Metal yuzalarining yeyilishi polimer rezina va ishqalanuvchi juftlikning yeyilishi Polimer va rezinaning yeyilish mexanizmi

Detallar orasida yeyilishni taqsimlanishi
Agar ishqalanuvchi juftlik materiali va ishqalanish sharoit bir xil bo’lsa, ularni yeyilishi ham bir xil bo’ladi. Agar materiali har xil bo’lsa, o’lchami va og’irligi bo’yicha yeyilishi ham har xil bo’ladi. Uning yeyilish jadalligini yeyilish turiga qarab aniqlanadi, ya'ni yeyilish turiga qarab detallar har xil yeyiladi.
Tajribalar shuni ko’rsatadiki, bir xil materiallar yuzasining yeyilishi og’irligi bo’yicha har xildir: katta yuza ko’p og’irlik yo’qotadi. Chiziqli yeyilish nisbati ishqalanish yuzasi nisbatiga bog’liqdir.
Ishqalanuvchi yuzaning yeyilish nisbati, ishqalanish sharoitiga katta ta'sir etar ekan, demak bu nisbatdan real detallarning ishlash sharoitini aniqlash mumkindir yoki aksincha, real detalning ishlash sharoitidan uning yeyilish nisbatini aniqlash mumkindir. Bu nisbat ishqalanayotgan yuzada sodir bo’layotgan jarayonni modellashtirish kriteriyalaridan biri hisoblanadi. Bunga ko’ra, yeyilishning aniqlash usulini (abrazivli yoki korroziyali) ko’rsatish kerak bo’ladi.