Mavzu : abu ali ibn sino ijodida oila tarbiyasi reja: I. Kirish. I. Bob. Ibn sino ijodida oila tarbiyasi

II BOB. IBN SINO IJODIDA OILA TARBIYASINI AMALGA OSHIRISHNING YO‘LLARI, TEXNOLOGIYASI
2.1 Ibn Sino ijodida oila tarbiyasining o’rni.
Inson ma’naviyatining shakllanishida oilaning o‘rni juda katta. Oila ham jamiyat taraqqiyotiga va oila a’zolari o‘rtasidagi mehnat bo‘linishiga qarab mohiyatini o‘zgartirib turadi. Ota-onalarning o‘z hayotlari, turmush tarzlari, bola shaxsida ilmiy dunyoqarash asoslari, ma’naviy, ahloqiy, nafosat, mehnat va ijtimoiy omillarni shakllantirish maqsadida tizimli ta’sir tarbiya deyiladi. Oilalar respublikamiz shahar va qishloqlarining yagona ijtimoiy-iqtisodiy umumiyligi asosida rivojlanadi.
Oilada o‘zaro hamkorlik, o‘zaro yordam, bir-biriga ishonch holati mavjud ekan, bunday oilada rostgo‘y, samimiy, mehribon, o‘rtoqlariga doimo yordam berishga tayyor bo‘lgan inson kamol topadi. O’zida odobli kishida xos fazilatlarni mujassamlashtirgan kishilarning oilalarida doimo huzur-halovat va samimiy hurmat qaror topadi.
Kelajagimizning qanday bo‘lishi hozirgi kunda biz tarbiyalayotgan yoshlarga bog‘liq.
Bunday ulkan vazifani amalga oshiruvchi asos oiladir. Oila jamiyatning boshlang‘ich ijtimoiy bo‘g‘in sifatida murakkab tarkibga ega bo‘lib, u o‘z faoliyatida oila a’zolarining ehtiyoji va qobiliyati, turli faoliyatining maqsad va vazifalarigina emas, balki tarbiyaviy faoliyatining hayotiyligi ikki tomonlamadir:
-birinchidan, jamiyatning kichik bir qismi, ijtimoiy o‘zgarishlarni o‘ta sezgirlik bilan ilg‘ab oladigan, o‘zida aks ettiradigan belgidir. Shunga asoslanib oilaviy tarbiyani ijtimoiy tarbiyaning asosiy qismlaridan biri deb hisoblash lozim;
-ikkinchidan, oilaning murakkab va ko‘p qirrali faoliyati uning vazifalari va tuzilishlariga, ijtimoiy turmush tarziga, oila a’zolarining ijtimoiy faoliyatiga, uning barcha qiziqishlari, ehtiyojlari va munosabatlariga bog‘liqligini nazardan qochirmaslik kerak.
Oilaning tuzilishi va vazifalarini tahlil qilib, u jamiyatning ijtimoiy ma’naviy o‘zagi ekanligini yana bir bor ayon bo‘lmoqda. Shu sababli oilaning aniq bir maqomi, asos bo‘lishi kerak va u kishilar o‘rtasidagi munosabatlarini tartibga solish, yoshlarda ahloqiy fazilatlarni, jismoniy kamolotini, aqliy ziyraklikni shakllantirilishi zarur.
Jamiyatning moddiy va ma’naviy kamoloti yoshlarini turli ijtimoiy vazifalarni bajarishga, to‘plangan munosabatlarga doir tajribalarga, moddiy va ma’naviy qadriyatlarga har tomonlama va uzoq tayyorlash lozimligini talab etmoqda. Oilaviy tarbiyada muhim ahamiyat kasb etuvchi ob’ektiv omillarga oilaning moddiy farovonligi, daromadlarning turlari, darajasi, maktabgacha muassasalardan foydalanish, shuningdek, oila a’zolarining soni, tarkibi va boshqalarni kiritish lozim. Sub’ektiv omillarga esa oiladagi o‘zaro munosabatlarning o‘ziga xos xususiyatlari, ma’lumoti, oila a’zolarining madaniy-ma’naviy saviyalari, ota-onalarning muomala madaniyatlari va boshqalar kiradi.
Oilaviy tarbiyaning murakkabligi yana shundagi, har bir oila o‘ziga xos bir olam, jamiyatning o‘ziga xos kichik uyushmasi bo‘lib, tarbiya ishida o‘ziga xos xususiyatlarni namayon etadi. Ana shuning uchun ham oilaviy tarbiyaning shakli va xususiyatlari umumlashtirish va unga biron bir tavsiyalar berish noqulay va qiyindir. Ota-onalar qanchalik ma’naviy boy, e’tiqodli va yuqori ma’lumotga ega bo‘lsalar shu darajada takomilashgan uslub orqali o‘z farzandlarini tarbiyalaydilar.
Ular faqat maslahat berish, maqullash, mukofatlash, jazolash, suhbat va hikoya, fikr almashishgina emas, balki shaxsiy namunalari-bolalari bilan birgalikda ishlash, ularni mehnat faoliyatiga tortish orqali ham tarbiyalaydilar. Bolalar faoliyatiga ta’sir etish ishtirok etish, ularga tarbiyaviy ta’sir ko‘rsatishning eng samarali usulidir. Agar bolalar ota-onalarning jismoniy mashg‘ulotlariga o‘ta qiziqish bilan munosabatda bo‘lishsa, ular o‘rtasida do‘stona munosabatlar qaror topadi. Bolalar ota-onalardan, aka va opalaridan o‘zora munosabat mezonlarini o‘rganib, nima yaxshi-yu nima yomon, nima foydali-yu va nima zararli ekanligini bilib oladilar. Ular haqida yaqin tasavvurga ega bo‘ladilar. Bundan tashqari, oila tajribali va kasbi jihatidan turlicha yoshdagi kishilarning birlashtirib turadi. Oila a’zolarining turmush va hayotiy tajribalari, madaniy saviyalar qanchalik boy bo‘lsa, ular bolalar bilan shu darajada yaxshi muloqotda bo‘la olishadi, bolalarning qiziqishlarini jismoniy tarbiya o‘stira olishadi.
Oilada bolalarga jismoniy tarbiya berishda ota-onalarning namunali, ularning sport sevarligi, oilaviy ishlarga javobgarligi, ish yuritish, o‘g‘il bolalarga nisbatan otaning qizlarga onaning ustozlik, rahnomalik ishlari asosiy o‘rinni egallaydi.
Bolani so‘kishga, qo‘pol gapirishga o‘rgatish, uni odatdan tashqari erkalash nomaqul usuldir.
Xalq pedagogikasida ta’kidlaganidek “Bola aziz, odobi undan aziz”, “Bola tarbiyasi beshikdan”, “Bolaning erkasi bitning sirkasi”, “Erkalatsa onasi, tanti bo‘lar bolasi”, “Qizni erkalatsa joningga tegar, o‘g‘ilni erkalatsang burningga tepar”.
Oilada har bir bolaning hatti-harakatiga nisbatan rag‘batlantirish yoki qattiqqo‘llik bilan munosabatda bo‘lish, tanbeh berish, jazolash tarbiyada sinalgan metoddir. Ona bolani qilgan hatti harakati uchun jazolayotganda, nasihat qilayotganda ota uni tarafini olmasligi, ota tarbiyaviy ish olib borayotganda esa ona aralashmasligi lozim. Bu bolani ikkiyuzlamachi, hech qanday tenbeh jazodan qo‘rqmaydigan, yolg‘on so‘zlovchi, ota-onaning har ikkalasini ham hurmat qilmaydigan obro‘siz qilib qo‘yadi.
Oilada farzand tarbiyasida sinalgan tarbiya metodlaridan biri-namunadir. Bolaga aqliy, axloqiy, estetik, diniy, jismoniy mehnat tarbiyasi asoslari ota-ona namunasi asosida singdirib boriladi.
Oilada farzandni tejamkorlikka, tadbirkorlikka, tashabbuskorlikka o‘rgatish, dunyoviy ilmlar va hayot ilmidan voqif etish, kasb- hunar sirlarini qunt bilan egallashlari uchun shart-sharoit yaratib berish, ularning hayot so‘qmoqlarida adashib qolmasligi va ravon yo‘ldan borishda yordam beradi.
Shunday qilib, oila tarbiya maskani bo‘lib, shaxsning kelajagi shu maskanda tarbiyaning qanday amalga oshirilishiga, tarbiyasi hisoblanmish ota-onaning o‘z burch va vazifalariga munosabatda bo‘lishiga bog‘liqdir.
Oiladagi har bir kishining o‘z burch va vazifalariga mas’uliyat bilan yondashishi oila mustahkamligi, jamiyat farovonligiga erishishning omilidir.
Mamlakatimizda bolalar to‘g‘risida, onalar haqida g‘amxo‘rlik qilish chinakam davlat ahamiyatiga molik ishdir. “Jamiki yaxshi narsalar-bolarga” shiori yanada baralla jaranglamoqda.
Ma’lumki, bola maktabga kelganga qadar ham, maktabda o‘qish davrida ham, asosan oilada tarbiyalanadi. Oila davlatning asosiy ko‘rtagi sifatida bolalarning dunyoqarashi, xulqi va didiga ta’sir ko‘rsatishi tabiiy holdir. Oila a’zolarining ma’naviy birligi yoshlarni har tomonlama kamol toptirishning darstlabki va asosiy omillaridan biri hisoblanadi.
Ota-onalarning o‘ziga va bolalariga bo‘lgan talabchanligi, katta va kichiklarning o‘zaro munosabatlari, do‘stona muhit, ishonch va o‘zaro bir-birlarini tushunish oila, mahalla va maktab bolalar jismoniy tarbiyasi yuzasidan olib boriladigan muhim omillardan biridir. Bundan birlikni ro‘yobga chiqishida, eng avvalo, ota-onalarning ongliligi muhim rol’ o‘ynaydi. Chunki, ota-onalarning faolligi oilaviy hayotda o‘z ifodasini topadi.
Bola tarbiyasi yuzasidan oila, mahalla va maktab hamkorligi hozirgi kunimizning dolzarb masalaligi ham mana shundadir. Chunki, birinchidan, bola tarbiyasida oila, mahalla jamoatchilik hamkorligini o‘zi murakkab jarayon bo‘lib, ishlab chiqarish jamoalari vakillari, yoshlar, kasaba uyushmalari ishtirok etadilar. Ikkinchidan, ota-onalar va qarindosh-urug‘lar turli mehnat jamoalarining vaklillari bo‘lib, ishlab chiqarish va yoru do‘stlarning ma’naviy hayotlaridagi omillari muhokama qiladilar. Ularning hayotga, san’atga, oilaviy majburiyatlarga bo‘lgan munosabatlari haqida gapiradilar.
Uchinchidan, o‘zbek oilalari, ularning hayot tarzi jumhuriyatmizdagi o‘lkan ijtimoiy voqealar natijasida sifat jihatidan o‘zgarishlarga uchramoqda. Shu sababli hozirgi kunda oilaviy tarbiyada sifat va mazmun jihatidan o‘zgarishlar qilish uchun yangi samarador yo‘l va usullar qidirilmoqda.
“Kadrlar tayyorlash milliy dasturi”ning 4-bo‘lim 6-bandida “Muassasa tashkilotlarning, mahalliy hokimiyat organlarining, savdo-sotiq, doiralarining, jamiyat tashkilotlarining, fondlarning va homiylarning vakillarini o‘z ichiga oluvchi vasiylik va ko‘zatuv jamoat boshqaruv tizimi joriy etiladi” deb belgilab berilgan.
O’zaro hamkorlik ishlarini belgilab berish, boshqarish uchun joylarda o‘z tarbiyaga mahallalar faollari, obro‘li ota-onalardan, o‘quv-tarbiya muassasalarining tajribali xodimlaridan, mahalla hududida joylashgan turli tashkilotlarning xodimlaridan turli yo‘nalishlarda faoliyat ko‘rsatadigan kichik tashabbuskor guruhlarni tuzishi mumkin.
Jamoatchilik kengashi ma’lum bir muddat mo‘ljallangan ish dasturini tuzish va uni mahalla yig‘inida tasdiqlab olish, amalga oshirishi zarur bo‘ladi.
Qayd etilgan tadbirlar davra suhbatlaridan, biron bir mavzuga yoki muammoga qaratilgan kengash va majlislardan, anjumanlardan, mahalla ahlini birlashtiruvchi, ularni sog‘lom turmush tarziga yetaklovchi ko‘rik-tanlovlar, musobaqalar, bellashuvlar, uchrashuvlar va turli sanalarga bag‘ishlangan anjuman va tantanalardan iborat bo‘lishi mumkin.
Joriy qilingan jamoatchilik kengashi o‘z faoliyati to‘g‘risida mahalla ahliga har chorakda bir marotaba hisobot beradi. Zarurat tug‘ilgan o‘quv-tarbiya muassasalari, mahalla faollari, mahalla hududida joylashgan tashkilot, korxona va idoralarning ta’lim-tarbiya yuzasidan olib borilayotgan ishlari to‘g‘risidaga hisobotlarni tinglab, ularga amalga va nazariy yordam berishi ish samarasiga va uning izchilligiga ijobiy ta’sir ko‘rsatadi.
Ota-ona davlat boshlig‘imi, yoki oddiy fuqaromi, baribir, u bola tarbiyasi borasida mas’uldir. Ibn Sinoning ushbu fikrlari o‘sha davrda qanchalik ilg‘or va dolzarb bo‘lsa, bugungi kunimizda ham u o‘z kuchini yo‘qotgani yo‘q.
"Ibn Sino va tadbiri manzil" deb nomlangan asarning "Siyosati mard dar borai farzand-ash", ya’ni "Otaning bola tarbiyasiga munosabati" bo‘limida mutafakkirning ota-ona vazifalarini batafsil yoritganligi bayon etiladi. Uning fikricha, tarbiyachi, ya’ni ota-ona yollagan shaxs "nafaqat so‘z bilan, balki amalda ham bola ruhiga ta’sir ko‘rsatmog‘i lozim".
XI asrning buyuk mutafakkiri Yusuf Xos Hojib o‘zining "Qutadu bilig" – "Saodatga boshlovchi bilim" – kitobida o‘zining oila va oilaviy munosabatlarga oid qarashlarini bayon etadi. Uning fikricha, farzand ko‘rish va unga tarbiya berish har bir inson uchun buyuk baxtdir, ularsiz hayotning maonosi yo‘q.