162
qoca bir arvadla rastlaşdılar. Salam verib, əleykə salam alandan
sonra qarıdan soruşdular:
-Ay nənə, imanına qurban olum, olarmı bu gecə sizdə
qonaq qalaq.
Qoca nənə dedi:
– Oğul, qonaq Allahın qonağıdı, qonaq olmayan evə zülm
qonsun. Allaha da qurban olum, sizə də.
Qarı nənə bunu deyib onların hər üçünü də evə də”vət elədi.
Sonra dedi:
-Ay oğul, sizə nə danışım, nə gizlədim, yatmağa yerim olsa
da, amma, yeməyə heç nəyim yoxdu.
Səlim bəy əlini cibinə salıb xeyli xərclik çıxarıb qarıya
uzadıb dedi:
-Ay nənə, al bu pulu bazara get, ürəyin nə istəyir al gətir
bişir. Sən də ye, biz də.
Nənənin bazara getməsi ilə qayıtması bir oldu. Yemək gəti-
rib hazırladı, stol açdı. Yeyib-içdikdən sonra nənədən soruş-
dular:
-Ay nənə, bu Hindistan şəhərində təzə nə xəbər var? Nənə
dedi:
-Oğlum, nə olacaq, höküməti-vəzir öz qızı Gülbahar xanımı
əsgər başı Bəkir Minbaşıya ərə verir.Amma,qız inadlaşıb ərə
getmək istəmir.
Səlim dedi:
-Ay nənə,qız o Bəkir Minbaşıya niyə ərə getmir?
Qarı dedi:
- Oğul, ona görə getmir ki, qızın gözlədiyi var. Ona getmək
istəyir.
Səlim dedi:
Anacan, bəs onun gözlədiyi adam kimdi?
Nənə cavab verdi:
– Oğul,deyirlər ki, onun gözlədiyi İsfahan şəhərindən Bəkil
Əzizin oğlu Səlimdi.
163
Səlim dedi:
-Anacan, o dediyin Səlim bəy mənəm ki, varam. Sən deyən
Gülbahar xanım haradadır?Bir mənə göstərməzsənmi?
Qarı dedi:
– Oğul,dəliha deyilsən? Bu işıqlı dünyanı mənə niyə dar
eləmək istəyirsən? Belə deyəndə Səlim bəy ona xeyli xərclik
verdi. Nənə qızılı görəndə ət görmüş ac pişik kimi gözləri parıl-
dadı. Hərami ərəblə Rasim bəy nənənin evində qaldılar. Qoca
nənə Səlimlə Gülbaharı görməyə getdilər. Odu ki, qarı Səlim
bəynən Gülbaharın seyrinə çıxdılar. Nənə Səlimi aparıb bağı
göstərdi. Özü geri qayıtdı. Nənə geri qayıtmaqda olsun, indi də
sizə xəbər verim Gülbahar xanımdan.
Gülbahar qaravaşlarına dedi:
– Qızlar, ürəyim yaman darıxır, bir az deyib-gülmək istə-
yirəm. Siz Allah, əgər bir aşıq-zad görsəniz bura çağırın. Bir az
mahnıya-saza qulaq asaq, eynimiz açılsın.
Qızlar dörd göz oldular. Səlim bəyi qızlar bağın yanında
hərrənən görüb, qırsaqqız olub əl çəkmədilər. Dedilər:
- Aşıq, səni bizim xanım görmək istəyir.
Səlim bəyi Gülbaharın hüzuruna apardılar. Səlim bəy sa-
lam verdi. Gülbahar əleyk aldı. Səlim bəy Gülbaharı görəndə
cuşə gəldi. Sədəfli sazını bağrına basıb görək nə dedi:
Aldı Səlim bəy:
Sallanıb gəzərsən bağda sebgilim,
Deməzsən aşığim gəlmədi, hanı?
Yaxın gəl bir soruş halımdan xanım,
Üç aydı gəzirəm mən çölüstanı
Aldı Gülbahar xanım:
Arzulardım səni şükür ki, gördüm,
Bu dəm qonağımsan buyur, Səlim bəy.
Gizlin-gizlin daldalardan baxarsan,
Bu dəm qonağımsan, buyur, Səlim bəy.
164
Aldı Səlim bəy:
Mən ovçuyam, maral, ovkağım sənsən,
Çəkdiyim dərdiynən-fərrağım sənsən.
Ağır bəzirganam, matahım sənsən,
Gəlmişəm aparım İrana səni.
Aldı Gülbahar xanım:
Vağyamda görmüşdüm səni ay, oğlan,
Sən gəldin sevindi baği-gülüstan.
Canımnan bərabər bağ sənə əfşan,
Bu dəm qonağımsan, buyur, Səlim bəy.
Aldı Səlim bəy:
Geyinifsən yaşıl üstündən bəyaz,
Sevdalı bülbül tək eylərəm pərvaz.
Səlim bəy də deyər gəl eyləmə naz,
Yaxın gəl sevindir ürəgim mənim.
Aldı Gülbahar xanım:
Qulun qurbanınam gözləri məsdan,
Yaxın gəl, verəyim dəstimi dəstan.
Bu gün Gülbaharı çıxatdın yasdan,
Bu dəm qonağımsan, buyur, Səlim bəy.
Səlim bəylə Güllübar xanım bir-biriylə deyişən zaman Gül-
bahar xanımın cəyrəbaşı
1
Ağca qız qızın atasına xəbərə qaçdı.
Ağca qızın atası da şuğul adam idi. Odur ki, höküməti Vəzirə
şuğulladı ki:
- Gülbahar xanım Xas bağçada Səlim bəylə gəzir. Deməz-
sənmi öpüşün biri bir pud kartofa; o da, nisyə payız xırmanı
vaxtına. Bu sözü eşidən höküməti Vəzir hökm elədi ki, Səlim
1
cəyrəbaşı – baş qarabaş
165
bəyi tutun gətirin!
Cəlladlar Səlim bəyi tutub qabaqlarına qatıb gətirdilər.
Höküməti Vəzirin hüzuruna. Vəzir hökm elədi:
- Onu öldürün!
Vəkil-vəzir, gizir qoymadı. Dedilər:
- Olmaz, öldürməyək, hələlik zindana salaq. Hələlik Gülba-
har xanımdan da öyrənək. Bəlkə bu işdə o da günahkardı.
Höküməti Vəzir hökm elədi ki, elə isə Səlim bəyin qollarını
bağlayıb zindana salın!
Səlim bəy dedi:
- Vəzir, izn verin dilimə üç xana söz gəlib, onu deyim,
sonra məni zindana sal. Əlindən ki, alan yoxdur.
Vəzir izn verdi. Səlim bəy sədəfli sazını bağrına basıb aldı
görək yana-yana nə dedi:
- Ya Allah, sən mərd yaxasını namərd əlinə giriftar eyləmə.
Amin, inşallah!
Aldı Səlim bəy:
Quş keçməz dağlardan aşdım da gəldim,
Dilimdə Gülbahar, ürəkdə Allah.
İçirtdi badəni nurənin qoca,
Hindistan mənimçün oldu qibləgah.
Məni İsfahandan Hində gətirən,
Qəzadan, qorxudan, dərddən ötürən,
Ağalar ağası, mətləb bitirən,
Gələr köməyimə, gələr, inşallah.
Səlim bəyəm, yalan deməm şahıma,
Yalan desəm qərq olaram ahıma.
Çatasıyam Gülbahar tək mahıma,
Mən haq aşiqiyəm vallahi-billah.
Səlim bəy sözünü qurtaranda Höküməti Vəzir hökm elədi:
- Səlimi zindana salın!
Dostları ilə paylaş: |