Mavzu: Ota-ona va bola munosabatlarini psixik xususiyatlarining tahlili
Yüklə 111,3 Kb.
|
- Bu səhifədəki naviqasiya:
- Mavzu: Ota-ona va bola munosabatlarini psixik xususiyatlarining tahlili. Reja
- Tayanch tushunchalar
- Obyekti
- Nazariy qism: 1. “Ota-ona – bola” munosabatlari tizimi
|
Mavzu: Ota-ona va bola munosabatlarini psixik xususiyatlarining tahlili O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI NAVOI DAVLAT PEDAGOGIKA INSTITUTI SAN’ATSHUNOSLIK FAKULTETI PEDAGOGIKA VA PSIXOLOGIYA TA’LIM YO’NALISHI 3-,,B’’ GURUH TALABALARI MUHAMMADOVA RUSHANA NASVALIYEVA ZARINALARNING XULQI OG’ISHGAN BOLALAR PSIXOLOGIYASI FANIDAN ,, OTA-ONA VA BOLA MUNOSABATLARINI PSIXIK XUSUSIYATLARINING TAHLILI’’ MAVZUSIDA TAYYORLAGAN DARS ISHLANMASI Mavzu: Ota-ona va bola munosabatlarini psixik xususiyatlarining tahlili. Reja: 1. “Ota-ona – bola” munosabatlari tizimi. 2. Reproduktiv xulq psixologiyasi. 3. Perinatal psixologiya. 4. Onalik va otalik psixologiyasi. 5. Bola tomonidan ota-onalarning va ota-onalikning idrok etilishi. Tayanch tushunchalar: Ota, ona, bola, perinatal, reproduktiv, ota-ona psixologiyasi, bog’langanlik psixologiyasi, deprivatsiya, depressiya, protektsiya, giperproteksiya, emotsional raddiya, ustanovka, gipoproteksiya. Vazifasi: Ilmiy manbalar tarixan insoniyat ota-ona va farzandlar munosabatlari o`ziga xos bosqichlar va rivojlanish qonuniyatlarini boshidan kechirganligini o’rganish. Obyekti: Ota-ona va bola munosabatlarini psixik xususiyatlarining tahlili. Maqsadi: Bashar tarixi shundan dalolat beradiki, zamonlar osha ota-onaning bolaga nisbatan xususiy mulkday qarab, uning ustidan hukmronlik qilishi borgan sari farzand ehtiyojlari bilan hisoblashish, uning barcha istaklarini bajo keltirib, unga cheksiz g’amxo`rlik ko`rsatishgacha bo`lgan munosabatlarni talaba yoshlarga yetkazish. Nazariy qism: 1. “Ota-ona – bola” munosabatlari tizimi- oila va nikohning paydo bo`lishiga sababchi omillardan biri, ayniqsa, bizning sharoitimizda, farzand tug’ilishidir. Farzandsiz er-xotin aloqalarini, umuman oilaviy munosabatlarini tasavvur qilish mushkul. Ilmiy manbalar tarixan insoniyat ota-ona va farzandlar munosabatlari o`ziga xos bosqichlar va rivojlanish qonuniyatlarini boshidan kechirganligidan guvohlik beradi. Bashar tarixi shundan dalolat beradiki, zamonlar osha ota-onaning bolaga nisbatan xususiy mulkday qarab, uning ustidan hukmronlik qilishi borgan sari farzand ehtiyojlari bilan hisoblashish, uning barcha istaklarini bajo keltirib, unga cheksiz g’amxo`rlik ko`rsatishgacha bo`lgan munosabatlarga aylangan. Ota- ona – bola munosabatlarini agar tarixiy davrlarga bo`ladigan bo`lsak, ota-onaning bolaga yondoshuv usullari bo`yicha qator bosqichlarni boshdan kechirganligini ko`rish mumkin. Olimlarning tavsiflashicha, antik davrlarda erkak va ayol aloqalari oqibatida farzand tug’ilsa, unga deyarli befarq qarash, ya’ni, infantitsid munosabat kuzatilgan, bunday munosabat mohiyatan shafqatsizlikka asoslangan bo`lib, bolani dunyoga keltirganlar uchun uning nasl-nasabi, taqdiri unchalik ahamiyatli bo`lmagan. Yangi asrga kelib, bu munosabatlar tubdan o`zgargan, odam zotida egoizm, o`ziga tegishli narsaga nisbatan egalik hissining takomillashib borishi o`zidan bo`lgan zurriyodga nisbatan munosabatlarda ham o`z aksini topgan. Mulkchilik shakllarining o`zgarishi, turmush tarzi qadriyatlariga monand kattalarning bolaga nisbatan his-kechinmalari ham o`zgarib borgan. Masalan, XIX asrning boshlari XX asrlarning o`rtalariga kelib, ota-onalar farzandlarining jamiyatda tutajak o`rinlari, ularning ijtimoiylashuviga alohida e’tibor bera boshlaganlar. Keyingi davrlar esa kattalarning kichiklar taqdiriga befarq emasligi, ularni qo`llab-quvvatlash, rivojlanishiga ko`maklashishning ahamiyatini anglash davri bo`lgan. Bu an’ana deyarli bizning davrimizda ham davom etib kelmoqdaki, endilikda tug’ilgan bolaga e’tibor oilaning barcha qadriyatlaridan ustun ham keladi. Lekin bunday g’amxo`rlik psixologiyasi ham madaniy-tarixiy o`ziga xoslikka ega. Masalan, ayrim xalqlar (aksariyat Yevropa xalqlari) bolaga u kichikligida juda katta mehr va g’amxo`rlik ko`rsatadi, taxminan o`smirlik davridan boshlab, uning erkinligi tan olinadi va ota-ona tomonidan beriladigan tarbiya uslublari o`zgartirilib, unga kattalarcha munosabatlar barqarorlashadi. Boshqa bir madaniy-etnik hududlarda, aksincha, farzand balog’atga yetgani sari ota-onaning unga e’tibori kuchayadi. Masalan, Osiyo xalqlari, xususan, o`zbeklarda ham oila kattaligi va serfarzandligi bois, bolalarning kichik yoshdagi rivojlanish xususiyatlariga tabiiy holatday qarab, juda katta qayg’urish bilan uning ma’naviy, ruhiy rivojlanishiga e’tibor qaratilmaydi. Lekin qiz bola balog’atga yetib, ko`rkamlashib borgani sari, o`g’il bolaning qo`lidan ish kelib, qatorga qo`shilgani sari, ota-onada ulardan g’ururlanish, taqdiriga kuyunish, g’amxo`rlik ko`rsatish ham ortib boradi. Bunday g’amxo`rlik shu qadarki, uylangan o`g’ilning qadam bosishlarini ham hamon ota-ona nazorat qilaveradi, bu ba’zan, qaynonakelin munosabatlarida, yoki ota-o`g’il munosabatlarida tarangliklarni, nizolarni keltirib chiqaradi. Yuqorida qayd etilgan davrlarda tabiiy, ota-ona farzandlarini tug’ish, tarbiya qilish va jamiyatga tayyorlashda o`ziga xos metodlarni qo`llagan. Boshida o`zidan ajratishni, hayotga tayyorlashni ham bilmagan ota-ona bora-bora bolani jamiyatda ijtimoiylashuviga ahamiyat beradigan, shu jarayonga yordam beradigan bo`lib borgan, ota-onadagi egoizm bolalardagiga aylanib borganki, hozirgi davrda ko`pgina ota-onalar farzandlarining faqat o`zini o`ylashi, ota-onani tushunmasligidan noliydigan ham bo`lib qolgan. Lekin aslida tarixiy rivojlanish tendentsiyalariga e’tibor berilsa, bunga faqat ota- onalarning o`zlari aybdordirlar. Yüklə 111,3 Kb. Dostları ilə paylaş:
|