə bir
vurur; burada insanın sərməst baxışları önündə ali varlığın
örtüksüz, şəffaf illüziyaları uçur; insanın məftun olmuş
qulaqlarında isə dünyaların və kainat sferalarının harmoniyası
eşidilir; poeziya - elə bir ilahi pafosdur ki, dünya səmavi
işıqlara boyanır, səma isə yerlə birləşir və bütün təbiət toy
şəfəqlərinə bürünür, insanın özü isə onun ruhu ilə barışan sehrli
heroqliflərə dönür... Bütün dünya, bütün çiçəklər, rənglər və
səslər; həyatın və təbiətin bütün formaları və təzahürləri
poeziya hadisəsinə çevrilə bilər; lakin onun mahiyyəti həmin
bu hadisələrdə güclənir, onların varlığını canlandırır, bu
hadisələrlə həyatın oyunlarına heyranlıq gətirir. Poeziya –
dünya həyatı pulsunun döyüntüləridir, onun qanı, atəşi, işığı və
günəşidir” (19, 643-644). Göründüyü kimi, burada poeziyanın
ilahi gücü, sona qədər açılması mümkünsüzlüyünün mahiyyəti
bütün tərəfləri ilə özünün ifadəsini tapır. Məhz klassiklərin
yaradıcılığı, yaratdıqları şedevrlər zaman-zaman təhlil olunur,
yozulur, yenə də sözə, ciddi mülahizələrə ehtiyac yaranır.
60
Vaqif yaradıcılığı da müasirlərinin, eləcə də ondan sonrakı
dövr sənətkarlarının zaman-zaman diqqətində olmuş və bundan
sonra da olacaqdır. Azərbaycan bədii düşüncəsi, eləcə də türk
bədii-estetik məkanı bu sənətkarın yaradıcılığına vaxtaşırı üz
tutacaq və oradan daha maraqlı, fundamental qənaətlə yoluna
davam edəcəkdir. Necə ki, anadan olmasının üç yüzillik
dönəmində onun yaradıcılığının mahiyyətini açmağa, enerji
qaynaqlarını aydınlaşdırmağa və deyilənlər kontekstində
tipoloji təhlillərə üstünlük veririk. Bir üç yüz il bundan sonra
da daha nəzəri, daha fundamental yanaşmalarla bu tip təhlillər
aparılacaq, Vaqif yazılacaq, yozulacaq, yazıldıqca, zaman
keçdikcə xalqa daha da yaxın olacaqdır. Çünki onun
düşüncəsinin qaynağında dayanan milli konsepsiya etnosun
özünü dərkinə, ən ağır məqamlarda, tarixin və cəmiyyətin
müxtəlif
dönəmlərində
müxtəlif
formalarda
qayıdışı,
özünüdərki zəruri edcir. Bugünkü qloballaşan dünya da məhz
qlşoballaşmadan çox özünüdərkə, arxetiplərin hərəkətinə
istiqamətlənir, qalanları elə də ciddiyyətlə təqdim edə bilmir.
Qloballaşmanın yolu isə yüz cür çək-çevir etsək belə özünü-
dərkdən, milliliyin dünyəvilik müstəvisində qorunuşundan
keçir. Bədii məkan isə bunu siyasi şərhlərdən, diplomatik
mexanizmlərdən daha uğurlu və müsbət olan kimi qoyur.
Klassiklərin yaradıcılığı bu mexanizmin aydınlığı üçün
müstəsna əhəmiyyət daşıyır. Ona görə də Vaqifin milli
düşüncəsinin hüdudları bütünlükdə türkün milli düşüncəsinin
hüdudları qədər genişdir, dünyəviliyə, cahanşümul dəyərlərə,
bəşər mədəniyyətinin qorunuşuna hesablanmış sistemdir.
Bwtwn bunlar XVIII əsr Azərbaycan intibahının Vaqif milliliyi
ilə reallaşdığını aydınlaşdırır.
Dostları ilə paylaş: |