49
forma N.Gəncəvi də, eləcə də XIII əsrə qədərki ədəbiyyatda
siyasi mühitin, bütövlükdə dövrün mənzərəsinə diqqət yetirmə-
yin gərəkliyini aktuallaşdırır. Məhz bu mənada M.Ə.Rəsulzadə
problemi məzmun anlamında təhlil edir. N.Gəncəvi Azərbay-
can, Şərq və dünya ədəbiyyatı müstəvisində olduqca ciddi
təhlillərin probleminə çevrilib və onun yaradıcılığında problem
olan mövzulardan biri milli yaddaşı hansı səviyyədə ehtiva
etməsi ilə bağlı olan məsələdir. Biz də N.Gəncəvini düşüncə
etibarilə milli mədəniyyətin hadisəsi kimi qəbul edirik və
məsələnin də mahiyyətini bu baxımdan şərhin tərəfdarıyıq. Bu
təkcə N.Gəncəvi ilə bağlı problem deyil, bütünlükdə ərəb və
fars dilində yazıb yaradan azərbaycanlı şairlərlə bağlıdır.
Ancaq XIII əsrdən sonrakı mərhələdə ədəbiyyatın inkişaf
xəttini izləyəndə M.Füzuli milliliyi artıq mövzu ilə anadilli
ədəbiyyat nümunələrində boy göstərir. Düzdür ədəbi-nəzəri
fikir əruz vəzninin bəhrlərində azərbacan dilinin spesifikasına
uyğunluq məsələlərini vurğulayırlar. Ancaq M.Füzulidəki mil-
liliyin boyartımı artıq yeni texnologiyalarla, düşüncə nümunə-
lərinin ortaya qoyulması ilə reallaşır. Nizami milliliyindən
Füzuliyə oradan da M.P.Vaqifə gələn yolun ümumi mənzərəsi
ciddi inkişafı və fərqliliyi aydınlaşdırır. Bütünlükdə düşüncədə
oturuşanlar və gəldiyimiz qənaətlər tarixi-ictimai prosesin
milliliyə gedən yolunun ziqzaqlarını, elə də uğurlarla səciyyə-
lənməsi qənaətini ortaya qoymur. “Teymur fütuhatından və
Teymurilərin təşəbbüsü ilə saraylar türkləşməyə başlayır.
Nəticədə türk ziyalıları ilə hakim siniflər arasında, farsların
klassik ədəbiyyatına bənzər klassik türk ədəbiyyatına qayğı
göstərməyə bir ehtiyac yaranır.
Şirəsini, köklərini türk xalqları içərisində yaşayan milli
təsisatlardan alan və digər ictimai amillərlə də güclənən bu
50
ehtiyacın getdikcə əhəmiyyət kəsb edən təkamülü nəticəsində,
nəhayət, şərqdə Hüseyn Bayqaranın sarayı ilə vəziri Əlişir
Nəvainin məclislərində, qərbdə isə, Azərbaycanda hökm sürən
Ağqoyunlu Sultan Yaqubun, sonra da Səfəvi şahlarının (ilk
dövrlərdə) saraylarında klassik türk ədəbiyyatı yüksəlmiş olur”
(81, 19). Göründüyü kimi, tarixi proses bir zərurət olaraq
etnosu özünüdərkə istiqamətləndirir və Teymurun və
Teymurilərin dövrünü baş verənlər üçün qaynağa çevirir.
Ərəblərin, farsların klassik ədəbiyyat düşüncəsinə uyğun
ədəbiyyatın, milli olanın yaradılması (daha doğrusu anadilli)
siyasi, ictimai və mədəni mühitdə dərk edilir. XIII əsrdən
başlayan təkamül, oyanış məhz öz istiqamətini siyasi arenaya
da yönləndirdi; Şərqdə Hüseyn Bayqaranın, qərbdə isə Sultan
Yaqubun, Səfəvilər sarayının rolu bu prosesin gedişində aparıcı
mahiyyəti ilə dərk olundu. Səfəvilər xanədanının bütün
dövrlərində bu proses eyni xətdə davam etməmişdi. Bəzən
farslaşma prosesi aparılsa da, ancaq hərəkatın dönməzliyi XVII
əsrdə möhtəşəm abidələrin yaranışı ilə pərvəriş tapdı. Əlbəttə
burada siyasi, ictima, mədəni mühitin ümumi mənzərəsini
birmənalı uğurlarla səciyyələndirmək mümkün deyildir. Milli
düşüncənin Səfəvilərin gəlişi ilə başlayan inkişaf tendensiyası
Şah Abbasla (1587-1629) fərqli məcraya yönəlməsinə rəvac
verdi. Mərkəzi hakimiyyətin İsfahana köçürülməsi (1598)
sonrakı proseslərin yönünü müəyyənləşdirirdi. Lakin xalqın
düşüncəsində olan oyanış və tutulan yolun dönməzliyi axıra
qədər bu prosesin davamlılığına elə də şərait yaratmadı. Geniş
kütlə ilə siyasi hakimiyyət arasındakı ziddiyyətlər, vergilərin
həddindən çox artırılması (30-a yaxın töycü və mükəlləfiyyətin
adı çəkilir) mənsubluq missiyasının aparıcılığını, etirazların baş
qaldırmasını zəruri edirdi. Səfəvilərin hakimiyyətinin ümumi
51
sistemində baş vermiş dəyişikliklər, xalqla hakimiyyət arasında
olan çatlar bir növ etirazlara, siyasi hakimiyyətə qarşı
narazılıqlara gətirib çıxarırdı. Təbrizdə 1571-1573-cü ildə baş
vermiş sənətkarların üsyanı, 1608-1610-cu illərdəki üsyan,
eləcə də sonrakı illərdə olanlar hakimiyyətin siyasi qanadında
da fikir ayrılıqlarına gətirib çıxarırdı. Onu da əlavə edək ki,
“Səfəvilər dövlətinin quruluşunda baş vermiş dəyişikliklərə
baxmayaraq Azərbaycan feodalları dövlət aparatında və orduda
mühüm mövqeləri mühafizə edirdilər. Orduda və İsfahandakı
səfəvilər sarayında bu sülalənin hakimiyyətinin sonlarına qədər
Azərbaycan dili hakim dil olaraq qalırdı” (16, 167). Lakin
hadisələrin gedişi, siyasi arenada baş verənlər birmənalı qarşı-
lanmır, milli özünüdərki dönməz bir proses olaraq zərurətə
çevirmişdi. Məhəmməd Əmaninin, Məsihini, Fədainin, Saib
Təbrizinin, Qövsi Təbrizinin yaradıcılığında boy göstərən milli
düşüncə, etnos dəyərlərinə meyillilik klassik ənənəyə nə qədər
bağlansa da, mahiyyətində milli yaddaşdan gələnləri, arxetiplə-
ri hərəkətli edirdi. M.Əmanidə bu daha aydın və təfərrüatlı
görünürdüsə və xalq şeirinə meyilliliklə izahlanırdısa, digər bir
qrupda, zadəgan ədəbiyyatı düşüncəsi ilə qeyd olunanlarda
artıq üslubun, təhkiyənin, düşüncə mexanizmlərinin özü qocal-
ma, geriləmə prosesi keçirirdi. Klassik üslub bütün zamanlarda
olduğu kimi yüzə-yüz xalq düşüncəsini, onun ruhunda,
mahiyyətində olan ehtiyacları ödəyə bilmir və onun təminatçısı
funksiyasında özünü doğrultmurdu. Artıq mövcud aparıcı
düşüncənin özünün enişi başlamışdı. M.Füzuli ilə möhtəşəmlik
dövrünü yaşayan klassik üslub sonrakı yüzillikdə yeni bir
hərəkata, ədəbi axının oyanışına zərurət duyurdu. Məsihi,
Fədai, S.Təbrizi, Q.Təbrizi və digərləri bu enişin qarşısını
almaq imkanından çox uzaq idilər. Bunun yerini isə etnosun
Dostları ilə paylaş: |