166
Səlim bəyi zindana saldılar. Onlar burada qalmaqda olsun,
gəlin sizə Gülbahar xanımdan xəbər verim.
Gülbahar xanım Səlim bəyin tutulmaq xəbərini eşidən kimi
getdi anası Zeynəb xanımın yanına. Ağlayıb-sızlayıb görək
anasına nə dedi:
Eşidənlərə Allah uzun ömür versin.
Aldı Gülbahar xanım:
Ana bil yoxdu ovladın,
Səlim bəgə kədər olsa.
Hax bərbad etsin axretin,
Səlim bəgə kədər olsa.
Baş alıb gedərəm gəlməm,
Bəkir Minbaşını almam.
Zəhər içərəm sağ qalmam,
Səlim bəgə kədər olsa.
Dilərəm saxlasın tanrı,
İsfahandan gələn yarı.
Partçalayın Gülbaharı,
Səlim bəgə kədər olsa.
Gülbahar xanım anasına saznan dediyi kimi söznən, dilnən
də dedi. Sən demə Gülbaharın anası zindanın böyüyü imiş. Öz-
özünə düşündü ki, qız ki, Səlim bəyi sevir qızının xətrini niyə
qırsın. Gedim zindanın qapısını açım, bir baxım görüm Səlim
bəy necə oğlandı. Gedib baxıb gördü ki, bu həqiqətən də canlara
dəyən bir oğlandı. Qızını da bura çağırıdı, Səlim bəyin əl-aya-
ğını açdı, zindandan çıxartdı. Gülbaharın əlini Səlim bəyin əlinə
verdi, Allah mübarək eləsin! – deyib xeyir-dua söylüyüb hər iki-
sini alqışladı və “ Gedin oğullu-qızlı, bağlı-bağatlı olun!” dedi.
Səlim bəy Gülbahar xanımı alıb Zeynəb xanımnan salamat-
lıq aldı, gəldi həmən o qoca qarının evinə. Hərami ərəb, Rasim
bəy, Səlim bəy hər üçü girdilər xas baxcadan Yasəmən xanımı
167
Ərəb üçün gətidilər. Ərəb Yasəməni, Səlim bəy Güllübarı
gətirməkdə olsun, görək sonra nə oldu? Ərəb Yasəməni, Səlim
bəy Güllübarı tərkinə alıb, Rasim bəy də tək atlanıb oradan
İsfahan şəhərinə rəvan oldular. Qonaqlar getməkdə olsunlar, sizə
xəbər verək qarabaş şuğuldan, Bəstidən.
Şuğul Bəsti minbaşıya xəbər verdi ki, evin yıxılsın, toyu
kimə edirsən?
Bəkir Minbaşı dedi:
Necə yanı kimə? Özümə!
Bəsti Vəkil Minbaşıya dedi:
- Bəs, qızı Səlim bəy apardı.
Bu sözü eşidən Bəkir Minbaşı qoşunu götürüb düşdü bnla-
rın dalınca qoşun gəlib bunlara çatdı. Bəkir Minbaşının daldan
çatmasını görən Rasim bəy Səlimə dedi:
- Səlim bəy, dava etməli olacam.
Hərami Ərəb dedi:
- Səlim bəy, mən də dava edəcəm.
Səlim bəy bunların sözünə razı olmadı. Dedi:
- Hələ bir dayanın! Mən Bəkir Minbaşıya üç kəlmə söz
deyim. Aldı Səlim bəy görək Bəkir Minbaşıya nə dedi:
Bəkir Minbaşı nə eşitdi və görək Bəkir Minbaşı Səlim bəyə
nə cavab verdi:
Aldı Səlim bəy:
Əsirmiş-köpürmüş daldan gələrsən,
Geri qayıt, gəlmə, Bəkir Minbaşı.
Susuzdun qanıyan şaşkın müsibət,
Geri qayıt, gəlmə, Bəkir Minbaşı.
Aldı Bəkir Minbaşı:
İran ölkəsinin miskin əcəmi,
Qoymam sağ gedəsən İrana səni.
Sən nəsən ki, burdan qız aparasan,
Qoymam sağ gedəsən İrana səni.
168
Aldı Səlim bəy:
Gürləyib nə tez qaçdın o yana,
İgid lazım bu meydanda dayana.
İndi çöllərini boyaram qana,
Geri qayıt gəlmə, Bəkir Minbaşı.
Aldı Bəkir Minbaşı:
Sən ki, İsfahandan Hində gəldin,
Tülküsən tərlanı bu yerdən çaldın.
Gedərsən, amma ki, salamat qalsan,
Salamat qoymam İrana səni.
Aldı Səlim bəy:
Xəbər alsan Səlim bəyin halınnan,
Şaşkın-şaşkın nə gələrsən dalınnan.
Qarğa ov ovlamaz şahın əlinnən,
Geri qayıt, bir də gəlmə, Minbaşı.
Aldı Bəkir Minbaşı:
Eşitmədin Hinddə Minbaşı Bəkir?
Sadlığın tasına tökərəm zəhir.
Hazır ol ölümə, eylə bir fikir,
Qoymam sağ gedəsən İrana səni.
Səlim bəy sözünü tamam elədi. Sazdan bir kar çıxmadı. Əl
atdılar qılınca. Qanlı Ərəb bir yandan, dəli Rasim bir yandan
düşdü. Hər ikisi sağdan düşdülər düşmənin qoşununu qıra-qıra
sol tərəfədn çıxdılar. Sol tərəfdən vurub sağ tərəfdən çıxdılar.
Bəkir Minbaşını diri tutdular. İstədilər öldürsünlər. Gülbahar
xanım qoymadı, dedi:
- Öldürməyin, atasının bir oğludu. Atanı övladsız qoymayın.
Bəkir Minbaşını buraxdılar, o kor-peşman geri qayıtdı. Səlim,
Rasim, Hərami Ərəb, Gülbahar və Yasəmən xanım düzəldilər İsfa-
169
han şəhərinə tərəf yol getdilər. Gəlhagəl, gəlhagəl gəlib çıxdılar
Misir şəhərinə. Onlar Şakil paşanın evinə getdilər. İnci xanım on-
ları xoş məramla qarşılamağından Gülbahar xanım küsdü. Aldı gö-
rək Səlim bəy Gülbahara nə dedi, Gülbahar xanım nə eşitdi.
Aldı Səlim bəy:
Nədən belə məlul oldun, sövdügüm,
De görüm bu dəm də nə qəsəvətdir?
Söylə dərdin, mən də bərabər çəkim,
Yalnız dərd çəkmək məgər ədətdi?
Sövgü, sövdügünü məzə-dad eylər,
Gah sevinər, gah sevdirər, şad eylər.
Gah naznan küsər, yarı yad eylər,
Bu naz dilbərlərə nə xasiyyətdir.
Səlim bəyə zatı başdan, bəxti kəm,
Yetər çəkdicəyim bunca dərdi-qəm.
Məni sevməyəni mən də istəməm,
Könülsüz yar sevmək belə ləzzətdir.
Söz tamama yetəndən sonra Gülbahar xanımı saznan da,
dilcavabınan da başa saldı ki, İnci xanım Rasim bəyindir. O, ge-
cə qaldılar Şakil paşanın evində. Gecə keçdi. Səhər açıldı. Səhər
yeməyindən sonra Şakil paşadan icazə alıb düzəldilər yola. Yəni
İsfahan şəhərinin yoluna. Nəhayət günlərin bir günündə gəlib
çatdılar İsfahan şəhərinə.
Xəbər çatdı Bəkil Əzizə, Nağı xana. Hər ikisi oğullarının piş-
vazına çıxdılar. Ata-bala, gəlin qaynana öpüşüb görüşdülər. Analar
gəlinləri dalınca apardı, ata isə toy tədarükünə hazırlaşdı. Qırx gün,
qırx gecə toy elədilər, Gülbaharı Səlim bəyə, İnci xanımı Rasim
bəyə, Yasəməni də Hərami Ərəbə verdilər. Hər üçü murazlarına
çatdılar. Səlim bəy bu duvaqqapmaynan toylarını başa çatdırdı:
Sövdügümü Hinddən çəkdim gətirdim,
Şükür, muradımı verdi yaradan.
Dostları ilə paylaş: |